Rivyu Bilong Skul Bilong Wok Autim Tok
Rivyu bilong ol tok i bin kamap insait long Skul, kirap long Janueri 6 i go inap long Epril 21, 1997. Long narapela hap pepa, traim raitim planti bekim insait long taim bilong mekim rivyu.
[Harim: Long taim bilong mekim rivyu long Skul, yu ken lukim Baibel tasol bilong helpim yu long bekim ol askim. Long pinis bilong ol askim i gat mak bilong ol buk samting, na taim yu kisim dispela pepa i go long haus paslain long taim bilong mekim rivyu, yu ken lukim ol dispela buk samting bilong helpim yu long raitim stret ol bekim bilong rivyu long Skul. Sampela taim ol i no putim namba bilong pes na paragraf bilong Wastaua.]
Makim ol dispela tok I Stret o I No Stret:
1. Pasin antap inap mekim na man i no laik tokaut long rong bilong em na bihainim tok bilong stretim em. [rs p. 415 par. 1]
2. I no gat wanpela man long graun i gat strong long lusim sin paslain long taim Jisas i dai na givim laip bilong em olsem ofa bilong baim bek ol man. [Hap bilong Baibel yumi kaunim long olgeta wik; lukim w96 4/15 p. 29.]
3. Nebukatnesar i bagarapim taun Tair olgeta na dispela i truim tok bilong Sekaraia 9:2-4. [si Janueri 6 par. 4]
4. Sapos man i baptais em i no ken lus. [uw p. 100 par. 12]
5. Baibel i tok profet, long taim bilong yumi bai i gat ol “bikpela bagarap,” tasol i no asua bilong God na ol i kamap. I wankain olsem wanpela man i tokaut long bikpela win samting i laik kamap—i no asua bilong dispela man na win i kamap. [rs p. 368 par. 1-3]
6. Ofa bilong Krais i karamapim olgeta sin bilong ol man bilong graun. [Hap bilong Baibel yumi kaunim long olgeta wik; lukim w95 12/15 p. 29.]
7. Matyu 25:31-46 i stori long ol “meme” em ol bai kisim pe nogut, olsem ol bai bagarap olgeta. Sampela bilong ol dispela “meme” em ol man i insait long Bikpela Babilon na ol bikman bilong ol lotu bilong ol. [Hap bilong Baibel yumi kaunim long olgeta wik; lukim w95 10/15 p. 26 par. 13-15.]
8. Tok bilong Jisas long Matyu 23:33 i kamapim ples klia olsem lain saveman bilong lo na lain Farisi, ol i insait long lain bilong Snek. [Hap bilong Baibel yumi kaunim long olgeta wik; lukim w96 6/1 p. 11 par. 11.]
9. Sapos yumi lusim sin bilong ol narapela bai God inap lusim sin bilong yumi. [Hap bilong Baibel yumi kaunim long olgeta wik; lukim w94 9/15 p. 7.]
10. Baptais bilong Jisas long i dai i kirap long yia 29 C.E. i go inap long taim em i dai na kirap bek. [uw p. 97 par. 6]
Bekim ol dispela askim:
11. Olsem wanem Kingdom bilong Jisas i no ken bagarap? (Dan 7:14) [uw p. 86 par. 15]
12. Sekaraia 6:12, 13 i stori long wanem 2-pela wok em Krais Jisas bai mekim? [si Janueri 20 par. 25]
13. Yumi no ken skelim ol narapela man na ting ol inap mekim bikpela wok moa bilong autim tok. Nogat. Yumi olgeta wan wan i ken mekim wanem? (Ga 6:4) [uw p. 93 par. 13]
14. Olsem wanem ofa bilong Krais i helpim ol manmeri long nau? [kl p. 68, 69 par. 17-19]
15. Bilong wanem God i no lusim rong bilong Adam na lusim tingting olgeta long sin bilong em? [rs p. 367 par. 2]
16. Olsem wanem “profet Elaija” i kamap long taim bilong ol aposel, olsem Malakai 4:5 i tok profet long en? [si Janueri 27 par. 15]
17. Olsem wanem wanpela man inap stilim ol samting long God? (Mal 3:8) [Hap bilong Baibel yumi kaunim long olgeta wik; lukim w95 4/15 p. 18 par. 15.]
