Ol Miting Bilong Wok Bilong Janueri
Wik i Kirap Long Janueri 1
Singsing 133
10 min: Sampela toksave bilong kongrigesen. Na Ol Toksave bilong Wok Kingdom. Tokim ol pablisa long putim ripot bilong ol bilong wok autim tok, na askim ol long bringim buklet Tewel Bilong Ol Daiman i kam long miting long wik antap.
10 min: “Mekim Gutpela Wok Long Ol Olpela Buk.” Kamapim ol bikpela tok, na mekim wanpela o tupela soim long pasin bilong tilim ol buk.
20 min: “Bihainim Tok—No Ken Harim Nating Tasol.” Ol askim na bekim.
Singsing 28 na beten.
Wik i Kirap Long Janueri 8
Singsing 138
10 min: Ol toksave bilong kongrigesen. Ripot bilong ol akaun. Tok tenkyu long ol kontribusen ol brata sista i bin putim, na tokaut long ol samting klostu nau kongrigesen i mas baim.
15 min: Kamapim sampela tok bilong helpim kongrigesen. (O mekim wanpela tok, nem bilong em “Tingim Taim i Sot Pinis na Wok Hariap.” Kisim tok long Wastaua, Oktoba 1, 1995, p. 25-28.)
20 min: Mekim Wok Bilong Jehova, Bilong Ol Spirit Nogut Nogat. Kisim ol tok i stap long buklet Tewel Bilong Ol Daiman, p. 19-24; mekim olsem wanpela tok na kamapim sampela askim. Kaunim ol paragraf i kamapim ol bikpela tok na kamapim ol tok i stori long ol pasin bilong ples em ol Kristen i mas abrusim.
Singsing 70 na beten.
Wik i Kirap Long Janueri 15
Singsing 77
9 min: Ol toksave bilong kongrigesen. Stori liklik long wanpela hevi bilong yumi long nau, olsem taim yumi go autim tok long ol haus i no gat planti man i stap. Kirapim ol brata sista long ol i no ken lusim nating hap taim bilong autim tok—ol i ken autim tok long olgeta man i wokabaut long rot o i sindaun long ka bilong ol.
18 min: “Strongim Bel na Autim Tok.” Wanpela elda i ken mekim dispela tok na kamapim sampela askim. Toksave long ol bung bilong autim tok long Sande. Tok amamas long wok autim tok ol brata sista i save mekim long Sande, na kamapim sampela tok bilong helpim ol long wok strong moa long autim tok long Sande.
18 min: “Go Bek Bilong Helpim Ol Man.” Stori long pasin bilong mekim ol gobek olsem Wok Kingdom i makim. Kirapim ol long putim mak long kirapim ol nupela Baibel-stadi.
Singsing 156 na beten.
Wik i Kirap Long Janueri 22
Singsing 200
5 min: Ol toksave bilong kongrigesen.
15 min: Kirapim na Pinisim Ol Miting Long Taim Stret. Wasman siaman i ken mekim dispela tok na kamapim sampela askim. Stori gut olsem: Em i bikpela samting long kirapim na pinisim olgeta miting, na ol bung bilong i go autim tok tu, long taim stret. (Sav 3:17; 1 Ko 14:33) Yumi olgeta i mas wok strong long i kam long ol miting paslain tru long taim bilong kirapim ol miting bambai yumi inap toktok wantaim ol narapela, na stretim sampela wok yumi mas mekim, na yumi ken insait long singsing na beten. Miting Bilong Pablik-Tok: Mekim insait long 45 minit. Sapos brata i abrusim taim, taim bilong mekim Stadi Wastaua bai i sot. Dispela tupela miting, wantaim ol singsing na beten tu, em yupela i mas pinisim insait long tupela aua. Stadi “Wastaua”: Em inap wanpela aua, na yupela i mas kaunim olgeta paragraf na kamapim ol askim bilong rivyu. Skul Bilong Wok Autim Tok: Mekim dispela miting insait long 45 minit. (Lukim Sedyul Bilong Skul Bilong Wok Autim Tok Bilong 1996.) Miting Bilong Wok Autim Tok: Mekim dispela miting tu insait long 45 minit. Dispela miting wantaim Skul Bilong Wok Autim Tok na ol singsing na beten i no ken abrusim wanpela aua na 45 minit. Buk-Stadi: Mekim dispela miting insait long wanpela aua, beten bilong kirapim na pinisim miting tu i insait long en. Kaunim olgeta paragraf. Ol Bung Bilong i Go Autim Tok: Dispela bung i no ken abrusim 15 minit, makim ol teritori na beten tu i mas insait long dispela taim.
