Ol Miting Bilong Wok Bilong Septemba
Wik i Kirap long Septemba 5
Singsing 5
10 min: Ol toksave bilong kongrigesen. Toksave long ol bung bilong i go autim tok long dispela wik.
20 min: “Mekim Bikpela Wok Moa Long Gutpela Wok Bilong Kingdom.” Ol askim na bekim. O wasman bilong wok autim tok na narapela elda i ken toktok wantaim long ol bikpela tok bilong dispela tok i stap daunbilo. Stori long ol wok kongrigesen i bin mekim long yia i go pinis. Mekim sampela tok amamas long ol gutpela wok ol pablisa i bin mekim na stori long sampela wok ol i mas wok strong long mekim i kamap gutpela moa. Stori gut: Gutpela sapos ol pablisa wan wan i tingting long mekim bikpela wok moa long autim tok na putim dispela olsem wanpela mak bilong winim.
15 min: “Kirapim Ol Man Long Laikim Buk Stap Oltaim.” Tripela o 4-pela pablisa, wanpela bilong ol em yangpela pablisa, ol i ken toktok wantaim long ol dispela tok na mekim traim. Ol i ken mekim tupela o 3-pela soim long pasin bilong mekim tok. Mekim pinis, orait nau ol i ken stori gen—narapela i ken givim gutpela tok amamas long narapela na sampela tok bilong stretim em na bai em i ken mekim gutpela moa.
Singsing 32 na beten.
Wik i Kirap long Septemba 12
Singsing 54
7 min: Ol toksave bilong kongrigesen. Kirapim ol brata na sista long mekim wok painia long mun Oktoba. Dispela mun i gat 5-pela Sarere Sande long en, na dispela bai helpim ol brata i wok mani long ol tu i ken kisim 60 aua.
20 min: Pasin Kristen Long Skul. Wanpela elda i ken toktok wantaim 3-pela o 4-pela yangpela. Kain kain samting i laik pulim ol yangpela bilong yumi long skul na bai ol i no stap gut long ol lo bilong God. I no ol samting ol i mas mekim insait long klasrum tasol i putim bikpela hevi long ol, nogat. Samting inap pundaunim ol yangpela, em spot, na pasin bilong man i raun wantaim meri, na ol bung bilong amamas. Elda i ken toktok wantaim ol yangpela long “Ol Narapela Samting Ol i Mekim Long Skul” i stap long pes 22-25 bilong buklet Skul. Ol yangpela i ken kamapim sampela tok i makim olsem i gat sampela samting i laik pulim ol i go insait long ol dispela samting, olsem na ol i amamas long kisim ol gutpela tok i bilong helpim ol. Long ol liklik kongrigesen, brata i lukautim dispela hap em i ken kaunim ol tok i stap long pes 22-25 bilong buklet Skul na toktok wantaim ol brata sista long en.
18 min: “Ol i No Surik Long Autim Tok.” Ol askim na bekim. Kamapim klia: Maski yumi olgeta i no inap lusim bikpela hap taim long autim tok olsem sampela i save mekim, yumi mas wok long givim bel tru long ol wok yumi inap mekim na kisim amamas long en.
Singsing 60 na beten.
Wik i Kirap long Septemba 19
Singsing 36
10 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen.
20 min: “Stretim Gut Ol Wok na Wokabaut Yet Long Dispela Pasin—Namba 2 Hap.” Ol askim na bekim. Gutpela sapos wanpela elda i lukautim dispela hap.
15 min: “Kirapim Ol Baibel-Stadi Long Buk Stap Oltaim.” Toktok wantaim ol brata sista long ol dispela tok. Mekim wanpela soim long pasin bilong mekim tok olsem i stap daunbilo.
Singsing 67 na beten.
Wik i Kirap long Septemba 26
Singsing 44
10 min: Ol toksave bilong kongrigesen. Singautim sampela brata sista long stori liklik long sampela ekspiriens ol i bin kisim taim ol i tilim buk Stap Oltaim o kirapim sampela stadi long en.
15 min: “Famili i Wok Wantaim Long Mekim Wok Bilong Jehova.” Ol askim na bekim. Long kirap bilong tok, brata i mas stori gut olsem: Ol famili i mas wok gut wantaim, na papamama i mas makim taim bilong stadi wantaim ol pikinini bilong ol na putim tok i go daun long bel bilong ol. Planti yangpela i bin lusim tok i tru, long wanem, taim ol i wok long i go bikpela, papamama i no bin toktok gut wantaim ol. Sapos papamama Kristen i laik bai Jehova i ken mekim gut long ol, ol i no ken larim dispela samting i kamap.
20 min: Tilim Wastaua na Kirap! Long Mun Oktoba. Wasman bilong wok autim tok i ken lukautim dispela hap. Ol magasin bilong yumi i save helpim yumi long mekim bikpela wok bilong autim tok long olgeta hap—long rot bilong ol dispela magasin sampela milion manmeri ol i bin harim tok i tru long namba wan taim. Stori gut: Em bikpela samting long yumi mas mekim wok long ol magasin long olgeta taim na tilim long taim yumi go long ol haus na autim tok, maski yumi wok long tilim buk samting. Stori liklik long ol gutpela samting i save kamap taim yumi autim tok long olgeta wik long De Magasin. Stori long olsem wanem wok bilong autim tok long rot na ol stua i opim rot bilong yumi ken tilim planti magasin. Kirapim ol brata long ol i mas raitim long notbuk ol samting ol i bin tilim, na bai ol i ken go bek oltaim long man i bin kisim samting na bringim ol nupela magasin long em. Helpim ol brata sista long save, taim ol i mekim ol gobek, ol i ken tilim sabskripsen. Stori gut, pasin bilong redi gut pastaim em i bikpela samting. Tripela pablisa, wanpela bilong ol em i yangpela pablisa, ol i ken mekim sampela sotpela soim long pasin bilong tilim magasin.
Singsing 76 na beten.