Ol Toksave

◼ Samting bilong tilim long Janueri: Buk Yumi Bilong i Stap Nau Tasol? long 25 toea. Februeri: Tilim buk Rot Bilong Kamapim Amamas Insait Long Famili, o buk Kamapim Tok Hait​—⁠Bikpela Samting Bilong En i Laik Kamap! Mas: Mipela bai toksave bihain. Epril: Tilim sabskripsen bilong Wastaua long K8.00. Sapos ol i no kisim, orait tilim tupela magasin na wanpela buklet Tewel Bilong Ol Daiman long K1.00. HARIM: Sapos kongrigesen i no putim yet oda long ol dispela buk bilong tilim, orait yupela i ken putim oda long pepa Literature Order Form (S-AB-14).

◼ Ol kongrigesen i ken senisim sedyul bilong Miting Bilong Wok bambai ol i gat 30 minit bilong stori gen long ol tok bilong kibung distrik olsem mipela i bin kamapim long Wok Kingdom bilong Disemba 1995.

◼ Wanpela hevi i save kamap planti taim em olsem, planti kongrigesen na grup i stap longwe long kongrigesen i wok long salim ripot bilong ol bihaintaim; sampela taim inap sampela mun i lus na ol i salim! Ripot bilong wok autim tok yupela i mas salim paslain long namba siks de bilong olgeta mun. Yupela i no ken wetim ol pablisa i no putim yet ripot na long dispela as yupela i salim ripot bihaintaim. Nogat. Ol dispela ripot yupela i ken bungim wantaim ripot bilong mun bihain. Yupela i mas salim ripot bilong kongrigesen long taim stret.

◼ Kongrigesen i mas stretim gut ol samting bilong mekim Memorial. Long dispela yia em bai kamap long Tunde, Epril 2, bihain long taim san i go daun pinis. I no gutpela sapos Memorial i kirap bihain tumas long taim san i go daun pinis na ol nupela man i hatwok long kam. Na tu, taim kongrigesen i pinisim Memorial bilong ol, i no gutpela sapos kwiktaim narapela kongrigesen i kirapim Memorial bilong ol​—⁠namel long tupela miting i mas i gat inap taim bilong sekanim ol nupela man, na stretim tok wantaim sampela bilong helpim ol long kisim sampela save moa, na strongim bel bilong ol narapela narapela. Ol elda i mas skelim gut ol dispela samting, na ol i mas stretim rot bambai Memorial i ken helpim tru ol man i kam bung wantaim.

◼ Bikpela pablik-tok bilong 1996 yumi save mekim long taim bilong Memorial, em bai kamap long Sande, Epril 21. Nem bilong tok em “Stap Olsem Man i No Gat Asua Namel Long Ol Lain Manmeri Nogut.” Bai mipela i salim wanpela autlain bihain. Ol kongrigesen i gat raun bilong wasman sekit o kibung sekit o bikpela de kibung long dispela wik bilong bikpela pablik-tok, ol bai mekim dispela pablik-tok long wik bihain. No ken mekim bikpela pablik-tok paslain long Epril 21.

◼ Taim wasman sekit i soim piksa-slait olsem pablik-tok long olgeta kongrigesen pinis, em bai mekim nupela pablik-tok, nem bilong em “Bilip Tru Long God Bilong Mekim Isi Bel Bilong Ol Man.”

◼ Ating olgeta kongrigesen i putim pinis yia-teks bilong 1996. Wasman siaman i mas lukautim dispela wok. Yia-teks bilong 1996 em olsem: ‘Bihainim dispela tok yupela i kisim.’​—⁠Jems 1:22.