Ol Toksave

◼ Samting bilong tilim long Epril na Me: Sabskripsen bilong Wastaua bilong wanpela yia long K8.00 na Kirap! bilong wanpela yia long K4.00, o Wastaua bilong 6-pela mun long K4.00 na Kirap! long K2.00. Sapos ol i no laik kisim, orait tilim tupela magasin na buklet Tewel Bilong Ol Daiman long K1.00. Jun:Buk Save i Bringim Man Long Laip Oltaim. Julai na Ogas: Buk Yu Inap i Stap Oltaim Long Paradais Long Graun, o wanpela bilong ol dispela buklet Gutpela Yu Bilip Long God Triwan o Nogat?, “Harim! Mi Mekim Olgeta Samting i Kamap Nupela!,” Wanpela Gavman Em Bai Kamapim Paradais. Septemba: Buk Yu Inap i Stap Oltaim Long Paradais Long Graun o buk Rot Bilong Kamapim Amamas Insait Long Famili.

◼ Sapos inap, ol elda i ken stretim rot bambai ol brata sista i ken lusim sampela hap taim moa bilong mekim wok autim tok long apinun bihain long 5 klok.

◼ Senis i kamap long pasin bilong wokim nupela kat Bilong Toksave Olsem Man i Wok Painia. Kirap long nau, sapos painia i go long narapela hap, senisim nem, lusim kat, o askim Sosaiti long senisim asainmen bilong em, orait Sosaiti yet bai salim nupela kat senis bilong em i kam. Sapos sampela kat i stap long fail em kuskus i no bin mekim wok long en, orait rausim. Sapos nem bilong painia i senis o em i kisim nupela ples wok, orait yupela i ken bihainim yet wankain pasin olsem bipo. Olsem: Kuskus i ken raitim stret ol tok long baksait bilong kat Ripot Bilong Kongrigesen (S-1) bilong dispela mun. Bihain long dispela, Sosaiti bai salim nupela kat bilong painia i go long kongrigesen. Bai mipela i salim wantaim statement bilong ol akaun. Sapos i gat sampela senis long painia, orait toksave hariap long Sosaiti bambai mipela i ken raitim stret ol samting long fail bilong mipela. Na tu, sapos wanpela i lusim wok painia o ol i bin rausim wok painia bilong em, orait wokim pepa S-206 na salim i kam hariap long Sosaiti.

◼ Ol Nupela Buk Samting Yupela Inap Kisim:

Yiabuk Bilong Ol Witnes Bilong Jehova Bilong 1996​—⁠Tok Inglis

◼ Ol Samting Yupela Inap Kisim Gen:

Buk Jehovah’s Witnesses-Proclaimers of God’s Kingdom​—⁠Tok Inglis