Ol Buk Samting i Stap Olsem Wanem?

I gutpela long tingim dispela askim taim yumi redim ol buk na nius bilong tilim. Ol buk na nius em arere bilong ol i krungut, kala i lus, doti o bruk bruk, dispela bai nogutim nem bilong oganaisesen bilong yumi na inap pulim tingting bilong man na em i no tingim ol gutpela tok bilong givim laip i stap long ol dispela buk na nius.

Olsem wanem yumi ken lukautim gut ol buk na nius bilong yumi? Planti i save putim ol buk na nius insait long wan wan poket bilong bek bilong ol. Olsem: Ol i save putim ol buk long wanpela sait, na ol nius long narapela sait, na ol liklik nius long liklik poket. Taim ol i laik putim Baibel, ol buk, na nius long ples bilong ol, na ol i save putim gut i go insait bambai ol i no ken bagarap. Sampela pablisa i save putim ol buk na nius bilong ol long ol folda o insait long ol plastik. Maski yumi putim buk na nius long wanem samting, yumi no laik givim rot long man long sutim tok long wok autim tok bilong yumi taim yumi tilim long em ol buk na nius i bagarap.​—⁠2 Kor. 6:⁠3.