Ol Miting Bilong Wok Bilong Julai
Wik i Kirap Long Julai 3
Singsing 194
10 min: Ol toksave bilong kongrigesen na sampela Toksave bilong Wok Kingdom.
17 min: “Yumi Mas ‘Was i Stap.’ ” Ol askim na bekim.
18 min: “Sampela Pasin Bilong Kirapim Tok na Bai Man i Putim Gut Yau.” Ol askim na bekim. Mekim soim long ol tok i stap long paragraf 5.
Singsing 213 na beten.
Wik i Kirap Long Julai 10
Singsing 110
10 min: Ol toksave bilong kongrigesen. Ripot bilong ol akaun.
15 min: “Ol Tok Bilong Jehova Bilong Kirapim Gen Tingting Bilong Yumi.” Ol askim na bekim.
20 min: “Painim Rot Long Autim Tok.” Toktok wantaim ol brata sista. Rot i save op long planti bilong yumi long i go long ol kibung na i go malolo long sampela hap, na long kain taim olsem, rot i save op long ol inap long autim tok long kain kain taim na ples. Kamapim gen sampela tok long pasin bilong toktok wantaim wanpela man yu no save long en. Soim olsem wanem pasin bilong redi pastaim i ken helpim yu long mekim gut dispela wok. Tripela pablisa i ken mekim sotpela soim long pasin bilong kirapim toktok wantaim man i save wok long ples bilong kisim bensin olsem sevis-tesin, na wanpela man long PMV, na wanpela man i sanap long lain insait long wanpela bikpela stua. Kirapim ol pablisa long raitim gut wanem wanem samting ol i bin toktok long en wantaim ol man i laik harim tok na ol i ken stretim tok wantaim wanpela brata o sista long go bek gen na toktok wantaim ol dispela man.
Singsing 154 na beten.
Wik i Kirap Long Julai 17
Singsing 192
10 min: Ol toksave bilong kongrigesen.
20 min: “Mekim Wok Long Buk Stap Oltaim Long Taim Yu Mekim Ol Gobek.” Kamapim sotpela tok long ol tok i stap long namba wan na namba tu paragraf. Orait nau mekim soim long pasin bilong kirapim Baibel-stadi taim yu mekim gobek.
15 min: Mekim Stadi Wantaim Wanpela Baibel-Stadi. Wanpela elda i save mekim stadi na helpim ol Baibel-stadi long wok long kamap strong i ken lukautim dispela hap. Kamapim gutpela tok bilong wok strong long kirapim Baibel-stadi. Kamapim sampela tok i stap long buk Lo Bilong Yumi Bilong Mekim Wok Autim Tok, p. 89-90. Kamapim tu ol sotpela ekspiriens bilong kongrigesen.
Singsing 164 na beten.
Wik i Kirap Long Julai 24
Singsing 126
10 min: Ol toksave bilong kongrigesen. Toktok wantaim ol brata sista long Askim.
15 min: Kamapim sampela tok bilong helpim kongrigesen. O mekim wanpela tok long “Kamapim Pasin Sori Long Ol Lapun,” i stap long Wastaua bilong Ogas 1, 1994, p. 27-30.
20 min: “Ol Wanples Bai Ting Olsem Wanem?” Mekim wanpela tok long bilong wanem planti man i stap klostu long yumi i save givim hevi long yumi. Kamapim ol tok bilong paragraf 1-8. Na bihain mekim wanpela soim olsem: Tupela marit i gat save pinis long pasin bilong mekim stadi i mekim stadi wantaim wanpela famili em nau tasol ol i kirap stadi long Baibel, na ol ausaitman i stap klostu long ol em ol i birua long famili i stadi long Baibel wantaim ol Witnes, ol i save pretim ol. (Kamapim ol bikpela tok i stap long paragraf 9-21.) Kamapim as bilong wanem dispela famili i kirap nupela tasol long stadi ol i no ken bel hevi o lusim stadi.
Singsing 169 na beten.
Wik i Kirap Long Julai 31
Singsing 136
10 min: Ol toksave bilong kongrigesen. Tiokratik Nius.
15 min: “Strongim Ol Narapela.” Wanpela elda i ken mekim dispela tok.
20 min: Stori gen long samting bilong tilim long mun Ogas. Ol yangpela tu i save wok strong long kirapim stadi long rot bilong buk Stap Oltaim. Mekim tupela soim long olsem wanem wanpela yangpela inap tilim na mekim wok long buk Stap Oltaim long kirapim stadi. Namba wan soim, wanpela yangpela brata o sista i larim buk Stap Oltaim i stap antap long tebol bilong em. Dispela i opim rot bilong em long toktok wantaim wanskul bilong em. Long namba tu soim, wanpela yangpela i autim tok long ol haus na em i askim papa o mama long em i laik stadi wantaim ol pikinini bilong ol long Baibel. Yumi no ken ting olsem ol pikinini bilong yumi i yangpela tumas na ol i no inap toktok wantaim ol man long tok promis bilong Jehova long givim laip oltaim long ol man long Paradais long graun. Stori long sampela ekspiriens bilong sampela yangpela long kongrigesen em ol i bin kirapim sampela stadi.
Singsing 179 na beten.