Ol Miting Bilong Wok Bilong Jun

Wik i Kirap Long Jun 2

Singsing 181

8 min: Ol toksave bilong kongrigesen. Sampela Toksave bilong Wok Kingdom. Toksave long ol bung bilong autim tok long Jun 9. Tokim ol brata sista long kisim buk Lo Bilong Yumi Bilong Mekim Wok Autim Tok i kam long ol Miting Bilong Wok long dispela mun, long wanem, sampela tok bai kamapim tok bilong dispela buk. Kaunim pas bilong Sosaiti bilong Julai 16, 1996, i stori long Tingting Bilong Ol Kristen Long Eleksen na putim long notis-bot long taim bilong eleksen.

15 min: “Yupela i Mas Wok Strong.” Ol askim na bekim. Lukim tu Wastaua, Epril 15, 1993, p. 28-30.

22 min: “Save i Kam Long God i Bekim Planti Askim.” Brata i mekim dispela tok em i ken stori wantaim tupela o tripela pablisa, na wanpela bilong ol em yangpela. Stori long paragraf 1 na kamapim klia bilong wanem buk Save i gutpela bilong helpim yumi long bekim ol askim. Mekim sampela soim olsem: Ol pablisa i mekim traim long haus long ol tok i stap long pes 8, na bihain long ol soim kamapim sampela tok bilong helpim ol long mekim i kamap gutpela moa.

Singsing 200 na beten.

Wik i Kirap Long Jun 9

Singsing 189

7 min: Ol toksave bilong kongrigesen. Ripot bilong ol akaun.

18 min: Mas Stap Klin Long Skin. Wanpela tok na sampela askim na bekim. Jehova i laik bai lain bilong em i stap klin long skin. (Lo 23:​12-14; 2 Ko 7:1) Taim yumi stap klin long skin na klos samting bilong yumi, dispela i kamapim klia yumi pilim tru ol lo bilong Jehova o nogat. (Lukim buk Lo, p. 130, 131.) Toktok wantaim ol brata sista long bilong wanem em i bikpela samting olgeta wan wan long famili i mas bihainim ol dispela pasin: (1) Klinim lek taim ol i laik go insait long haus. (2) Pasim su o slipas. (3) Klinim toilet planti taim na wasim long strongpela marasin; sapos toilet i stap insait long haus, bihain long ol i go, ol i mas opim wara. (4) Wasim han planti taim long sop, na long olgeta taim bihain long ol i go long toilet, na paslain long kaikai o redim kaikai. (5) Rausim kus na klinim nus. (6) No ken holim pekpek, rat, kokros, pipia, dok i gat sua samting. (7) Waswas wantaim sop wanpela taim o sampela taim long olgeta de.​—⁠Lukim tu Kirap!, Epril 8, 1989, p. 8-11; Wastaua, Disemba 1, 1989, p. 16-21.

20 min: Wok Bilong Skulim Ol Narapela​—⁠Yumi Mas Mekim. Wanpela elda i ken mekim dispela tok. Stori long ripot bilong 1996 bilong wok autim tok bilong olgeta hap olsem i stap long Wastaua, Janueri 1, 1997, pes 18-21. Bikpela wok bilong autim tok long ol man long wanem wanem hap i gat ol man long en, dispela i wok long kamapim gutpela kaikai. Bikpela wok yumi mas mekim long nau em long go bek lukim ol man i bin kisim buk na nius samting na lainim ol long tok i tru. Taim yumi bungim ol man long rot o maket samting, long gutpela pasin askim ol long nem na haus o strit samting ol i stap long en bambai yumi ken go bek lukim ol. Yumi no ken planim tasol pikinini kaikai bilong Kingdom; yumi mas givim wara tu long en. (1 Ko 3:​6-8) Taim yumi planim pikinini kaikai long gutpela graun, na yumi mekim gutpela wok tisa, dispela i ken helpim man long kisim gut as bilong ol tok. (Mt 13:23) Yumi mas mekim tru na mekim gut wok bilong skulim ol man. (Hi 5:​12a) Kamapim sampela tok bilong pepa yumi kisim wantaim Wok Kingdom bilong Jun 1996, paragraf 25 na 26. Kamapim klia olsem yumi mas wok strong long kirapim ol stadi long buklet Yumi Mas Mekim Wanem? o long buk Save.

Singsing 204 na beten.

Wik i Kirap Long Jun 16

Singsing 192

10 min: Ol toksave bilong kongrigesen. Kamapim sampela tok bilong buk Wanbel, p. 166, par. 12, na buk Toktok Gut, p. 295, em i stori long ol Kristen i no ken insait long eleksen.

