Ol Miting Bilong Wok Bilong Septemba
HARIM: Wok Kingdom bai putim sedyul bilong ol Miting Bilong Wok bilong olgeta wan wan wik bilong ol mun i gat ol distrik kibung long en. Ol kongrigesen i ken mekim sampela senis taim ol i go long “Bilip Long Tok Bilong God” Kibung Distrik na long wik bihain long kibung ol i ken makim 30 minit long Miting Bilong Wok, bilong kamapim gen ol bikpela tok i bin kamap long kibung. Paslain long kibung makim tupela o tripela brata em ol i gat save na ol inap kamapim ol bikpela tok bilong olgeta wan wan de bilong kibung. Ol i mas redim gut dispela tok na dispela bai helpim kongrigesen long tingim gen ol bikpela tok bilong kibung ol i mas bihainim long wokabaut bilong ol, na taim ol i mekim wok autim tok. Ol tok na ol ekspiriens ol brata sista i kamapim i mas sotpela na i stret.
Wik i Kirap Long Septemba 1
Singsing 26
10 min: Ol toksave bilong kongrigesen. Sampela Toksave bilong Wok Kingdom.
15 min: “Tingim Ol Bikpela Samting Pastaim.” Ol askim na bekim. Sapos i gat taim, kamapim sampela tok bilong Kirap!, Septemba 8, 1987, p. 10, 11, aninit long het-tok “Tingim Ol Bikpela Samting.”
20 min: “Toktok Wantaim Ol Narapela Long Buk Rot Bilong Kamapim Amamas Insait Long Famili.” Mekim wanpela tok na kamapim ol tok bilong paragraf 1 na 6-8. Mekim ol soim long paragraf 2-5. Kirapim ol brata sista long tingting strong long kirapim ol Baibel-stadi na kamapim ol disaipel.
Singsing 107 na beten.
Wik i Kirap Long Septemba 8
Singsing 27
8 min: Ol toksave bilong kongrigesen. Ripot bilong ol akaun.
15 min: Elda i toktok wantaim ol strongpela pablisa i gat sampela Baibel-stadi, long tok “Kirapim Sumatin na Bai Em i Laik Dediket na Baptais,” olsem i stap long pepa yumi kisim wantaim Wok Kingdom bilong Jun 1996, par. 20-22.
22 min: “Redi Long Givim Yumi Yet.” Ol askim na bekim. Kamapim tu ol tok bilong Wastaua, Februeri 1, 1985, p. 20.
Singsing 109 na beten.
Wik i Kirap Long Septemba 15
Singsing 30
7 min: Ol toksave bilong kongrigesen. Kamapim ol bikpela tok bilong “Yu Save Tokim Ol Yu Laik Stadi Wantaim Ol Long Baibel?”
15 min: Mekim Gutpela Wok Long Ol Video. Stori long olsem wanem yumi ken mekim wok long ol video bilong Sosaiti, na kamapim sampela ekspiriens long hap bilong yupela i kamapim olsem wanem yumi ken mekim bikpela wok moa long ol video insait long ol famili na long wok autim tok bilong yumi. Lukim yiabuk bilong 1996, p. 5, 6; pepa yumi kisim wantaim Wok Kingdom bilong Epril 1997, par. 1-3, 9; Wastaua, Janueri 15, 1997, p. 26, par. 12.
23 min: Lukaut Long Pasin Bilong Tingting Nogut Nating Long Man. Wanpela elda i toktok wantaim tupela wokman long ol tok bilong Wastaua, Me 15, 1997, p. 26-29.
Singsing 112 na beten.
Wik i Kirap Long Septemba 22
Singsing 32
5 min: Ol toksave bilong kongrigesen.
20 min: Rot Bilong Kirapim Toktok. Sapos yumi inap kirapim ol narapela long toktok gut wantaim yumi, wok autim tok bilong yumi bai kamapim planti gutpela kaikai. Taim yumi mekim wanpela tok i kirapim ol narapela long putim yau, yumi winim pinis wanpela bikpela hevi yumi save bungim taim yumi autim tok. Toktok wantaim ol brata sista long ol bikpela tok bilong hap “Long Gutpela Pasin Toktok Wantaim Ol Man na Bai Ol i Ken Pilim,” olsem i stap long Wok Kingdom, Jun 1996, p. 7. Ol pablisa i gat save long kirapim toktok, ol i ken stori long ol tok ol i save mekim bilong kirapim toktok wantaim ol kain man olsem: (1) man i wokabaut long rot, (2) wanpela man long bas, (3) wanpela wokman long ofis, (4) wanpela man long ples bilong putim ol ka klostu long bikpela stua, (5) wanpela man i sindaun long pak, na (6) wanpela man ol i toktok wantaim em long rot bilong telefon.
20 min: Stori Long Ripot Bilong Kongrigesen Bilong Yia Bilong Wok Bilong 1997. Wasman bilong wok autim tok i tok amamas long ol brata sista long gutpela wok ol i bin mekim, na long bikpela wok ol i bin mekim long Mas, Epril, na Me. Kamapim sampela tok bilong lain elda na laspela ripot bilong wasman sekit long olsem wanem yumi ken mekim bikpela wok moa long autim tok na mekim ol Baibel-stadi. Stori long sampela samting ol i ken tingting long mekim long nupela yia bilong wok. Ol i ken tingting tu long kirapim na mekim ol Baibel-stadi na mekim wok painia haptaim long ol mun i gat 5-pela Sarere Sande, em Novemba, Me, na Ogas.
Singsing 113 na beten.
Wik i Kirap Long Septemba 29
Singsing 37
15 min: Ol toksave bilong kongrigesen. Kirapim olgeta long putim ripot bilong wok autim tok. Bilong redi long tilim sabskripsen long Oktoba, stori olsem yumi gat wok long “Skelim Gut Teritori,” “Save Gut Long Ol Tok Bilong Ol Magasin,” “Redim Kirap Bilong Tok,” “Senisim Ol Tok i Stret Long Man Bilong Haus,” na “Helpim Narapela Narapela,” olsem i stap long Wok Kingdom, Oktoba 1996, p. 4.
15 min: Sampela tok bilong helpim kongrigesen. O wanpela elda i ken mekim tok “Taim Bilong Pasim Maus na Taim Bilong Toktok,” long Wastaua, Me 15, 1996, p. 21-23.
15 min: Litimapim Wok Autim Tok Bilong Yu. Toktok wantaim ol brata sista long ol tok bilong buk Lo, p. 81-83. Mekim ol dispela askim bilong kamapim ol bikpela tok: (1) Taim yumi bihainim pasin bilong Jisas, dispela i helpim yumi olsem wanem? (2) Wok bilong yumi long autim tok, em i bikpela samting olsem wanem? (3) Wanem ol samting i bin kirapim yumi na yumi dediketim yumi yet long Jehova? (4) Man i laik mekim wok bilong God, em i mas bihainim wanem kain pasin? (5) Pasin bilong Jisas long autim tok i lainim yumi long wanem samting?
Singsing 121 na beten.