Ol Toksave
◼ Samting bilong tilim long Julai na Ogas: Buk Yu Inap i Stap Oltaim Long Paradais Long Graun (bikpela), K4.00 long tok Inglis, K2.00 long tok Hiri Motu o tok Pisin. O yu ken tilim wanpela bilong ol dispela buklet: Gutpela Yu Bilip Long God Triwan o Nogat?, “Harim! Mi Mekim Olgeta Samting i Kamap Nupela!,” Wanpela Gavman Em Bai Kamapim Paradais. Septemba: Buk Yu Inap i Stap Oltaim Long Paradais Long Graun long K2.00 o buk Rot Bilong Kamapim Amamas Insait Long Famili long 50 toea. Oktoba: Sabskripsen bilong Wastaua na Kirap! Novemba: Buk Save i Bringim Man Long Laip Oltaim long K1.50. Disemba: Buk Yu Inap i Stap Oltaim Long Paradais Long Graun long K2.00. (Long tok Inglis long K4.00)
◼ Olgeta wan wan kongrigesen bai kisim 3-pela pepa “Bilong Kaunim Ol Buk Samting Long Septemba 1, 1996” (S-AB-18-MP). Long kirap bilong mun Ogas kuskus bilong kongrigesen i mas bung wantaim brata i lukautim ol buk na makim wanpela de long pinis bilong mun bilong kaunim ol buk samting bilong kongrigesen. Ol i mas kaunim olgeta buk na raitim hamas i stap long pepa “Bilong Kaunim Ol Buk Samting.” Brata i lukautim ol magasin i mas toksave long hamas magasin i stap. Nau kuskus wantaim brata i lukautim ol akaun bai raitim ol samting long baksait bilong dispela pepa bilong save gut long akaun bilong litresa na magasin i stap olsem wanem. Plis salim namba wan kopi i go long Sosaiti paslain long Septemba 6. Putim namba tu kopi long fail. Yupela i ken mekim wok long namba 3 kopi taim yupela kaunim ol buk samting. Kuskus i mas bosim dispela wok bilong raitim ol tok long dispela pepa, na taim ol i wokim pinis, wasman siaman i mas lukim bilong save em i stret o nogat. Kuskus na siaman i mas sainim.
◼ Mipela bai salim ol kat bilong kibung wantaim ol oda bilong litresa bilong Julai na Ogas. Sosaiti bai bihainim lista bilong hamas Wok Kingdom yupela i save kisim na salim ol kat long yupela. Tasol ol bai salim long namba ol inap brukim long 10, olsem 20 30 40, na mipela bai putim pe bilong en long akaun bilong litresa olsem 3 toea long wan wan. Sapos yupela i laikim sampela moa, plis putim oda long pepa Literature Order (S-AB-14), long wanem, yupela i NO inap kisim long taim bilong kibung. Sapos yupela i laikim sampela kat moa, yupela i mas askim Sosaiti long salim long balus bambai yupela i ken kisim paslain long kibung. (Pe bilong salim ol dispela samting long balus, Sosaiti bai putim long akaun bilong litresa bilong yupela.) Yupela i mas givim ol kat i go tasol long ol man i save bihainim ol gutpela pasin Kristen. Kat i no bilong tokaut tasol long kibung bilong yumi, nogat, em inap i stap tu olsem was bilong yumi. Yupela ol papamama i mas pasim kat long klos bilong ol pikinini bilong yupela, dispela bai helpim yupela long painim ol sapos ol i lus. Ol elda i ken skelim husat inap long kisim kat.
◼ Ol painia inap kisim ol buk samting long hap pe long rum-buk taim ol i soim kat “Bilong Toksave Olsem Man i Wok Painia.”
◼ Paslain long kongrigesen i salim oda bilong litresa i go long Sosaiti long olgeta mun, wasman siaman i mas stretim rot bilong mekim toksave. Nau ol brata sista i laik kisim sampela buk samting i ken toksave long brata i lukautim litresa.
◼ Ol kongrigesen i ken kirap putim oda bilong 1997 Calendar of Jehovah’s Witnesses long taim ol i putim oda bilong litresa long Septemba. Yupela inap kisim ol kalenda long ol dispela tok ples: Tok Dats, Denmak, Finlan, Frans, Grik, Hangari, Inglis, Itali, Japan, Jemani, Korea, Kroesia, Nowe, Polan, Potugal, Rasia, Romenia, Saina, Serbia, Sek, Spen, Swiden, Turki, Yukren.
◼ Ol Nupela Buk Samting Yu Inap Kisim:
Volyum bilong Wastaua bilong 1958 na 1959—Tok Inglis