25 min: Brata i gat save em i ken mekim dispela tok na kamapim ol bikpela tok bilong stori “Baim Meri​—⁠Ol Kristen i Mas Ting Olsem Wanem Long Dispela?” long Wastaua, Septemba 1, 1989, p. 8-11. Long taim bilong pasim tok long samting bilong baim meri, yumi mas tingim gut ol lo bilong Baibel. Olsem wanem? Pasin mangal i as bilong yumi laik makim bikpela pe bilong baim meri? (1 Ko 5:11; 1 Ti 6:10) Olsem wanem? Sapos pe bilong baim meri i antap tumas, na tupela yangpela i mas wet longtaim bilong marit, long wanem, i hatwok long kisim mani, dispela inap subim tupela long pamuk? (Hi 13:⁠4) Sapos wanpela brata i larim pikinini meri bilong em i maritim wanpela man ausait, long wanem, em i laik kisim bikpela pe, i stret em i holim sampela wok long kongrigesen? (1 Ko 7:39; 1 Ti 3:​4, 5, 12, 13) Ol papamama i gat wanem wok long helpim ol pikinini long ol samting bilong skin? (2 Ko 12:​14) Olsem wanem? Taim man i baim pinis meri, dispela i makim olsem meri i no gat wok moa long lukautim papamama bilong em? (1 Ti 5:4) Ol lo bilong husat i bikpela samting moa, winim ol pasin bilong ol tumbuna?​—⁠Ap 5:⁠29.

10 min: Yu Gat Oda Bilong Yu Yet? Nius Wastaua na Kirap! i gutpela helpim tru bilong autim tok bilong Kingdom long olgeta hap. Yumi mas tilim long olgeta taim rot i op. I gutpela sapos olgeta wan wan pablisa i gat oda bilong ol yet bilong kisim ol magasin. Sapos yumi no mekim olsem, bai yumi no gat ol nupela magasin bilong tilim na bai yumi askim ol narapela long givim ol magasin long yumi o bai yumi mekim wok long ol liklik nius o ol buklet. Putim oda wantaim brata i lukautim ol magasin na no ken lusim tingting long kisim ol magasin taim ol i kam pinis. Stori long olsem wanem oda bilong kisim magasin long olgeta taim inap helpim yumi.

Singsing 201 na beten.

Wik i Kirap Long Jun 23

Singsing 193

5 min: Ol toksave bilong kongrigesen.

15 min: Autim Tok Long Olgeta Taim. Wasman bilong wok autim tok i mekim dispela tok. Kamapim ol bikpela tok bilong buk Lo, p. 106-109. Kamapim klia olsem yumi olgeta i gat wok long autim tok long olgeta taim na yumi mas putim hariap ripot long pinis bilong mun. Kuskus i mas salim ripot bilong kongrigesen paslain long namba 6 de bilong mun. Yumi no ken lusim wok bilong autim bilip bilong yumi long kain kain rot inap wanpela mun.​—⁠Ro 10:​9, 10.

25 min: “Ol Papamama​—⁠Lainim Pikinini Bilong Yupela Long Autim Tok.” Ol askim na bekim. Kamapim tu ol tok bilong buk Lo, pes 99-100, aninit long het-tok “Helpim Ol Yangpela.”

Singsing 211 na beten.

Wik i Kirap Long Jun 30

Singsing 197

10 min: Ol toksave bilong kongrigesen. Kirapim olgeta long putim ripot bilong wok autim tok bilong Jun.

20 min: “Ol Yangpela​—⁠Yupela i Laik Winim Wanem Ol Mak Bilong Spirit?” Tupela papa i stori long ol tok bilong dispela hap. Tupela i stori long rot bilong helpim ol pikinini bilong ol long pilim tru bilong wanem em i bikpela samting long ol i mas putim ol mak bilong spirit na ol i no ken tingting long kisim planti samting bilong skin, na dispela bai helpim ol long kisim planti blesing bilong spirit.​—⁠Lukim tu buk Lo, p. 116-118.

15 min: Redi Long Tilim Ol Buklet Long Julai. Makim wanpela o tupela buklet em planti manmeri long teritori bilong yumi i bin laikim tru, na stori gen long sampela bikpela tok bilong ol. Kamapim sampela tok long olsem wanem yumi ken mekim wok long ol dispela samting taim yumi toktok wantaim ol man. Kirapim olgeta long raitim nem bilong ol man i bin kisim buklet, na long go bek na kirapim ol long harim sampela tok moa.

Singsing 109 na beten.