Ol Miting Bilong Wok Bilong Ogas
Wik i Kirap Long Ogas 5
Singsing 56
10 min: Ol toksave bilong kongrigesen. Sampela Toksave bilong Wok Kingdom.
20 min: “Wok Strong Long Autim Gutnius.” Wanpela tok na kamapim sampela askim long ol brata sista.
15 min: “Tokaut Long Gutnius Bilong Kingdom Long Rot Bilong Ol Buklet.” (Paragraf 1-5) Mekim wok long namba wan paragraf bilong kirapim tok. Kamapim sampela gutpela tok long olsem wanem ol buklet God Triwan na “Harim!” i gutpela bilong mekim wok long en long wok autim tok. Stretim rot bilong mekim fopela soim long pasin bilong mekim wok long ol dispela buklet bilong autim tok na bilong mekim ol gobek. Wanpela yangpela i ken mekim soim long pasin bilong tilim buklet “Harim!” na papa o mama i ken helpim em. Ol pablisa i ken bihainim dispela pasin olsem mipela kamapim bilong tilim ol narapela buklet.
Singsing 136 na beten.
Wik i Kirap Long Ogas 12
Singsing 192
10 min: Ol toksave bilong kongrigesen. Ripot bilong ol akaun.
15 min: “Tokaut Long Gutnius Bilong Kingdom Long Rot Bilong Ol Buklet.” (Paragraf 6-8) Kamapim sampela bikpela tok bilong ol tok i stap long buklet Gavman. Mekim ol soim long pasin bilong autim tok na mekim gobek olsem i stap long dispela hap. Strongim olgeta pablisa long i go bek na lukim ol man i bin kisim buklet.
20 min: “ ‘Ol Man Bilong Autim Tok Long Bel Isi God i Save Givim’ Kibung Distrik Bilong 1996.” Kamapim ol tok bilong paragraf 1-17 long rot bilong ol askim na bekim. Kaunim paragraf 10, 11, 16.
Singsing 9 na beten.
Wik i Kirap Long Ogas 19
Singsing 174
10 min: Ol toksave bilong kongrigesen. Kamapim ol tok bilong Askim.
15 min: “Husat Inap Long Autim Tok?” Wanpela elda i stori wantaim tupela o tripela pablisa long dispela hap. Kamapim klia olsem yumi wok long kisim gutpela skul tru, na dispela inapim yumi long stap olsem wokman tru bilong God. I no gat as na yumi ken pilim olsem yumi no inap mekim wok autim tok.
20 min: “Kamapim Ol Disaipel Long Rot Bilong Buk Save.” Toktok wantaim ol brata sista na mekim sampela askim long paragraf 17-26 bilong pepa yu bin kisim wantaim Wok Kingdom bilong Jun 1996. Paslain long miting askim ol brata sista long kongrigesen em ol i wok long mekim stadi long buk Save na bai ol i ken redi na kamapim ol ekspiriens bilong ol. Ol i ken kamapim ol gutpela tok long olsem wanem ol i bin bihainim ol tok i stap long dispela pepa na olsem wanem dispela i bin helpim ol long mekim gut Baibel-stadi. Kirapim olgeta long lukautim gut dispela pepa na bai ol yet i ken lukim gen ol tok taim ol i laik kirapim nupela Baibel-stadi.
Singsing 189 na beten.
Wik i Kirap Long Ogas 26
Singsing 104
13 min: Ol toksave bilong kongrigesen. “Ol Gutpela Bung Bilong i Go Autim Tok.” Wasman bilong wok autim tok i ken mekim dispela tok. Ol askim na bekim. Long paragraf 5, kolim sampela pasin kranki ol pablisa i save mekim long hap bilong yupela long taim bilong autim tok; na long pasin isi kamapim sampela gutpela tok bilong helpim ol long stretim dispela pasin. Toksave long ol bung bilong i go autim tok long dispela wik.
20 min: “ ‘Ol Man Bilong Autim Tok Long Bel Isi God i Save Givim’ Kibung Distrik Bilong 1996.” Kamapim tok bilong paragraf 18-24 long rot bilong ol askim na bekim. Kaunim paragraf 18. Stori long “Sampela Samting Bilong Kibung Distrik Yumi Mas Tingim.”
12 min: Stori Long Ol Samting Bilong Tilim Long Septemba. Bai yumi mekim wok long buk Stap Oltaim. Kamapim klia bilong wanem ol man i mas kisim ol save i stap long dispela buk. (Lukim Wastaua, Novemba 1, 1988, p. 29, par. 17, 18.) Stori liklik long sampela ekspiriens i kamapim amamas bilong ol gutpela man taim ol i kaunim dispela buk. (Lukim Kirap! [tok Inglis], Septemba 22, 1989, p. 32, na Wastaua, Disemba 1, 1991, p. 32.) Tupela pablisa i save gut long mekim soim i ken kamapim namba tu tok aninit long het-tok “I Stap Bilong Yumi/Amamas” long buk Toktok Gut, p. 11. O mekim narapela soim i stret long hap bilong yupela. Sapos sampela buk Rot Bilong Kamapim Amamas Insait Long Famili i stap yet long kongrigesen, orait yupela i ken tilim dispela. Kirapim olgeta long kisim ol buk bilong mekim wok long en long dispela wik.
Singsing 113 na beten.