Ol Miting Bilong Wok Bilong Novemba
Wik i Kirap long Novemba 7
Singsing 4
10 min: Ol toksave bilong kongrigesen, na sampela toksave i stap daunbilo. Kamapim wanpela o tupela tok bilong ol nupela magasin ol brata sista i ken mekim wok long en taim ol i laik tilim.
18 min: “Tok Bilong God i Gat Strong.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Lukim ol tok bilong “Tok i Go Pas” long liklik buk Skelim Sampela Tok Bilong Baibel Long Olgeta De—1994, na stori liklik long olsem wanem pasin bilong kaunim Baibel long olgeta taim em i bikpela samting.
17 min: “Baibel—As Bilong Mekim Gut Bel Bilong Yumi Long Taim Bilong Hevi na Yumi Inap Wetim Gutpela Samting i Kamap.” Toktok wantaim ol brata sista long ol dispela tok. Tokim sampela brata sista long redi na bai ol i ken mekim tupela soim long pasin bilong mekim tok olsem i stap daunbilo.
Singsing 24 na beten.
Wik i Kirap long Novemba 14
Singsing 25
10 min: Ol toksave bilong kongrigesen. Kaunim ripot bilong ol akaun. Sapos kongrigesen i bin salim sampela kontribusen i go long Sosaiti na Sosaiti i bin tok tenkyu long dispela, orait kamapim dispela tok tenkyu long kongrigesen.
17 min: “Yu Save Mekim Wanem Kain Pasin?” Wanpela tok.
18 min: “Bilong Mekim Wok Autim Tok Bilong Kingdom i Kamap Gutpela Moa.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Singautim sampela brata sista long stori long olsem wanem pasin bilong mekim wok long ol tok bilong Wok Kingdom Bilong Yumi i bin helpim ol long mekim gut wok.
Singsing 37 na beten.
Wik i Kirap long Novemba 21
Singsing 40
12 min: Ol toksave bilong kongrigesen. Askim. Mekim olsem wanpela tok. Kamapim sampela tok i stret long hap bilong yu.
15 min: Sampela Tok Bilong Helpim Kongrigesen. Kamapim sampela tok bilong helpim kongrigesen. O wanpela elda i ken stori long ol tok bilong dispela hap, “Amamas Long Mekim Wok Bilong God,” i stap long pes 29 bilong Wastaua bilong Septemba 1, 1994.
18 min: “Helpim Ol Long Harim ‘Gen.’ ” Toktok wantaim ol brata sista long ol dispela tok. Mekim tupela soim long pasin bilong mekim wok long Baibel bilong kirapim Baibel-stadi. Redim gut pastaim.
Singsing 52 na beten.
Wik i Kirap long Novemba 28
Singsing 58
10 min: Ol toksave bilong kongrigesen. Mekim sampela soim long pasin bilong tilim ol nupela magasin.
17 min: “Ol Blesing Yumi Kisim Taim Yumi Wok Wantaim Ol Narapela.” Ol askim na bekim. Brata i lukautim dispela hap em yet i mas redim sampela gutpela askim bilong ol wan wan paragraf. Sapos yu gat taim, kaunim sampela paragraf yu bin makim bilong kaunim. Kirapim olgeta brata sista long bung wantaim grup bilong i go autim tok, nogut olgeta taim ol wan wan brata yet i stretim rot bilong ol i go autim tok. Pasin bilong wok wantaim grup bai kamapim planti blesing moa; bai wok autim tok bilong yumi i kamap gutpela moa, na narapela inap strongim narapela.
18 min: Tilim Buk Nambawan Man Tru Long Mun Disemba. Ol man i mas i gat dispela buk. Planti handet milion manmeri ol i tok ol i bihainim Jisas na bilipim ol tok em i bin lainim ol man long en. Tasol sapos ol i laik kisim laip oltaim, ol i mas save olsem wanem Jisas i narapela kain long ol narapela man. Sapta 133 bilong buk Nambawan Man Tru, i tok: “Taim yumi tingim pasin bilong em, em i no pret liklik, na em i gat bikpela save tru, na em i nambawan tisa, na em i no pret long i go pas, na em i gat bikpela sori long ol man, . . . bel bilong yumi i kirap na yumi pilim tru gutpela pasin bilong em!” Baibel i kamapim klia olsem Jisas em i (1) wanpela Witnes (Jo 18:37), (2) wanpela Man bilong kisim bek yumi (Ap 4:12), na (3) wanpela King (KTH 11:15). Tokim wanpela strongpela pablisa long mekim soim long pasin bilong mekim tok na em i ken mekim wok long sampela tok hia. Kirapim olgeta brata sista long tilim dispela buk long mun Disemba.
Singsing 61 na beten.