Ol Miting Bilong Wok Bilong Jun
Wik i Kirap long Jun 6
Singsing 9
10 min: Ol toksave bilong kongrigesen. Toksave long ol bung bilong i go autim tok long dispela wik. Mekim sotpela soim long pasin bilong tilim ol nupela magasin taim yumi autim tok long ol haus long dispela Sarere Sande. Kirapim tingting bilong ol brata sista long kisim buk Rot Bilong Abrusim Bagarap na i Stap Long Nupela Graun o ol narapela buk i gat 192 pes long en, em bilong tilim long dispela Sarere Sande.
20 min: “Yu Save Planim Planti Kaikai?” Ol askim na bekim. Sapos i gat taim, singautim sampela brata sista na ol i ken stori liklik long olsem wanem ol i bin wok strong moa long mekim sampela hap wok bilong autim tok na ol blesing ol i bin kisim long en.
15 min: “Helpim Ol Narapela Long Givim Biknem Long Man Bilong Wokim Yumi.” Toktok wantaim ol brata sista long ol dispela tok. Mekim tupela soim long pasin bilong mekim tok olsem i stap daunbilo.
Singsing 30 na beten.
Wik i Kirap long Jun 13
Singsing 28
10 min: Ol toksave bilong kongrigesen. Kaunim ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Stori liklik olsem sapos man i givim planti samting, em bai kisim planti blesing.—Snd 11:24a.
15 min: “Autim Tok Wantaim Ol Magasin.” Wasman bilong wok autim tok i ken mekim dispela tok na kamapim sampela askim. Em i no ken stori tasol long ol dispela tok; em i mas helpim kongrigesen long save olsem wanem dispela tok inap helpim ol. Kongrigesen i bin mekim wanem bilong stretim rot bilong autim tok long Magasin De, na long rot, na long ol stua samting? Kirapim ol brata long mekim wok magasin long kain kain rot.
20 min: “Buk-Stadi Bilong Kongrigesen i Save Skulim Yumi.” Wanpela brata i lukautim Buk-Stadi i ken toktok wantaim ol brata sista long ol dispela tok. Stori gut olsem wanem dispela tok inap kirapim (1) sampela moa long kam long buk-stadi, na kirapim (2) ol brata long bekim sampela tok moa long stadi, na kirapim (3) sampela moa long kam long ol bung bilong i go autim tok. Kaunim paragraf pastaim, orait nau stori long en.
Singsing 65 na beten.
Wik i Kirap long Jun 20
Singsing 31
10 min: Ol toksave bilong kongrigesen. Toksave long ol bung bilong i go autim tok long dispela Sarere Sande.
10 min: Bai Mi Mekim Wanem Kain Wok? Wanpela elda i ken stori long ol tok bilong dispela hap, “Bai Mi Mekim Wanem Kain Wok?” i stap long pes 174-179 bilong buk Sampela Askim Bilong Ol Yangpela.
10 min: Askim. Ol askim na bekim. No ken kaunim ol paragraf.
15 min: Yu Save Bihainim Laik Bilong God? Wanpela elda i ken lukim ol tok i stap long pes 28-30 bilong Wastaua bilong Mas 1, 1994, na mekim wanpela tok.
Singsing 223 na beten.
Wik i Kirap long Jun 27
Singsing 174
10 min: Ol toksave bilong kongrigesen. Toksave long ol bung bilong i go autim tok long dispela Sarere Sande. Olsem wanem? Yu putim pinis ripot bilong yu bilong mun Jun? Gutpela sapos yu putim kwik long pinis bilong mun.
15 min: “Ol Gutpela Bung Bilong i Go Autim Tok.” Ol askim na bekim. Wasman bilong wok autim tok i ken lukautim dispela hap. Long paragraf 3, kamapim wanpela o tupela pasin bilong kirapim tok olsem i stap long buk Reasoning na ol brata i ken mekim wok long en long dispela Sarere Sande. Sapos yumi bin lukim sampela brata sista i no bihainim gutpela pasin tumas long taim ol i autim tok, orait long paragraf 5, kamapim dispela samting na long pasin isi kamapim sampela tok bilong stretim dispela pasin.
20 min: Stori Gen Long Samting Bilong Tilim Long Mun Julai. Stori gen long samting bilong tilim long mun Julai, olsem: Wanpela buklet, long 30 toea (tasol no ken tilim buklet Skul). Holim ol buklet long han na bai ol brata i ken lukim wanem ol buklet i stap long kongrigesen. Olsem: Gutpela Yu Bilip Long God Triwan o Nogat?, “Harim! Mi Mekim Olgeta Samting i Kamap Nupela!,” Stap Amamas Oltaim Long Graun!, Wanpela Gavman Em Bai Kamapim Paradais. Ol dispela buklet i gutpela bilong kirapim sampela Baibel-stadi. Stori long sampela gutpela tok na piksa i stap long ol dispela buklet, em ol i gutpela bilong mekim wok long en bilong kirapim tok. Mekim tupela soim long pasin bilong kirapim tok long wanpela man long tok bilong Baibel. (Sapos yu save long tok Inglis, mekim wok long ol tok bilong “Future/Security” na “Kingdom” i stap long pes 11-13 bilong buk Reasoning.) Bilong pinisim tupela soim, stretim tok bilong kirapim Baibel-stadi wantaim man.
Singsing 118 na beten.