Ol Toksave

◼ Samting bilong tilim long Septemba: Buk Yu Inap i Stap Oltaim Long Paradais Long Graun, long K3.00. Oktoba: Sabskripsen bilong Wastaua na Kirap! Sabskripsen bilong Wastaua, em K6.00; sabskripsen bilong Kirap!, em K3.00. Novemba: New World Translation of the Holy Scriptures wantaim buk Harim Tok Bilong Bikpela Tisa, long K5.00. Disemba: Buk Nambawan Man Tru i Winim Olgeta Narapela Man, long K3.00. HARIM: Sapos kongrigesen i no putim yet oda bilong ol dispela samting bilong tilim, orait putim oda long pepa Literature Order (S-AB-14).

◼ Long dispela mun, sampela kongrigesen bai autim tok yet long longwe teritori. Sapos kongrigesen i no salim yet ripot bilong ol long ol samting ol i bin mekim long longwe teritori long dispela yia, gutpela sapos kongrigesen i salim long pinis bilong dispela mun.

◼ Brens-ofis i save, nau planti kongrigesen i save salim ripot bilong ol long taim stret bilong mekim, na lain bilong brens-ofis i amamas long dispela gutpela pasin. Na ol i amamas moa yet long ol kongrigesen i stap long ol longwe hap ol i save mekim olsem.

◼ Mipela laik kirapim ol kongrigesen long tingim gen dispela samting: Taim ol i pinis long mekim stadi long buk Wanbel long Buk-Stadi bilong ol, ol bai stadi long ol dispela buklet: (1) Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?, na bihain (2) Tru God i Save Tingim Yumi?, na bihain (3) Yumi Stap Bilong Mekim Wanem​—⁠Yu Ken Save Olsem Wanem? Taim kongrigesen i no kirap yet long mekim stadi long ol dispela buklet, kongrigesen i mas putim oda na bai ol brata sista i no ken sot long ol dispela buklet.

◼ Wasman siaman o brata em siaman i makim, i mas skelim ol akaun bilong kongrigesen long Septemba 1 o mekim kwiktaim bihain long en. Taim em i mekim pinis, orait toksave long kongrigesen. Paragraf 32 bilong pepa Instructions for Congregation Accounting (S-AB-27 [tok Inglis]) i tokaut long pasin bilong skelim ol akaun bilong kongrigesen.

◼ Sapos tupela o 3-pela kongrigesen i miting long wanpela Haus Kingdom na ol i laik senisim taim bilong miting bilong ol long olgeta yia, orait, gutpela sapos ol i mekim long Septemba 1. No ken mekim long ol narapela mun insait long yia.

◼ Mipela laik kirapim ol elda long bihainim ol tok i stap long pepa ol i bin kisim wantaim Wok Kingdom bilong Julai 1991 (Wastaua tok Inglis bilong Epril 15, 1991, pes 21-23). Em i stori long ol man i bin raus o ol i bin rausim ol yet, em ol elda i ting ol inap helpim ol na bai ol i gat laik long kam bek. Long namba wan miting bilong ol elda long olgeta yia bilong wok, ol elda i mas tingim olgeta wan wan rauspela man em ol i save ol i stap insait long teritori bilong kongrigesen. Ol i mas makim tupela elda (o wanpela elda na wanpela wokman bilong kongrigesen) bilong i go lukim olgeta wan wan em ol elda i ting ol inap helpim ol.

◼ Long olgeta yia long Septemba, mipela i salim olgeta pepa bilong ol painia salim na misineri bilong mekim wok long en long yia bilong wok. Sapos ol i lukautim gut, ating bai ol i no ken singaut long sampela moa namel long yia.