Ol Miting Bilong Wok Bilong Oktoba
Wik i Kirap Long Oktoba 2
Singsing 149
10 min: Ol toksave bilong kongrigesen. Sampela Toksave bilong Wok Kingdom.
15 min: “Oltaim Litimapim Nem Bilong Jehova.” Ol askim na bekim. Kamapim gut olsem wanem yumi ken mekim wok long ol skripsa em ol i raitim tok bilong en pinis o ol i raitim namba bilong en tasol.
20 min: “Tilim Sabskripsen Long Olgeta Taim.” Toktok long ol bikpela tok na bihain stori long ol tok bilong ol nupela magasin em yu laik tilim. Mekim tupela o 3-pela soim. Sapos magasin ol i makim bilong mekim tok i no kam yet, orait mekim soim long wanpela olpela magasin em yupela i gat i stap nau.
Singsing 153 na beten.
Wik i Kirap Long Oktoba 9
Singsing 131
10 min: Ol toksave bilong kongrigesen. Ripot bilong ol akaun.
20 min: “Holim Strong Tok Bilong Ol Profet.” Wanpela elda i ken toktok wantaim ol brata sista. Stori gut olsem em i bikpela samting long redi gut, go oltaim long miting, na insait long sampela bekim long Buk-Stadi Bilong Kongrigesen. Kamapim bel olsem yu pilim tru ol gutpela tok bilong spirit bilong soim rot long yu long dispela taim nogut bilong las de yumi stap long en.
15 min: “Yumi Was i Stap na Sakim Ol Samting i Laik Pulim Yumi?” Ol askim na bekim. Sapos i gat taim orait, lukim Me 1, 1992, Wastaua, pes 20-22, na mekim sampela tok.
Singsing 128 na beten.
Wik i Kirap Long Oktoba 16
Singsing 120
10 min: Ol toksave bilong kongrigesen.
15 min: Kamapim Sampela Tok Bilong Helpim Kongrigesen. O wanpela elda i ken lukim Julai 15, 1995, Wastaua, pes 25-27, “Rausim Man—Em Pasin Sori,” na mekim wanpela tok.
20 min: “Ol Gobek i Gat As Bilong En.” Toktok long ol mak yumi putim bilong mekim ol gobek. Makim ol pablisa i save gut long mekim soim long mekim tupela soim na mekim wok long ol magasin i stap long kongrigesen, yu ken mekim long ol magasin bilong tok Inglis tu.
Singsing 130 na beten.
Wik i Kirap Long Oktoba 23
Singsing 100
10 min: Ol toksave bilong kongrigesen.
15 min: “Yumi Mas i Gat Kongrigesen.” Ol askim na bekim.
20 min: Kirapim Ol Baibel-Stadi na Ol Gobek Long Lukluk i Go Long Oganaisesen. Wasman bilong wok autim tok i toktok wantaim tupela o 3-pela pablisa na em i mekim wok long buklet Ol Witnes Bilong Jehova Ol i Wanbel na Mekim Wok Bilong God Long Olgeta Hap Bilong Graun. Stori gut bilong wanem em gutpela long lainim ol man i laikim tok i tru long save oganaisesen i wok olsem wanem, na ol wok i ran olsem wanem, na olsem wanem ol i ken insait long ol dispela wok. Stori long ol tok i stap long pes 14 na 15 long “Ol Miting Bilong Kirapim Ol Long Laikim Ol Manmeri na Mekim Gutpela Pasin.” Dispela tupela o 3-pela pablisa i ken mekim sotpela soim long olsem wanem ol i ken mekim wok long ol tok i stap long pes 14 na 15 bilong dispela buklet taim ol i toktok wantaim wanpela gobek o Baibel-stadi bilong helpim ol long pilim olsem ol i mas kam bung long ol dispela miting.
Singsing 126 na beten.
Wik i Kirap Long Oktoba 30
Singsing 159
10 min: Ol toksave bilong kongrigesen.
15 min: Olsem Wanem? Yu Bin Askim Baibel-Stadi Bilong Yu Long Em i Save Long Wanpela Man i Laik Stadi Long Baibel? Wanpela tok. Sampela pablisa i bin kirapim Baibel-stadi taim ol i mekim olsem: Taim ol i stadi wantaim Baibel-stadi bilong ol inap longtaim liklik, ol i save askim em sapos em i save long wanpela pren o wanblut bilong em o wanpela man em i save liklik long em, em i gat laik long stadi long Baibel. Planti taim ol man i save kolim tupela o 3-pela nem. Askim Baibel-stadi sapos yu inap kolim nem bilong em taim yu go lukim ol dispela man i laik stadi long Baibel. Taim yu go lukim ol dispela man yu ken kolim nem bilong Baibel-stadi bilong yu na tokim ol, “Baibel-stadi bilong mi i amamas tru long dispela stadi bilong em long Baibel, olsem na em i ting dispela stadi bai helpim gut yu tu, nogat pe long en.” Long dispela rot bai yu inap mekim wanpela lista i gat planti nem long en na yu ken go bek lukim ol na helpim ol long kamap olsem ol gutpela Baibel-stadi. Kamapim wanpela o tupela ekspiriens bilong ol pablisa em ol i bin bihainim dispela pasin na ol i bin painim ol man i laik stadi o kirapim ol nupela Baibel-stadi.
20 min: Tilim Ol Buk Bel Isi na Gutpela Sindaun—Bai Kamap Olsem Wanem? na Yumi Bilong i Stap Nau Tasol? Long Novemba. Stori long ol tok yu ken kamapim long taim yu laik tilim ol dispela buk. (Lukim pes 2 bilong Wok Kingdom bilong Janueri 1995.) Wanpela pablisa i save gut long mekim soim i ken mekim dispela soim long pasin bilong tilim buk Nau Tasol? “Inap 2,000 yia ol Kristen i bin beten long Kingdom bilong God i mas i kam. Yu ting Kingdom bai mekim wanem bilong helpim ol manmeri? [Larim man i bekim tok. Opim buk long pes 142-143, na stori long ol gutpela samting Kingdom bai kamapim.] Dispela buk i stori long ol samting Kingdom bai mekim na ol samting yu wantaim famili bilong yu i mas mekim na bai Kingdom i ken helpim yupela.” Tilim ol buk. Kirapim olgeta long kisim dispela buk bilong mekim wok long en taim ol i autim tok long dispela wik.
Singsing 138 na beten.