18. Long wanem hap bilong Buk Matyu yumi inap painim tok bilong Jisas i makim gutpela rot bilong stretim bikpela hevi? [Hap bilong Baibel yumi kaunim long olgeta wik; lukim w95 7/15 p. 22.]
19. God i larim pasin nogut na hevi i stap. Orait, kolim tupela samting i kamap long ples klia long dispela rot. [kl p. 77, 78 par. 18-20]
20. Bilong wanem i stret yumi ken tok olsem Satan na ol spirit nogut ol i no as bilong olgeta hevi na pen bilong ol man? (Snd 1:30-33; Ga 6:7) [rs p. 364 par. 1]
Raitim wanem hap tok i stret bilong pinisim ol dispela tok:
21. Dispela “spirit” i lusim man taim em i dai em _________________________ em God i as bilong en. (Sav 12:7) [kl p. 81 par. 5, 6]
22. Sapos wanpela man i tok em i gat spirit bilong God, tasol em i no kamapim _________________________ bilong dispela spirit na em i no stap longwe long pasin bilong dispela _________________________ na ol wok bilong en, tok bilong em i no gat as bilong en. [rs p. 268 par. 5 i go inap p. 269 par. 2]
23. Ol daiman em Kamapim Tok Hait 20:12 i stori long ol, God bai skelim ol long ol pasin ol i bin mekim _________________________. Dispela i helpim yumi long save olsem ol i gat rot bilong abrusim kirap bek bilong _________________________. (Jo 5:28, 29) [uw p. 75 par. 12]
24. Mama bilong Jisas i no givim nem _________________________ long Jisas, tasol olgeta samting em i mekim taim em i stap long graun i truim _________________________ bilong dispela nem. (Ais 7:14; Mt 1:22, 23) [Hap bilong Baibel yumi kaunim long olgeta wik; lukim w92 1/15 p. 22.]
25. God i save tingim ol _________________________ i stap gut long wok bilong em, na long ai bilong em ol _________________________ bilong ol i stap _________________________. (1 Ko 7:14) [rs p. 367 par. 6]
Makim wanem tok i stret:
26. I gat sampela samting i makim olsem Matyu i raitim buk bilong em long tok (Hibru; Aram; Grik) na bihain em i tanim long tok (Hibru; Aram; Grik). [si Februeri 3 par. 6]
27. Planti bilong lain (remnan; 144,000) ol i go pinis long heven, na lain (remnan; 144,000), ol i stap yet long graun, ol i olsem (Lain Bilong Bosim Ol Witnes; wokboi i gat gutpela tingting). [uw p. 80 par. 7]
28. Saveman 9:11 i helpim yumi long save olsem, as bilong planti hevi i painim ol man na ol i kisim pen em (Satan; ol man nogut; ol i stap long wanpela hap long taim samting nogut i kamap). [rs p. 365 par. 1]
29. Baptais “long nem bilong Papa na bilong Pikinini na bilong Holi Spirit” i bin kirap long yia (29 C.E.; 33 C.E.; 36 C.E.). (Mt 28:19) [uw p. 98 par. 9]
30. Jisas i kamap Mesaia long taim (mama i karim em; em i kisim baptais; em i kirap bek), long yia (2 B.C.E.; 29 C.E.; 33 C.E.). [kl p. 65 par. 12]
Putim wanem skripsa i stret long ol dispela tok:
Sek 4:6; Mt 4:8-10; 1 Jo 5:19; Je 1:13; Hi 13:5, 6
31. God i no as bilong ol planti hevi i painim ol man. [kl p. 71 par. 3]
32. Ol disaipel tru bilong Jisas i no laik insait long wok politik bilong dispela graun. [Hap bilong Baibel yumi kaunim long olgeta wik; lukim w96 5/1 p. 12 par. 9.]
33. I gat gutpela as na ol Kristen i givim baksait long ol pasin bilong dispela graun. [kl p. 60 par. 18]
34. Long olgeta hap ol man i birua long wok autim tok bilong yumi. Yumi no winim dispela hevi long strong bilong yumi yet, nogat, Jehova yet i stiaim yumi na lukautim yumi. [Hap bilong Baibel yumi kaunim long olgeta wik; lukim w94 8/15 p. 17 par. 4.]
35. Maski pe bilong ol samting i go antap na planti man i no gat wok, Jehova bai lukautim yumi long ol samting yumi mas kisim bilong i stap laip. [uw p. 90 par. 6]