Rivyu Bilong Skul Bilong Wok Autim Tok
Rivyu bilong ol tok i bin kamap insait long Skul, kirap long Janueri 2 i go inap long Epril 17, 1995. Long narapela hap pepa, traim raitim planti bekim insait long taim bilong mekim rivyu.
[Harim: Long taim bilong mekim rivyu long Skul, yu ken lukim Baibel tasol bilong helpim yu long bekim ol askim. Long pinis bilong ol askim i gat mak bilong ol buk samting, na taim yu kisim dispela pepa i go long haus paslain long taim bilong mekim rivyu, yu ken lukim ol dispela buk samting bilong helpim yu long raitim stret ol bekim bilong rivyu long Skul. Sampela taim ol i no putim namba bilong pes na paragraf bilong Wastaua.]
Makim ol dispela tok I Stret o I No Stret:
1. God i lusim rong Devit i mekim wantaim Batseba, olsem na dispela rong i no kamapim sampela hevi long Devit wantaim lain bilong em. [14, uw p. 127 par. 5] I No Stret. Tru God i lusim rong bilong Devit, tasol dispela rong i kamapim sampela hevi long Devit.—2 Sml 12:10, 11, 14.
2. Sindaun 11:1 i kamapim klia olsem, sapos yumi laik stap gut long ai bilong Jehova, yumi mas bihainim stretpela pasin long olgeta samting bilong bisnis. [12, Hap bilong Baibel yumi kaunim long olgeta wik; lukim w87 5/1 p. 21.] I Stret.
3. Sapos man i harim tok bilong stretim em, dispela i makim olsem em i no gat bun. [13, uw p. 127 par. 4] I No Stret. Pasin antap na tingting tumas long em yet, dispela i makim olsem man i no gat bun, na em wanpela rot bilong Satan long mekim man i pundaun.
4. Olsem Sindaun 14:17 i kolim, pastaim samting i kirap long bel bilong man, na bihain man i mekim samting. [13, Hap bilong Baibel yumi kaunim long olgeta wik; lukim w93 8/15 p. 20-21.] I Stret.
5. Olgeta man i kolim Jisas Bikpela, God bai kisim bek ol. [2, uw p. 105 par. 5] I No Stret. Ol Kristen giaman i save kolim Jisas Bikpela, tasol dispela i no makim olsem God bai kisim bek ol. Ol Kristen tru i save bihainim laik bilong God.—Mt 7:21-23.
6. Long yia 33, taim Jisas i kirap bek na sindaun long han sut bilong God, em i mekim wok king na bosim lain disaipel bilong em God i makim ol long spirit holi. (Kl 1:13) [10, gt sapta 132] I Stret.
7. Klostu 3,000 yia paslain long taim ol saientis i kisim save long lo i stap long olgeta wan wan hap bilong skin, Song 139:13-16 i stori long dispela samting. [4, Hap bilong Baibel yumi kaunim long olgeta wik; lukim w92 5/15 p. 4.] I Stret.
8. Sindaun 8:22-31 i stori long gutpela tingting tasol. [10, Hap bilong Baibel yumi kaunim long olgeta wik; lukim w87-E 5/15 p. 28.] I No Stret. Buk Sindaun i stori long gutpela tingting olsem em i wanpela man, na em makim Pikinini bilong God em i stap wantaim Jehova olsem Nambawan Wokman taim Jehova i wokim graun.
9. I no gat wanpela samting ol Kristen tru i mas nolaik tru long en. [10, Hap bilong Baibel yumi kaunim long olgeta wik; lukim w92 1/1 p. 21.] I No Stret. Yumi mas nolaik tru long ol pasin nogut, em ol samting Jehova i nolaik tru long en.—Sng 97:10; Snd 8:13.
10. Long Sindaun 11:25 ol tok bilong tupela hap bilong ves i kamapim wankain tingting, na long Sindaun 10:7 tupela hap bilong ves i skelim tupela pasin i narapela narapela kain; em pasin bilong ol Hibru long raitim stori. [8, si Feb. 20 par. 7] I Stret.
