Rot Bilong Tilim Ol Magasin:

◼ Kaunim ol magasin paslain long taim yu laik tilim, na save gut long ol stori i stap insait.

◼ Tingim wanpela stori yu ting ol man long hap bilong yu bai laikim.

◼ Redim wanpela tok yu ken mekim na i stret long kain kain man, olsem wanpela man o meri, o wanpela yangpela. Helpim man bilong haus long save olsem wanem dispela magasin inap helpim em na olsem wanem olgeta long famili bai laikim.

◼ Stretim rot bilong autim tok long taim planti man i stap long haus. Sampela kongrigesen i save stretim rot na bai ol i ken autim tok long apinun na tilim ol magasin.

◼ Mekim liklik tok tasol na kamapim stret ol tok.

◼ No ken tok hariap tumas. Sapos man bilong haus i no laik harim tok, na yu tok hariap, yu no ken ting dispela bai kirapim em long putim yau, nogat. Stap isi, na larim man bilong haus i kamapim tingting bilong em.

Tilim Magasin Long Ol Haus:

◼ Pes i mas lait, na mekim tok long pasin isi.

◼ Yu mas amamas taim yu stori long magasin.

◼ Tok isi isi na tok klia.

◼ Stori long wanpela samting tasol; mekim liklik tok bilong kirapim tingting bilong man, na helpim em long save olsem wanem dispela tok inap helpim em.

◼ Toktok long wanpela stori tasol.

◼ Stori long wanpela magasin tasol, olsem Kirap! o Wastaua, na tilim narapela olsem poroman bilong en.

◼ Putim ol magasin long han bilong man bilong haus.

◼ Tokim man bilong haus bai yu kam bek lukim em.

◼ Sapos man i no laik kisim magasin, orait mekim sampela gutpela tok bilong pinisim tok bilong yu.

◼ Sapos man i laik harim tok o yu tilim magasin, raitim dispela long notbuk.

This article has been taken partly from km-E 9/95 “Make the Best Use of Our Magazines.” Also repeated in km 5/97.