Ol Toksave

◼ Samting bilong tilim long Disemba: Buk Nambawan Man Tru i Winim Olgeta Narapela Man long K4.00, Baibel Stori Buk Bilong Mi long K4.00, o Yu Inap i Stap Oltaim Long Paradais Long Graun long K2.00. Janueri: Buk Yu Inap i Stap Oltaim Long Paradais Long Graun. Februeri: Buk Kamapim Tok Hait​—Ol Bikpela Samting Bilong En i Laik Kamap! Mas: Buk Save i Bringim Man Long Laip Oltaim. Tingting strong long kirapim ol Baibel-stadi. Epril: Tilim sabskripsen bilong Wastaua na Kirap!

◼ Yu bai amamas long save olsem kirap long wik bilong Epril 13, 1998, yumi bai stadi long buklet God i Laik Yumi Mas Mekim Wanem? long Buk-Stadi Bilong Kongrigesen. Na bihain, kirap long wik bilong Me 18, 1998, yumi bai kirap gen long stadi long buk Kamapim Tok Hait​—Bikpela Samting Bilong En i Laik Kamap! Sapos nau yupela i putim oda bilong dispela buklet na buk, bai yupela i no sot long taim yumi kirap long stadi long ol.

◼ Ol wasman siaman, o ol brata i mekim wok olsem wasman siaman, ol i mas stretim ol samting bilong putim yia-teks bilong 1998 long ol Haus Kingdom kirap long Janueri 1, 1998. Yia-teks bilong 1998 i olsem: “Olgeta manmeri i singaut long nem bilong Jehova, bai em i kisim bek ol.”​—⁠Rom 10:​13, NW.

◼ Kirap long Janueri 1, 1998, pe bilong planti buk na ol nius bilong yumi bai go antap olsem pas mipela i salim long ol kongrigesen i toksave long en. Wasman bilong wok autim tok na brata i lukautim ol buk samting ol i mas stretim ol samting bambai ol pablisa i baim ol samting long nupela pe kirap long dispela det.

◼ Wasman siaman o brata em wasman i bin makim, em i mas skelim ol akaun bilong kongrigesen long Disemba 1 o mekim kwiktaim bihain long en. Taim em i mekim pinis, orait toksave long kongrigesen.

◼ Memorial bilong 1999 bai kamap long Fonde, Epril 1, bihain long taim san i go daun pinis. Mipela i mekim dispela toksave hariap bambai ol brata inap painim narapela ples bilong mekim Memorial sapos ol i no mekim long Haus Kingdom. Ol i mas putim nem o wokim kontrak wantaim ol bos bilong dispela ples. Na ol elda i mas stretim tok wantaim ol, nogut i gat ol narapela samting i kamap long dispela ples na ol pairap samting i pulim tingting bilong yumi. Taim yumi mekim Memorial yumi laik bai ol samting i stap isi na i mas wok stret. Dispela taim em i bikpela taim tru, olsem na lain elda i mas makim wanpela elda i save gut tru long mekim tok bilong Memorial—ol i no ken makim nating ol brata olsem senis senis long mekim tok long olgeta yia o makim wanpela brata tasol long olgeta wan wan yia.