Bekim ol dispela askim:
11. Olsem wanem ol tok bilong Buk Song i no tok nating tasol? [5, si Jan. 30 par. 23] Em ol tok i gat laip i kam long God Jehova yet, em Nambawan Bikpela King bilong heven na graun. (Kain tok olsem em inap)
12. Jisas i save long ol tok bilong Buk Song na dispela i helpim em olsem wanem? [6, si Feb. 6 par. 30] Ol tok bilong Buk Song i bin strongim Jisas; em i save olgeta samting Buk Song i tok long en i mas kamap tru. (Kain tok olsem em inap)
13. Husat i givim gutpela tingting na save long Solomon? Olsem na taim yumi kaunim Buk Sindaun, yumi mas tingim wanem samting? [7, si Feb. 13 par. 1] Jehova i givim gutpela tingting long Solomon. Taim yumi stadi long Buk Sindaun, yumi kisim gutpela tingting i kam long God Jehova. (Kain tok olsem em inap)
14. Jisas i kirap bek na em i toktok wantaim Maria bilong Makdala long gaden, na Maria i ting em i husat? Wanem samting i helpim Maria long save em i husat tru? [6, gt sapta 128] Em i ting em i man bilong bosim gaden. Jisas i kolim em, Maria, na em i save em Jisas. (Kain tok olsem em inap)
15. Kolim nem bilong tupela kaunsil, em pastaim ol i no laik bai ol man i save ol i bilip long Jisas, na ol i mekim sampela wok bilong redim skin bilong Jisas bilong planim long matmat? [5, gt sapta 127] Josep bilong Arimatea na Nikodemus.
16. Taim yumi mekim wok bilong olgeta de, yumi ken mekim wanem bilong kamapim klia olsem yumi redi long lusim laip bilong yumi bilong helpim ol brata? [16, uw p. 132-133 par. 3, 4] Yumi mas laikim tru ol; yumi mas tingim ol na helpim gut ol maski dispela i putim hevi liklik long yumi. (Wanpela inap; kain tok olsem em inap)
17. Song 136:10-15 i stori long wanem samting i bin kamap tru long bipo? Wanem samting i painim King bilong Isip? [3, Hap bilong Baibel yumi kaunim long olgeta wik; lukim w93 6/15 p. 5.] Ol Israel i brukim solwara Retsi; King wantaim ami bilong em i dring wara na ol i dai. (Kain tok olsem em inap)
18. Blut bilong Jisas i mekim wanem tupela wok? [9, uw p. 115 par. 13] Em i tekewe sin bilong ol man i bilip long en; em i kamapim nupela kontrak namel long God na lain Israel bilong spirit. (Kain tok olsem em inap)
19. Olsem wanem ol gutpela aposel, na Jems, em brata bilong Jisas, na 500 disaipel, ol i bilip tru olsem Jisas i kirap bek? [9, gt sapta 131] Em i kirap bek na ol i lukim em i stap laip.—1 Ko 15:5-7. (Kain tok olsem em inap)
20. Olsem wanem Jisas i winim olgeta narapela man i bin i stap long graun? [12, gt tok i go pas] Em i save bihainim gut pasin bilong Papa bilong em (Jo 14:9); bikpela sori bilong em. (Wanpela inap; kain tok olsem em inap)
Raitim wanem hap tok i stret bilong pinism ol dispela tok:
21. Long Pentikos yia 33, Pita i kamapim planti tok bilong Buk Song; long dispela de, inap olsem 3,000 manmeri i kisim baptais na kam insait long kongrigesen Kristen. [5, si Jan. 30 par. 25, 26]
22. Buk Song i stori long ol man bai givim wain nogut long Jisas, ol bai pilai satu bilong tilim ol klos bilong em, na em bai ting God i lusim em. [6, si Feb. 6 par. 30]
