Ol Toksave

◼ Samting bilong tilim long Disemba: Buk Nambawan Man Tru i Winim Olgeta Narapela Man, long K3.00. Janueri: Ol buk i gat 192 pes long en, em kongrigesen i holim, long K1.00. Februeri: Buk Yu Inap i Stap Oltaim Long Paradais Long Graun, long K3.00. Gutpela yu go bek lukim ol man i kisim dispela buk na wok long kirapim Baibel-stadi. HARIM: Sapos kongrigesen i no putim yet oda bilong ol dispela buk bilong tilim, orait putim oda long pepa Literature Order (S-AB-14).

◼ Wasman siaman o brata em siaman i makim, i mas skelim ol akaun bilong kongrigesen long Disemba 1 o mekim kwiktaim bihain long en. Taim em i mekim pinis, orait toksave long kongrigesen.

◼ Long taim bilong “Pret Long God” Kibung Distrik, bai ol i stori long hap bilong Wastaua em kongrigesen i mas stadi long en long dispela wik. Long dispela rot ol brata i no ken lus long sampela gutpela kaikai bilong spirit i stap long dispela hap bilong Wastaua. Gutpela sapos olgeta i kisim Wastaua bilong ol i kam long kibung, na ol i ken lukim taim brata i stori long dispela hap.

◼ Kibung i kamap long dispela yia i bilong 3-pela de tasol, olsem na ating klostu olgeta kongrigesen inap mekim Buk-Stadi bilong ol long wik bilong kibung.

◼ Sapos yu laik raitim pas long wanpela brata o sista o long kongrigesen, plis, no ken salim pas i go long atres bilong brens-ofis (Box 636, Boroko, N.C.D.). Tasol sapos yu laik kisim sabskripsen na yu stap long Pot Mosbi, o yu laik raitim pas long wanpela brata o sista i mekim wok long Betel o i mekim wok konstraksen o wok sekit o wok distrik, orait, yu ken salim pas i go long brens-ofis. Nau olgeta kongrigesen long Pot Mosbi i gat atres bilong ol yet long posofis, olsem na gutpela sapos yu salim pas i go long atres stret bilong ol.

◼ Kuskus bilong kongrigesen i mas raitim namba bilong kongrigesen long olgeta pepa, pas, sek, ol i salim i go long Sosaiti. Maski pas i no stori long ol buk samting o ol magasin o ol akaun, gutpela sapos kuskus i raitim namba bilong kongrigesen wantaim nem na atres bilong kongrigesen long dispela pas.

◼ Ol painia oltaim, na painia salim, na misineri i bin winim 6-pela mun long wok painia, ol i ken kisim nating wanpela liklik buk Skelim Sampela Tok Bilong Baibel Long Olgeta De​—⁠1995. Ol i ken kisim long tok Inglis, o tok Motu, o tok Pisin. (Ol i ken kisim long wanpela tok ples tasol, no gat pe.) Sapos ol inap kaunim tok Inglis, ol i ken kisim nating wanpela yiabuk. Putim oda bilong ol dispela samting long rot bilong kongrigesen. Long “Pepa Bilong Salim Mani na Singaut Long Kredit” (S-AB-20), brata i lukautim ol akaun i mas raitim hamas buk ol painia i kisim nating.

◼ Ating kongrigesen i putim pinis oda bilong kisim ol samting bilong 1995, olsem: Skelim Sampela Tok Bilong Baibel Long Olgeta De​—⁠1995; yiabuk bilong ol Witnes Bilong Jehova bilong 1995 (tok Inglis); kalenda bilong ol Witnes Bilong Jehova bilong 1995 (tok Inglis); ol volyum bilong Wastaua na Kirap! bilong 1994 (tok Inglis na tok Pisin). Plis putim dispela oda long pepa Literature Order (S-AB-14). Inap long taim brens-ofis i kisim pinis ol dispela samting na salim i go long ol kongrigesen, bai ol i raitim tok, “mipela bai salim bihain,” long ol pepa Invoice bilong kongrigesen.

◼ Ol Buk Yu No Inap Kisim Moa Long Papua Niugini:

Tok Motu: Buka Helaga; Taravatu Matamatana/Salamo. Tok Hiri Motu: Taravatu Matamatana; Genese Bona Esodo.