Ol Toksave

◼ Samting bilong tilim long Epril na Me: Sabskripsen bilong Wastaua bilong wanpela yia long K8.00 o bilong 6-pela mun long K4.00, o buklet God i Laik Yumi Mas Mekim Wanem? long 40 toea. Jun: Buk Save i Bringim Man Long Laip Oltaim. Tingting long kirapim ol Baibel-stadi. Julai na Ogas: Wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat?

◼ Ol manmeri i save bung wantaim kongrigesen, sapos ol i laik kisim nupela o kisim gen sabskripsen bilong Wastaua na Kirap!, ol i mas kisim long rot bilong kongrigesen.

◼ Ol wan wan pablisa i no ken salim oda bilong ol buk samting i go long Sosaiti. Paslain long kongrigesen i salim oda bilong ol litresa i go long Sosaiti long olgeta mun, wasman siaman i mas stretim rot bilong mekim toksave long olgeta mun. Nau ol brata sista i laik kisim ol buk samting ol i ken toksave long brata i lukautim litresa. Plis tingim gut wanem wanem ol buk samting i gat lo bilong baim kwik.

◼ Nau kongrigesen i ken putim oda bilong kisim ol karamap plastik bilong kat bilong kibung bambai yupela i ken kisim paslain long taim kibung distrik i kirap long Septemba. Plis no ken putim oda long ol kat bilong kibung, long wanem, Sosaiti yet bai salim bihain.

◼ Olsem mipela i bin toksave long pas mipela i raitim long olgeta kongrigesen i no longtaim i go pinis, kirap long Epril 1, 1997, Sosaiti i daunim pe bilong sampela buk. Em i bikpela samting long wasman bilong wok autim tok na brata i lukautim litresa, tupela i mas kaunim olgeta buk em pe bilong ol i go daun long Mas 31, na salim pepa i go bek long brens-ofis paslain long Epril 15.

◼ Ol Nupela Buk Samting Yu Inap Kisim:

Yiabuk bilong ol Witnes Bilong Jehova bilong 1997​—⁠Tok Inglis

◼ Ol Buk Samting Yu Inap Kisim Gen:

God i Laik Yumi Mas Mekim Wanem?​—⁠Tok Inglis