23. Oganaisesen bilong Jehova i tiokratik, na dispela i makim olsem God i bosim; Jehova i bosim dispela oganaisesen long rot bilong Het bilong kongrigesen, em Krais Jisas, na long rot bilong Tok Bilong Em, em Baibel; na Jisas i givim bikpela wok long ‘gutpela wokboi.’ (Mt 24:45) [10, uw p. 118-119 par. 4-6]
24. Inap 144,000 bai go long heven, tasol ‘bikpela lain,’ em man i no inap kaunim namba bilong ol, bai ol i winim taim bilong bikpela hevi hia long graun. (KTH 7:9, 14) [1, uw p. 104 par. 3, 4]
25. Bilong pasim tok long wanpela samting na God i ken orait long en, pastaim lain bilong bosim ol Kristen long bipo ol i bin skelim gut ol tok Baibel i mekim long dispela samting, na ol i tingim wok em spirit bilong God i mekim long dispela taim. (Ap 15:6-29) [11, uw p. 120 par. 8]
Makim wanem tok i stret:
26. Taim ol i nilim Jisas long diwai, ol i givim em wain i gat marasin long en, tasol em i no laik dring, long wanem, (Lo i tambuim; em i wanpela Promisman i givim em yet long God; em i laik bai tingting bilong em i klia na em i ken tingting gut na i stap strong). [3, gt sapta 125]
27. Yumi wasim klos bilong yumi long blut bilong Pikinini Sipsip, na klos i kamap waitpela, na dispela i makim olsem yumi (pinis long mekim sin; save yumi sinman na ofa bilong Jisas i mas tekewe sin bilong yumi; dediket long God na kisim baptais). [3, uw p. 106 par. 7]
28. Inap 5-pela taim samting (Herot; Pailat; Feliks) i tokaut olsem Jisas i no gat rong, na bihain em i harim tok bilong ol Juda na givim Jisas long han bilong ol bilong kilim em i dai. [2, gt sapta 124]
29. Olgeta gutpela wokboi bilong God i dai pinis na i stap olsem tasol paslain long Pentikos yia (36; 35; 33), spirit holi i no makim ol bilong kisim laip long heven. [4, uw p. 111 par. 5]
30. Satan i tok olgeta manmeri i (laikim tru God; nolaik tru long God; tingting long helpim skin bilong ol yet tasol) na dispela i kirapim ol long mekim wok bilong God, na em i tok nambawan samting ol i tingim, em (nem bilong God; ol narapela; ol yet tasol). [12, uw p. 124 par. 14]
Putim wanem skripsa i stret long ol dispela tok:
Snd 3:27, 28; Jo 19:4-6; 19:25-27; Ro 15:2, 3; KTH 7:16, 17
31. Ol Kristen i gat wok long lukautim lapun papamama bilong ol. [Jo 19:25-27] [4, gt sapta 126]
32. Yumi no laik bai ol man i tingting planti long bilas yumi pasim, olsem na yumi no strong long bihainim laik bilong yumi yet. [Ro 15:2, 3] [15, uw p. 130 par. 10, 11]
33. Taim yumi gat rot long mekim gutpela pasin long ol narapela man na helpim ol long ol samting bilong spirit o ol samting bilong skin, yumi mas wok strong long mekim olsem, na yumi mas mekim moa yet long ol brata Kristen bilong yumi. [Snd 3:27, 28] [8, Hap bilong Baibel yumi kaunim long olgeta wik; lukim w93 12/15 p. 20.]
34. Gutpela pasin isi na strong bilong yumi long karim ol hevi ol man i putim long yumi, em inap kirapim ol man long givim biknem long Jehova na litimapim nem bilong yumi. [Jo 19:4-6] [1, gt sapta 123]
35. Yumi stap gutpela long ol samting bilong spirit olsem God i tok promis long en, na i olsem yumi stap long “paradais bilong spirit.” [KTH 7:16, 17] [3, uw p. 107-108 par. 9-11]