Ol Miting Bilong Wok Bilong Novemba
Wik i Kirap Long Novemba 3
Singsing 48
15 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na bilong kongrigesen. Stori long “Nupela Program Bilong Ol Kibung.”
12 min: Kuskus i kamapim ol tok bilong buk Lo, p. 101-104, aninit long het-tok “Ripot Bilong Yu Yet.”
18 min: “Go Bek Lukim Ol Man i Bin Amamas Long Kisim Kingdom Nius.” Ol askim na bekim. Mekim ol soim long paragraf 6. Long wanpela soim, mekim olsem ol i kirapim Baibel-stadi.
Singsing 144 na beten.
Wik i Kirap Long Novemba 10
Singsing 51
10 min: Ol toksave bilong kongrigesen. Ripot bilong ol akaun. Toksave long kongrigesen long ol teritori i stap yet bilong yumi mas tilim Kingdom Nius Namba 35 long en. Kirapim olgeta long mekim bikpela wok tru long dispela laspela wik bilong tilim Kingdom Nius.
15 min: Sampela tok bilong helpim kongrigesen. O wanpela elda i kamapim ol bikpela tok bilong stori “Lukautim Famili Long Ol Kantri i No Gat Planti Wok Bisnis” olsem i stap long Wastaua, Oktoba 1, 1996, p. 29-31.
20 min: “Helpim Ol Poroman Marit i No Witnes.” Tupela elda i stori wantaim long olsem wanem ol i ken save gut long ol poroman marit i no bilip. Ol i kamapim tu sampela tok bilong Wastaua, Novemba 1, 1989, p. 24, 25. Stori tu long ol ekspiriens i stap long Wastaua, Oktoba 1, 1995, p. 10, 11, par. 11, 12.
Singsing 148 na beten.
Wik i Kirap Long Novemba 17
Singsing 53
10 min: Ol toksave bilong kongrigesen. Stori long sampela ekspiriens ol brata sista long kongrigesen i kisim taim ol i tilim Kingdom Nius Namba 35.
20 min: Nau Em Gutpela Taim Bilong Mekim Wok! Kisim tok long Wastaua, Novemba 15, 1996, p. 21-23, na mekim olsem wanpela tok.
15 min: “Bai Mi Tok Wanem?” Toktok wantaim ol brata sista long dispela tok. Kaunim namba wan paragraf long pes 8 bilong buk Toktok Gut, na stori long olsem wanem ol i wokim dispela buk bilong helpim yumi long mekim wok long kain kain tok bilong Baibel bilong autim gut tok. Mekim wanpela o tupela soim em ol i redim gut bilong kamapim gut dispela samting.
Singsing 151 na beten.
Wik i Kirap Long Novemba 24
Singsing 56
8 min: Ol toksave bilong kongrigesen.
15 min: Bihainim Ol Gutpela Pasin Long Buk-Stadi. Yumi amamas tru long gutpela pasin ol famili i save mekim bilong larim yumi mekim Buk-Stadi long haus bilong ol. Bilong mekim olsem ol i mas redi gut na ating ol i mas senisim sampela samting bilong ol yet. Taim yumi go long Buk-Stadi, yumi mas bihainim gutpela pasin, na pasin daun, na tingim gut ol. Bilong mekim olsem, bihainim ol dispela pasin: (1) Yumi mas rausim su o slipas na klinim gut lek bilong yumi paslain long yumi go insait long haus bambai yumi no bringim ol pipia graun i go insait. (2) Ol papamama i mas lukautim pikinini bilong ol, was gut long ol bambai ol i stap isi na stap tasol long hap bilong mekim Buk-Stadi. (3) Ating grup bai i liklik na yumi pilim olsem em i no olsem wanpela miting, tasol nogat, em i wanpela miting, olsem na yumi mas pasim klos olsem yumi save pasim taim yumi go long Haus Kingdom. (4) Bihain long miting yumi no ken stap longtaim tumas bambai famili i ken mekim sampela samting bilong ol yet. (5) Ating wan wan taim famili bilong haus bai tingting long givim liklik ti o kaikai samting bihain long stadi, tasol olgeta i mas save olsem yumi no ken ting ol i mas mekim dispela samting.
22 min: Kamapim Disaipel, Skulim Ol. Elda i stori wantaim 3-pela o 4-pela pablisa, long ol tok i stap long buk Lo, p. 88-92 na em i bekim ol askim: (1) Bilong wanem pasin bilong mekim ol gobek i bikpela samting bilong helpim yumi long mekim gut wok autim tok? Sapos yumi pilim olsem i hatwok long mekim ol gobek, olsem wanem yumi ken mekim yet dispela wok? (2) Bilong wanem yumi save wok strong tru long kirapim ol Baibel-stadi? Olsem wanem yumi ken save gut long pasin bilong mekim ol stadi? (3) Bilong wanem em i bikpela samting long stiaim ol Baibel-stadi i kam long oganaisesen? Bai yumi mekim olsem wanem? Ol pablisa i ken stori tu long olsem wanem ol tok bilong pepa yumi kisim wantaim Wok Kingdom bilong Jun 1996, na bilong Mas na Epril 1997, i bin helpim ol long mekim gut ol dispela samting.
Singsing 160 na beten.