Ol Toksave
◼ Samting bilong tilim long Septemba: Buk Rot Bilong Kamapim Amamas Insait Long Famili na buk Yu Inap i Stap Oltaim Long Paradais Long Graun long K2.50. Oktoba: Sabskripsen bilong Wastaua na Kirap! Klostu long pinis bilong mun Oktoba, bai yumi tilim Kingdom Nius Namba 35. Novemba: Bai yumi tilim yet Kingdom Nius Namba 35. Ol kongrigesen i tilim pinis Kingdom Nius Namba 35 long ol man long olgeta wan wan haus long teritori bilong ol, ol i ken tilim buk Save. Disemba: Buk Nambawan Man Tru i Winim Olgeta Narapela Man, Baibel Stori Buk Bilong Mi, o Yu Inap i Stap Oltaim Long Paradais Long Graun. Janueri: Buk Yumi Bilong i Stap Nau Tasol? na Rot Bilong Kamapim Amamas Insait Long Famili.
◼ Wasman siaman o brata em siaman i makim, em i mas skelim ol akaun bilong kongrigesen long Septemba 1 o mekim kwiktaim bihain long en. Taim em i mekim pinis, orait toksave long kongrigesen.
◼ Mipela i laik kirapim ol elda long bihainim ol tok i stap long Wastaua (tok Inglis), Epril 15, 1991, pes 21-23. Em i stori long ol man i bin raus o ol i bin rausim ol yet, em ol elda i ting ol i gat laik long kam bek na ol inap helpim ol.
◼ Ol manmeri i save bung wantaim kongrigesen, sapos ol i laik kisim nupela o kisim gen sabskripsen bilong Wastaua na Kirap!, ol i mas kisim long rot bilong kongrigesen.
◼ Ol wan wan pablisa i no ken salim oda bilong buk samting i go long Sosaiti. Paslain long kongrigesen i salim oda bilong litresa i go long Sosaiti long olgeta mun, wasman siaman i mas stretim rot bilong mekim toksave long dispela samting long olgeta mun. Nau ol brata sista i laik kisim ol buk samting ol i ken toksave long brata i lukautim litresa. Plis tingim gut wanem wanem ol buk i gat lo bilong baim kwik.
◼ Taim yupela i salim oda bilong litresa, kongrigesen i mas tingim olsem disk CD-ROM bilong Sosaiti em i no bilong tilim nabaut long ol man. Em i bilong ol pablisa i ken mekim wok long en.
◼ “Askim” i stap long Wok Kingdom bilong Me 1997, i kamapim olsem yumi mas was gut taim wanpela brata i wok wantaim wanpela sista o wanpela sista i wok wantaim wanpela brata long taim bilong autim tok. I gat ol gutpela as na yumi olgeta i mas bihainim gutpela tingting long dispela samting. Dispela i no makim olsem ol wasman bilong raun o ol narapela brata tu, ol i no ken wok wantaim ol sista long taim bilong autim tok. Tingting Wok Kingdom i bin kamapim i olsem, em i no gutpela sapos wanpela brata i wok oltaim wantaim wanpela sista em i no wanblut bilong em na tupela tasol i raun wantaim.