Ol Toksave

◼ Samting bilong tilim long Novemba: New World Translation of the Holy Scriptures wantaim buk Harim Tok Bilong Bikpela Tisa, long K5.00. Disemba: Buk Nambawan Man Tru i Winim Olgeta Narapela Man, long K3.00. Janueri: Ol buk i gat 192 pes long en, em kongrigesen i holim, long K1.00. Februeri: Buk Yu Inap i Stap Oltaim Long Paradais Long Graun, long K3.00. Gutpela yu go bek lukim ol man i kisim dispela buk na wok long kirapim Baibel-stadi. HARIM: Sapos kongrigesen i no putim yet oda bilong ol dispela buk bilong tilim, orait putim oda long pepa Literature Order (S-AB-14).

◼ Yia-teks bilong 1995: ‘Laikim tru ol manmeri bilong God na stap wanbel tru.’​—⁠Kl 2:⁠2.

◼ Gutpela sapos olgeta kongrigesen i pasim nupela yia-teks insait long Haus Kingdom bilong ol taim Janueri 1 i kirap. Wasman siaman i mas lukautim wok bilong mekim dispela samting. Ating ol liklik kongrigesen na grup i ken raitim yia-teks long wanpela blakbot. Ol i mas raitim klia na raitim gut. Sapos ol i mekim wok long blakbot, orait, long olgeta yia bihain ol i ken mekim wok long dispela blakbot na bai ol i no ken tromoi bikpela mani na taim na strong long wokim yia-teks.

◼ Olgeta kongrigesen i ken putim oda nau bilong kisim ol samting bilong 1995, olsem: Skelim Sampela Tok Bilong Baibel Long Olgeta De​—⁠1995; yiabuk bilong ol Witnes Bilong Jehova bilong 1995 (tok Inglis); kalenda bilong ol Witnes Bilong Jehova bilong 1995 (tok Inglis); ol volyum bilong Wastaua na Kirap! bilong 1994 (tok Inglis na tok Pisin). Mipela i no save mekim wok moa long grinpela pepa Annual Items Order. Plis putim dispela oda long pepa Literature Order (S-AB-14), na mekim olsem long olgeta yia. Kongrigesen i mas oda inap stret long ol brata i putim oda. Ol dispela samting i gat lo bilong baim kwik, olsem na kongrigesen i no ken oda nating na bungim i stap long kongrigesen. Wokim stret wanpela lista i gat nem bilong ol brata i laik kisim ol dispela samting. Ol elda i ken pasim tok olsem, taim ol brata i putim oda, ol i laik bai ol i putim mani wantaim oda o nogat. Sapos ol brata i putim mani pastaim, kongrigesen i mas holim dispela mani inap long taim ol dispela buk samting i kamap pinis long kongrigesen.

◼ Kongrigesen i ken putim oda nau bilong kisim liklik kat bilong kibung distrik; em kat bilong raitim nem long en na pasim long klos. Kongrigesen i mas putim dispela oda long pepa Literature Order (S-AB-14). Plis oda inap stret long ol pablisa wantaim ol pikinini bilong ol. Ol pablisa i no inap kisim ol dispela kat taim ol i kamap long kibung.

◼ Mipela i laik kirapim kuskus bilong kongrigesen long tingim wok em i mas mekim olsem kodineta bilong kibung long kongrigesen bilong em. Olsem na kuskus bilong kongrigesen i mas lukautim na stretim wok bilong putim ol oda bilong kibung distrik, na raitim ol pas samting, na stretim rot bilong ol brata sista long i go long kibung na long kisim ples slip.

◼ Nupela Kompyuta Program Yu Inap Kisim:

Tok Inglis: CD-ROM, Watchtower Library—1993 Edition. Em samting bilong baim kwik (K10.00).