25 min: “Skul Bilong Wok Autim Tok i Helpim Yu.” Wasman bilong skul i ken mekim dispela tok. Kamapim sampela lo bilong tok namba 2 na 3 na 4 olsem i stap long pes 1 bilong Sedyul Bilong Skul Bilong Wok Autim Tok, em mipela i putim wantaim Wok Kingdom bilong Oktoba 1995.
Singsing 92 na beten.
Wik i Kirap Long Janueri 29
Singsing 31
5 min: Ol toksave bilong kongrigesen.
20 min: Kat Advance Medical Directive/Release Inap Tru Long Lukautim Yumi. Elda i ken toktok wantaim kongrigesen long dispela samting: Bilong wanem em i bikpela samting long raitim gut olgeta tok i stap long kat Advance Medical Directive/Release na karim dispela kat long olgeta taim, na ol pikinini tu i mas karim kat Identity long olgeta taim. Olsem dispela tok advance long kat i makim, kat inap toksave paslain long ol marasin samting yumi laik kisim (o yumi no laik kisim). Bilong wanem yumi save mekim olsem long olgeta yia? Nupela kat i gat strong na em i winim wanpela kat ol man i lukim na ol i ting em i olpela pinis, na i no kamapim bilip bilong man long dispela taim. Ol samting yumi raitim long dispela kat inap toksave long ol dokta sapos yumi yet i no inap toktok. Bai yupela i kisim ol kat bilong yupela long nau. Yupela i mas raitim gut olgeta tok long kat, na raitim det tu, na yupela yet na ol witnes bilong yupela i mas sainim kat. Ol brata sista i sainim nem olsem witnes, ol yet i mas lukim brata i sainim kat. (Lukim pas bilong Ogas 1, 1992.) Inap sampela wik long Buk-Stadi, wasman bilong Buk-Stadi i mas skelim olgeta kat bilong ol brata sista long grup bilong em bambai em i save ol brata i bin raitim gut o nogat. Na em i ken helpim sampela i hatwok long raitim gut ol tok. Olgeta pablisa i baptais pinis i ken kisim dispela kat Advance Medical Directive/Release. Ol pablisa i no baptais yet i ken kisim sampela tok i stap long dispela kat, na ol i ken wokim kat i stret long tingting na bilip bilong ol yet. Ol papamama i ken helpim ol pikinini bilong ol i no baptais yet long raitim kat Identity.
20 min: Tilim Buk Kamapim Tok Hait Long Februeri. Stori gut olsem: I gat wanem as na inap longtaim planti man i ting Buk Kamapim Tok Hait i gat ol tok yumi no inap save gut long en. Stori long ol tok bilong paragraf 6-9 long pes 8, na tokaut olsem bilong wanem yumi mas i gat dispela buk. Kirapim ol pablisa long tingim ol dispela tok na ol i ken kamapim gut ol dispela tok taim ol i autim tok long ol haus. Stori long “Ol Bikpela Tok Bilong Kamapim Tok Hait” long pes 98-99 na kamapim klia, olsem wanem yumi inap mekim wok long dispela tok bilong helpim ol man long save long ol bikpela tok bilong Buk Kamapim Tok Hait long Baibel. Ol gutpela piksa i stap insait long karamap bilong buk long kirap na long pinis bilong en. Stori long olsem wanem yumi inap mekim wok long ol dispela piksa bilong kirapim tok. Kirapim olgeta long kisim sampela buk bilong mekim wok long en long dispela Sarere na Sande.
Singsing 143 na beten.