Ol Toksave

◼ Ol samting bilong tilim long Februeri: Buk Rot Bilong Kamapim Amamas Insait Long Famili long 50 toea, o buk Kamapim Tok Hait​—⁠Ol Bikpela Samting Bilong En i Laik Kamap! long K4.00. Mas: Buk Save i Bringim Man Long Laip Oltaim long K1.50. Epril na Me: Tilim sabskripsen bilong Wastaua long K8.00. Sapos ol i no laik kisim, orait tilim tupela magasin na buklet Tewel Bilong Ol Daiman long K1.00. HARIM: Sapos kongrigesen i no putim yet oda bilong ol dispela buk bilong tilim, orait yupela i ken putim oda nau long pepa Literature Order (S-AB-14).

◼ Kuskus na wasman bilong wok autim tok i mas skelim gut wok bilong olgeta painia oltaim. Sapos sampela i hatwok long inapim aua bilong ol, orait ol elda i ken stretim rot bilong helpim ol. Skelim ol tok i stap long pas S-AB-201 10/95, na lukim autlain mipela putim wantaim.

◼ Bai yumi mekim Memorial long Tunde, Epril 2, 1996. Tok bilong Memorial i ken kirap paslain long taim san i go daun, tasol no ken tilim bret na wain paslain long dispela taim​—⁠mas tilim taim san i go daun pinis. No ken mekim ol narapela miting long dispela de​—⁠ken mekim bung bilong autim tok tasol. Sapos kongrigesen i save mekim miting long Tunde, gutpela sapos yupela i ken senisim dispela miting i go long narapela de long wik sapos i no gat narapela kongrigesen i mekim miting long Haus Kingdom.

◼ Ol pablisa i tingting long mekim wok painia haptaim long mun Mas, Epril na Me i ken stretim ol samting nau na putim aplikesen bilong ol hariap. Dispela bai helpim ol elda long stretim gut ol bung bilong i go autim tok na redim inap magasin na ol buk samting bilong mekim wok long en.

◼ Wasman siaman, kuskus, na ol brata i lukautim litresa na ol sabskripsen, ol i no ken lusim tingting long mekim toksave long ol senis bilong pe bilong ol samting olsem mipela i bin toksave long pas bilong Disemba 15, 1995. Kirap long Janueri 1 yupela i mas salim ol dispela samting long nupela pe.

◼ Yupela i mas salim oda bilong ol buk samting sampela mun paslain long taim yupela i laik kisim. Taim mipela i kisim pepa Literature Order (S-AB-14) bilong yupela, 8-pela wik inap lus sapos kongrigesen i stap klostu na bihain bai yupela i kisim ol samting yupela i bin odaim; na 16 wik inap lus sapos kongrigesen i stap longwe.

◼ Ol Nupela Buk Samting Yupela Inap Kisim:

Buklet Jehovah’s Witnesses and Education​—⁠Tok Fiji

Sing Praises to Jehovah (Liklik buk singsing)​—⁠Tok Tagalok

◼ Ol Samting Yupela Inap Long Kisim Gen:

Buklet Stap Amamas Oltaim Long Graun​—⁠Tok Pisin bilong ol ailan Solomon

Buk Toktok Gut Wantaim Ol Man Long Baibel​—⁠Tok Saina

Buklet Wanpela Gavman Em Bai Kamapim Paradais​—⁠Tok Inglis

◼ Yupela Inap Kisim Gen Ol Disk (CD):

Mekim Singsing Long Jehova (Plis harim, musik long ol disk i no olsem long ol kaset Kingdom Melodies.)​—⁠Tok Inglis