Ol Toksave

◼ Samting bilong tilim long Ogas: Buklet Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?, long 30 toea. O yu ken tilim ol narapela buklet i gat 32 pes long en, long 30 toea (tasol no ken tilim buklet Skul). Ol buklet yu ken tilim, em olsem: Gutpela Yu Bilip Long God Triwan o Nogat?, “Harim! Mi Mekim Olgeta Samting i Kamap Nupela!,” Stap Amamas Oltaim Long Graun!, Tru God i Save Tingim Yumi?, Wanpela Gavman Em Bai Kamapim Paradais. Septemba: Buk Yu Inap i Stap Oltaim Long Paradais Long Graun, long K3.00. Oktoba: Sabskripsen bilong Wastaua na Kirap! Sabskripsen bilong Wastaua, em K6.00; sabskripsen bilong Kirap!, em K3.00. Novemba: New World Translation of the Holy Scriptures wantaim buk Harim Tok Bilong Bikpela Tisa, long K5.00. HARIM: Sapos kongrigesen i no putim yet oda bilong ol dispela samting bilong tilim, orait putim oda long pepa Literature Order (S-AB-14).

◼ Long dispela mun, sampela kongrigesen bai autim tok yet long longwe teritori. Sapos yumi bungim sampela man i laik harim tok, gutpela sapos yumi raitim pas long ol o go bek lukim ol long sampela taim long yia.

◼ Taim kongrigesen i putim oda bilong Septemba, putim oda bilong kalenda tu, em 1995 Calendar of Jehovah’s Witnesses (tok Inglis).

◼ Olgeta manmeri i save bung wantaim wanpela kongrigesen na i laik putim sabskripsen bilong Wastaua na Kirap!, ol i mas putim long rot bilong kongrigesen​—⁠em ol nupela sabskripsen na sabskripsen ol i bin kisim gen, na ol sabskripsen bilong ol yet.

◼ Long mun Ogas, olgeta kongrigesen na grup i stap longwe long kongrigesen bai kisim ol pepa bilong kongrigesen bilong wanpela yia. Mipela i tingim hamas pablisa bilong olgeta wan wan kongrigesen na grup, na mipela i salim ol pepa inap long skel bilong kongrigesen na grup. Ol dispela pepa bai inap long 12-pela mun. Tasol sapos namel long yia kongrigesen i sot long sampela pepa, orait, kongrigesen i ken oda long sampela moa. Raitim dispela oda long pepa Literature Order (S-AB-14). Kuskus bilong kongrigesen i ken tilim ol dispela pepa long ol brata i gat wok long en. No ken mekim wok long ol olpela pepa​—⁠ol olpela pepa yu mas kukim long paia.

◼ Mipela i wok long salim kat Medical Directive na Identity Card i go long ol kongrigesen. Taim ol dispela kat i kamap pinis long kongrigesen, kuskus i no ken kirap kwik na tilim, nogat; em i mas holim i stap inap long namba wan Miting Bilong Wok Autim Tok i kamap long mun Septemba. Miting i kamap pinis, orait nau em i ken tilim long olgeta brata sista i baptais pinis.

◼ Taim ol kongrigesen i pinis long mekim stadi long buk Wanbel long Buk-Stadi bilong ol, ol bai stadi long ol dispela buklet: (1) Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?, na bihain (2) Tru God i Save Tingim Yumi?, na bihain (3) Yumi Stap Bilong Mekim Wanem—Yu Ken Save Olsem Wanem? Taim kongrigesen i no kirap yet long mekim stadi long ol dispela buklet, kongrigesen i mas putim oda na bai ol brata sista i no ken sot long ol dispela buklet.