Go Bek Bilong Helpim Ol Man
1 Sapos yu mekim gut ol gobek dispela bai kirapim tingting bilong man bilong haus na helpim em long kamap strong long bilip. Wanem sampela gutpela samting yu ken tingim taim yu go bek lukim man i bin amamas long harim tok?
2 Namba wan samting, em yu mas redi gut. Yu mas mekim olsem long taim yu lukim man long namba wan taim. Bai yu mekim olsem wanem? Yu mas raitim gut long notbuk samting, nem bilong man, na ol samting yu bin toktok wantaim em long en, na sampela tok em man yet i bin mekim, na ol samting yu bin tilim long em. Na bihain yu mas lukim gen ol dispela tok na beten na skelim gut wanem tok bai yu mekim long taim yu go bek lukim em.
3 Nau yu redi pinis na bai yu tok wanem? Sapos yu bin givim wanpela askim long man bilong haus taim yu go lukim em long namba wan taim, yu ken stori long dispela askim taim yu go lukim em gen. Olsem: Sapos yu bin toktok long laip bilong ol man i sotpela tumas, yu ken askim man: “Bilong wanem yumi stap sotpela taim tasol?”
Taim yu go bek na yu tok gude pinis long em, yu ken tok:
◼ “Las taim yumi bin stori long sampela animal na diwai ol i stap longpela taim, tasol yumi man nogat. Yu bin tingting yet long dispela samting? [Larim man i bekim tok.] Yu ting God i laik bai yumi stap tasol olsem yumi stap long nau, na em tasol? [Larim man i bekim tok.] Tingim dispela tok Baibel i mekim long Song 37:29.” Taim yu kaunim pinis dispela ves, nau yu ken kamapim sampela tok long sapta 3 long buk Yumi Bilong i Stap Nau Tasol?, em i stori olsem God i wokim man bilong i stap oltaim long Paradais long graun, na i no bilong i dai. Stori long wok bilong mipela long stadi wantaim ol man long Baibel.
4 Taim yu mekim gobek long wanpela man yu bin askim em: “Sapos God i laik bai man i ken stap oltaim long graun, bilong wanem ol man i save go lapun na i dai?” orait yu ken mekim olsem:
◼ Kaunim tok bilong Baibel long Rom 5:12 bilong bekim dispela askim. Taim yu kaunim skripsa pinis kamapim sampela tok i stap long laspela paragraf bilong pes 34 long buk Nau Tasol?, em i stori long as tru na ol man i save go lapun na i dai. Stori long olsem wanem em i ken painim bekim bilong planti ol narapela askim taim em i stadi long Baibel wantaim ol Witnes.
5 Wanpela tok lukaut. Was gut long ol askim yu mekim taim yu go bek lukim man, olsem: “Yu kaunim pinis buk [o, magasin] mi lusim wantaim yu?” o “Yu tingim mi yet?” o “Yu tingim yet ol samting yumi bin stori long en long taim mi bin kam lukim yu pastaim?” Man bilong haus bai sem taim yumi kamapim dispela kain askim. Kain askim olsem bai i no inap kamapim gutpela samting. Tasol sapos yu mekim gutpela pasin pren long em, na yu redi long senisim toktok, na yu mekim sotpela tok, dispela bai mekim na man i amamas long harim tok yu autim long em.
6 Yu ken mekim kain tok olsem, na man i laik harim tok i ken pilim tru tok yu autim long em. Olsem wanem? Yu inap putim mak olsem yu bai mekim wanpela gobek o sampela moa long olgeta wan wan wik? Mekim wok long ol tok yumi stori pinis long en, na askim sampela pablisa i gat save long mekim gobek na ol i ken helpim yu. Taim yu mekim gutpela gobek long ol man yu bin autim tok long ol, amamas bilong yu bai i go bikpela.
This is a repeat of article in km 2/94 taken from km-E 1/94 “Returning to Build Appreciation.”