Ol Toksave

◼ Samting bilong tilim long Ogas: Wanpela bilong ol dispela buklet long 40 toea: Stap Amamas Oltaim Long Graun!, Wanpela Gavman Em Bai Kamapim Paradais, Gutpela Yu Bilip Long God Triwan o Nogat?, Tru God i Save Tingim Yumi, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Buk Rot Bilong Kamapim Amamas Insait Long Famili na buk Yu Inap i Stap Oltaim Long Paradais Long Graun. Oktoba: Sabskripsen bilong Wastaua na Kirap! Klostu long pinis bilong mun Oktoba, bai yumi tilim Kingdom Nius Namba 35. Novemba: Bai yumi tilim yet Kingdom Nius Namba 35. Ol kongrigesen i tilim pinis Kingdom Nius Namba 35 long ol man long olgeta wan wan haus long teritori bilong ol, ol i ken tilim buk Save. Disemba: Buk Nambawan Man Tru i Winim Olgeta Narapela Man, Baibel Stori Buk Bilong Mi, o Yu Inap i Stap Oltaim Long Paradais Long Graun.

◼ Long olgeta hap, sampela taim insait long yia ol holide bilong dispela graun i save kamap na ol skulmanki na ol wokman i save malolo. Dispela i save opim rot bilong kongrigesen i ken mekim bikpela wok moa bilong autim tok. Ol elda i mas tingim wanem de ol dispela holide bai kamap na toksave hariap long kongrigesen long ol bung bilong autim tok long dispela taim.

◼ Olgeta wan wan kongrigesen bai kisim 3-pela pepa Bilong Kaunim Ol Buk Samting Long Septemba 1, 1997 (S-AB-18-MP). Long kirap bilong mun Ogas kuskus bilong kongrigesen i mas bung wantaim brata i lukautim ol buk na makim wanpela de long pinis bilong mun bilong kaunim ol buk samting bilong kongrigesen. Ol i mas kaunim olgeta buk na raitim hamas i stap long pepa Bilong Kaunim Ol Buk Samting. Brata i lukautim ol magasin i mas toksave long hamas magasin i stap. Plis salim namba wan kopi i go long Sosaiti paslain long Septemba 6. Putim namba tu kopi long fail. Yupela i ken mekim wok long namba tri kopi taim yupela i kaunim ol buk. Kuskus i mas bosim dispela wok bilong raitim ol tok long dispela pepa, na taim ol i wokim pinis, wasman siaman i mas lukim bilong save em i stret o nogat. Kuskus na siaman i mas sainim.

◼ Ol kongrigesen i ken kirap long putim oda bilong 1998 Calendar of Jehovah’s Witnesses long taim ol i putim oda bilong ol litresa long Septemba. Ol kalenda i gat lo bilong baim kwik, na pe bilong olgeta wan wan em K1.90.

◼ Mipela bai salim ol kat bilong kibung wantaim oda bilong litresa bilong Julai na Ogas. Sosaiti bai tingim hamas pablisa bilong ol kongrigesen wan wan, na ol bai salim ol kat long namba ol inap brukim long 10, olsem 20 30 40, na ol bai putim pe bilong en long akaun bilong litresa olsem 3 toea long wan wan kat. Sapos yupela i laikim sampela moa, plis putim oda long pepa Literature Order (S-AB-14), long wanem, yupela i NO inap kisim long taim bilong kibung. Yupela i ken putim oda long ol plastik bilong putim kat sapos yupela i laikim. Yupela inap kisim long Sosaiti long 20 toea long wan wan. Yupela i mas givim ol kat i go tasol long ol man i save bihainim ol gutpela pasin Kristen. Kat i no bilong tokaut tasol long kibung bilong yumi, nogat, em inap i stap tu olsem was bilong yumi. Yupela papamama i mas pasim kat long klos bilong pikinini bilong yupela, dispela bai helpim yupela long painim ol sapos ol i lus. Ol elda i ken skelim husat inap long kisim kat.

◼ Kirap long Septemba, ol wasman sekit bai mekim pablik-tok nem bilong en “Bilip Long Strong Bilong Jehova Long Kisim Bek Ol Man.”

◼ Nupela Disk (CD) Yu Inap Kisim:

Mekim Singsing Long Jehova (8-pela disk-Piano)

◼ Ol Buk Samting Yu Inap Kisim Gen:

T-15, Gutpela Sindaun Long Nupela Taim​—⁠Tok Inglis

Baibel Stori Buk Bilong Mi​—⁠Rait Brel Long Tok Inglis

The Secret of Family Happiness​—⁠Tok Tagalok