Ol Toksave

◼ Samting bilong tilim long Novemba: Bai yumi tilim yet Kingdom Nius Namba 35. Ol kongrigesen i tilim pinis Kingdom Nius Namba 35 long ol man long olgeta wan wan haus long teritori bilong ol, ol i ken tilim buk Save. Disemba: Buk Nambawan Man Tru i Winim Olgeta Narapela Man, Baibel Stori Buk Bilong Mi, o Yu Inap i Stap Oltaim Long Paradais Long Graun. Janueri: Buk Yu Inap i Stap Oltaim Long Paradais Long Graun. Februeri: Buk Kamapim Tok Hait​—⁠Ol Bikpela Samting Bilong En i Laik Kamap! Mas: Buk Save i Bringim Man Long Laip Oltaim.

◼ Taim wok bilong tilim Kingdom Nius i pinis long Novemba 16, sapos sampela nius i stap yet long kongrigesen, orait kirapim ol pablisa long tilim ol long pasin olsem ol i save tilim ol liklik nius, taim ol i autim tok long ol haus o long narapela hap. Sapos i gutpela long mekim, ol pablisa i ken lusim wanpela long ol haus i no gat man long en, tasol ol i no ken putim long ples klia na bai ol man long rot i ken lukim. Yumi mas wok strong long tilim olgeta bilong dispela nius em i gat bikpela tok long en.

◼ 3,256 pablisa i bin autim tok long mun Julai! Em gutpela ripot tru na inap long nau em i winim namba bilong olgeta narapela mun long laspela yia bilong wok. Bipo 3,345 pablisa i putim ripot na dispela namba i winim olgeta namba long bipo. Nau yumi bin sot long 89 pablisa tasol bilong inapim gen dispela namba. Dispela i kamapim klia, em i bikpela samting long olgeta pablisa i mas putim hariap ripot bilong ol long pinis bilong mun, na kongrigesen i mas salim ripot paslain long namba 6 de bilong narapela mun. Mipela i bilip tru olsem, long bihain namba bilong ol pablisa bai i go bikpela moa sapos olgeta i bihainim gut dispela samting.

◼ Ol kongrigesen i ken kirap nau long putim oda bilong yiabuk bilong ol Witnes Bilong Jehova bilong 1998 wantaim oda bilong litresa bilong Novemba. Ol yiabuk i gat lo bilong baim kwik (ol pablisa na ol narapela: K2.00; ol painia: K1.50). Ol painia oltaim na ol painia salim i bin kirap mekim wok paslain long Julai 1, 1997, ol i ken kisim nating wanpela yiabuk na sapos ol i laik kisim sampela moa ol i ken baim long K1.50 long wan wan. Sapos yupela i givim nating ol yiabuk long ol painia, orait long Pepa Bilong Salim Mani na Singaut Long Kredit (S-AB-20), yupela i mas raitim hamas buk ol painia i kisim nating. Inap long mipela i salim ol yiabuk i kam, mipela bai raitim long pepa Invoice bilong kongrigesen olsem “Mipela bai salim bihain.”

◼ Nupela Buk Yu Inap Kisim:

Watch Tower Publications Index 1996 (ol pablisa na ol painia: 60 toea)​—⁠Tok Inglis

Watch Tower Publications Index 1986-1995 (ol pablisa: K7.50; ol painia: K5.50)​—⁠Tok Inglis

◼ Nupela Video-Kaset Yu Inap Kisim:

Noah​​—⁠He Walked With God​—⁠Tok Inglis

◼ Nupela Disk (CD) Yu Inap Kisim:

Kingdom Melodies​—⁠Disk 5

◼ Ol Buk Yu No Inap Kisim Moa:

Rot Bilong Kamapim Amamas Insait Long Famili​—⁠Tok Pisin

Yumi Bilong i Stap Nau Tasol?​—⁠Tok Pisin