Ol Miting Bilong Wok Bilong Julai
Wik i Kirap long Julai 4
Singsing 141
10 min: Ol toksave bilong kongrigesen. Toksave long ol bung bilong i go autim tok long dispela wik. Kolim nem bilong ol buklet i stap long kongrigesen, na kirapim ol pablisa long kisim sampela buklet, em bilong tilim long taim ol i autim tok.
17 min: “Wok Strong Long Autim Tok Long Ol Haus.” Ol askim na bekim. Ol brata sista i bin harim tok i tru taim wanpela Witnes i autim tok long haus bilong ol, askim sampela long stori liklik olsem ol i amamas long ol dispela Witnes i bin kam autim tok long ol.
18 min: “Helpim Ol Narapela Long Kisim Save Long Tok i Tru.” Toktok wantaim ol brata sista long ol dispela tok. Tokim sampela strongpela pablisa long redi, na bai ol i ken mekim tupela o 3-pela soim long pasin bilong mekim tok olsem i stap long ol dispela paragraf. Stori gut: Sapos ol brata sista i mekim liklik tok tasol na ol i mekim long pasin i no hatwok long save long en, olsem wanem dispela em i gutpela.
Singsing 120 na beten.
Wik i Kirap long Julai 11
Singsing 115
12 min: Ol toksave bilong kongrigesen. Kaunim ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen. Mekim gutpela tok amamas long ol i bin givim ol kontribusen. (Kis 35:29) Kirapim ol pablisa long ol i ken tingting long mekim wok autim tok long apinun, olsem 5 klok samting—em gutpela taim bilong autim tok long ol haus o long mekim ol gobek; tasol ol brata i mas tingting gut long wanem hap teritori i gutpela bilong ol i ken autim tok long en—nogut raskol samting i bagarapim ol.
15 min: Stap Longwe Long Samting i Laik Bagarapim Yu. Wanpela elda i gat save i ken stori long ol tok bilong dispela hap, “Stap Longwe Long Samting i Laik Bagarapim Yu,” i stap long pes 22-25 bilong Wastaua bilong Februeri 15, 1994.
18 min: “Sapos Yumi No Go Bek Long Ol, Olsem Wanem Bai Ol i Harim?” Toktok wantaim ol brata sista long ol dispela tok. Mekim soim long ol tok olsem i stap long paragraf 3 na 4. Kamapim sampela tok moa i helpim ol long save, bilong wanem ol i mas wok long kirapim Baibel-stadi long taim ol i mekim ol gobek.
Singsing 123 na beten.
Wik i Kirap long Julai 18
Singsing 125
10 min: Ol toksave bilong kongrigesen. Sapos yupela i save long det bilong kibung sekit i laik kamap, orait toksave long dispela. Toksave long ol bung bilong i go autim tok long dispela Sarere Sande, na kirapim ol brata sista long mekim wok magasin.
10 min: Askim. Ol askim na bekim.
25 min: “Autim Gut Tok Long Rot na Painim Ol Man i Laik Harim Tok.” Wasman bilong wok autim tok o narapela elda em inap lukautim gut dispela hap na i save mekim gut wok autim tok long rot, em i ken toktok wantaim tupela o 3-pela pablisa ol tu ol i save autim tok long rot. Kamapim tupela o 3-pela sotpela ekspiriens. Mekim sampela soim long pasin bilong tilim ol nupela magasin.
Singsing 134 na beten.
Wik i Kirap long Julai 25
Singsing 140
5 min: Ol toksave bilong kongrigesen. Mekim soim long pasin bilong tilim ol nupela magasin. Kirapim olgeta brata sista long ol i ken insait long wok magasin.
5 min: Sampela Stori long Wok Bilong Kingdom. Wanpela brata i ken stori liklik long ol samting i bin kamap long olgeta wan wan ples hia. Em i mas kamapim gut ol tok na bai ol brata sista i amamas long harim.
15 min: “Soim Gutpela Rot Long Ol Pikinini.” Ol askim na bekim. Toktok wantaim wanpela o tupela yangpela em ol i bihainim gutpela pasin. Ol i ken stori long sampela wok bilong spirit ol i bin putim olsem mak bilong winim na olsem wanem dispela i bin helpim ol long kisim sampela blesing moa.
20 min: Mekim Ol Tok Yumi Autim i Kamap Gutpela Moa. Wanpela famili i ken mekim soim. Ol i mekim traim long pasin bilong mekim tok olsem i stap daunbilo, em pes 18 na 19 bilong buk Reasoning i kamapim. No ken kalapim ol minit bilong dispela hap. Wanpela bilong dispela famili i ken mekim soim long wanpela tok, na ol narapela i ken givim gutpela tok amamas long em, na sampela tok bilong stretim em na bai em i ken mekim gutpela moa. Na famili i ken toktok wantaim long wanpela tok em planti man i save kamapim, na ol i ken toktok long sampela tok bilong bekim long ol.
1 Sapos man i tok, “Mi gat lotu,” yu ken mekim tok olsem:
◼ ‘Olsem wanem? Lotu bilong yu i save lainim yu olsem ol man i laikim tumas stretpela pasin, bihain bai ol inap i stap oltaim long graun? . . . Em gutpela samting, a? . . . Em hia, Baibel i stori long dispela samting. (Sng 37:29; Mt 5:5; KTH 21:4)’
2 O yu ken tok:
◼ ‘Tru, lotu em i samting bilong yumi wan wan. Tasol Baibel i tok, God i wok long painim ol manmeri i laik lotu tru long em. Lukim dispela tok long Jon 4:23, 24. Olsem wanem yumi ken lotu long God long “pasin i tru”? . . . God i givim wanem samting long yumi bilong helpim yumi long save wanem pasin i tru na wanem pasin i no tru? . . . (Jo 17:17) Dispela i bikpela samting long yumi olgeta wan wan. (Jo 17:3)’
3 Yu ken tok olsem:
◼ ‘Ating taim yu liklik yet yu laikim lotu? . . . Yu ting bihain olgeta manmeri bai stap wanbel na i gat wanpela lotu tasol? . . . Mi gat bikpela tingting long dispela, long wanem, mi lukim dispela tok hia i stap long Kamapim Tok Hait 5:13. . . . Wanem samting i mas kamap na bai yumi olgeta i stap wanbel olsem?’
4 Sapos man i tok “Mipela i Kristen pinis,” yu ken mekim tok olsem:
◼ ‘Gutpela tru. Olsem na yu save Jisas yet i bin mekim wok olsem mipela i mekim—em i go lukim ol man long haus bilong ol, na em i tokim ol disaipel bilong em ol i mas mekim dispela wok. Ating yu save long bikpela tok ol i bin autim, a? . . . Em, nau mipela i kam toktok wantaim yu long dispela samting. (Lu 8:1; Dan 2:44)’
Singsing 187 na beten.