Ol Miting Bilong Wok Bilong Me
Wik i Kirap Long Me 6
Singsing 153
10 min: Ol toksave bilong kongrigesen. Sampela Toksave bilong Wok Kingdom.
15 min: “Givim Bel Olgeta!” Ol askim na bekim. Sapos i gat taim, stori long “Toktok Wantaim Famili Long Ol Dispela Samting,” long blok i stap long pes 3.
20 min: “Mekim Tok Tru Long Ol Narapela.” Ol askim na bekim. Stori long ol pasin bilong kirapim tok olsem i stap long Wok Kingdom. Strongim ol nupela long insait long wok bilong tilim magasin, mekim ol sotpela tok bilong kirapim tok. Mekim tupela soim long pasin bilong tilim ol nupela magasin.
Singsing 148 na beten.
Wik i Kirap Long Me 13
Singsing 63
7 min: Ol toksave bilong kongrigesen. Ripot bilong ol akaun.
18 min: “Yumi Gat Planti Gutpela Samting Bilong Spirit, Winim Bilong Bipo!” Ol askim na bekim. Askim 2-pela o 3-pela pablisa, wanpela em i yangpela (13-19 krismas), long stori long sampela blesing ol i bin kisim. Bilong pinisim tok, yu ken stori long olsem wanem pasin bilong pilim tru ol samting yumi bin kisim em i save kirapim yumi long givim bel long mekim wok bilong God.
20 min: Kamapim sampela tok bilong helpim kongrigesen. O elda i ken mekim wanpela tok long “Yu Helpim Pikinini Bilong Yu Bai Em Yet i Laik Lotuim Jehova?,” bilong Wastaua, Oktoba 1, 1994, p. 26-30.
Singsing 193 na beten.
Wik i Kirap Long Me 20
Singsing 126
10 min: Ol toksave bilong kongrigesen. Toksave gen long ol ples na taim bilong mekim bung bilong wok autim tok. Strongim olgeta long insait long wok bilong tilim magasin. Kirapim olgeta long bringim buk Toktok Gut i kam long miting long wik antap.
15 min: “Wok Yet Long Mekim Tok Tru.” Kamapim klia bilong wanem yumi gat wok long go bek na lukim olgeta man, na yumi mas mekim olsem bilong kirapim stadi wantaim ol. Mekim tupela sotpela soim.
20 min: Askim. Kaunim ol paragraf na stori wantaim ol brata sista long dispela tok.
Singsing 28 na beten.
Wik i Kirap Long Me 27
Singsing 121
15 min: Ol toksave bilong kongrigesen. Redim gut 3-pela sotpela soim. Ol i mas kamapim klia long olsem wanem yumi ken bekim tok bilong man i tok, “Mi gat lotu,” olsem i stap long buk Toktok Gut p. 18 na 19.
15 min: Tilim Buk Save i Bringim Man Long Laip Oltaim Long Jun. Pastaim wasman bilong wok autim tok i ken stori long i gat wanem as na Sosaiti i bin wokim buk Save. Bihain em i ken stori wantaim 2-pela o 3-pela strongpela pablisa long sampela bikpela tok bilong en. Buk i bekim ol askim bilong yumi long ol dispela samting: Ol samting bai painim yumi long bihain, hevi i painim ol man, Kingdom bilong God, pasin God i laikim, i stap bilong ol famili, na olsem wanem beten inap helpim yumi. Tupela narapela narapela pablisa insait long grup i ken mekim soim long pasin bilong kirapim stadi long namba wan taim yumi autim tok long man o taim yumi mekim gobek. Nau wasman bilong wok autim tok i stori long ol dispela samting: Yumi gat wok long mekim planti gutpela Baibel-stadi insait long sotpela hap taim. Sosaiti i bin wokim dispela buk bilong helpim yumi long mekim olsem. Buk i kamapim stret ol bikpela tok i tru. Ol askim bilong wan wan paragraf, na tu ol askim i stap long pinis bilong olgeta sapta, i helpim yumi long tingim gut ol bikpela tok. Buk i stori long bekim bilong ol askim ol elda i save kamapim long ol man i dediket nupela na ol i gat tingting long kisim baptais. Strongim olgeta long tingting strong long kirapim ol nupela Baibel-stadi taim ol i mekim wok long Jun.
15 min: “Olsem Wanem? Yu Gat Planti Wok Tumas?” Ol askim na bekim. Sapos i gat taim, kamapim sampela tok bilong Kirap! (tok Inglis), Jun 8, 1990, p. 14-16. Askim wanpela o tupela pablisa long stori liklik long ol i bin mekim wanem samting bambai ol inap mekim gut olgeta wok maski ol i mekim planti wok bilong spirit.
Singsing 155 na beten.