Askim
◼ Olsem wanem long ol samting yumi mekim wok long en long wok autim tok?
1 Ating pablisa i save pinis long ol tok bilong Baibel em i laik mekim, tasol ating em i no stretim gut ol samting em i save mekim wok long en. Olsem: Taim pablisa i go long ol haus na autim tok, ating em i no holim samting bilong tilim bilong mun. Ating ol magasin na buklet na liklik nius insait long paus bilong em ol i bruk. Em i no stretim gut ol samting insait long paus bilong em, olsem na ating em i hatwok long painim pensil o notbuk samting. Bikpela samting i olsem: Paslain long autim tok, tingim gut ol samting yu save mekim wok long en.
2 Yu mas putim wanem ol samting long paus bilong yu? Baibel em i bikpela samting. Na yu mas putim notbuk, samting bilong tilim bilong mun, ol nupela magasin, sampela liklik nius na buklet, na buk Reasoning. Kisim nupela Wok Kingdom i go wantaim yu na bai yu inap lukim gen sampela tok yu ken mekim wok long en. Sapos yu autim tok long hap teritori yu save i gat ol man bilong narapela tok ples i stap long en, gutpela yu karim buklet Good News for All Nations i go wantaim yu. Karim wanpela buk i bilong helpim ol yangpela, na dispela bai helpim yu long redi long toktok wantaim ol yangpela.
3 Stretim gut olgeta samting insait long paus bilong yu. I no olsem paus yet i mas nupela, tasol i mas klin na no ken bruk. Paus em i wanpela samting yu mekim wok long en taim yu autim tok bilong Kingdom. Em i mas i stap stret.