Ol Miting Bilong Wok Bilong Julai
Wik i Kirap Long Julai 6
Singsing 110
10 min: Ol toksave bilong kongrigesen. Sampela Toksave bilong Wok Kingdom. Stori long ripot bilong wok autim tok bilong kantri na kongrigesen long mun Mas. Tiokratik Nius.
15 min: “Em i Gutpela Tru Long Go Oltaim Long Ol Miting!” Ol askim na bekim. Sapos inap, kamapim tu ol tok bilong Kirap! (tok Inglis), Jun 8, 1988, p. 19-21, bilong kirapim ol yangpela long kam oltaim long ol miting.
20 min: “Ol Man i Mas Save Long Gutnius.” Stretim rot bambai 2-pela o 3-pela pablisa i gat save ol i ken stori long ol tok bilong Wok Kingdom long pasin bilong tilim ol buklet i stap long kongrigesen. Kamapim bilong wanem ol dispela buklet i gutpela long helpim ol man long teritori bilong kongrigesen. Strongim ol brata sista long tingting strong long kirapim Baibel-stadi long buklet Yumi Mas Mekim Wanem? o long buk Save. Mekim soim long pasin bilong autim tok long namba wan taim, na bihain mekim gobek na long tokim man olsem yumi laik stadi wantaim em.
Singsing 73 na beten.
Wik i Kirap Long Julai 13
Singsing 116
10 min: Ol toksave bilong kongrigesen. Ripot bilong ol akaun. Bai i gat 5-pela Sarere Sande long mun Ogas, olsem na kirapim olgeta long tingting long mekim wok painia haptaim.
15 min: Sampela tok bilong helpim kongrigesen. O kamapim ol tok bilong buk Lo, p. 173-175, aninit long het-tok “Toksave Bilong Ol Elda Bilong Kongrigesen.” Helpim olgeta long save gut long ol samting ol elda i save mekim taim wanpela pablisa i no baptais yet i laik kisim baptais. Stori olsem ol elda i gat bikpela laik long helpim ol dispela pablisa long kamap strong long ol samting bilong spirit.
20 min: Ol Tingting Bilong Dispela Graun i Wok Long Nogutim Yu? Wanpela elda i kisim ol tok bilong Wastaua, Oktoba 1, 1997, p. 25-29 na mekim olsem wanpela tok.
Singsing 182 na beten.
Wik i Kirap Long Julai 20
Singsing 18
8 min: Ol toksave bilong kongrigesen. Stori long ol tok bilong blok “Tri Tausen Foa Handet!”
12 min: “Taim Ol i Kam Lukim Yumi Dispela Inap Helpim Yumi.” Tupela elda i stori long dispela tok. Stori long i gat wanem as na ol elda i save kam lukim yumi olsem i stap long Wastaua, Septemba 15, 1993, p. 20-23. Long gutpela pasin, kirapim ol brata sista long amamas taim ol elda i kam lukim ol.
25 min: “Wok Painia—Yu Inap Mekim?” (Paragraf 1-14) Wasman bilong wok autim tok i mekim sotpela tok bilong kirapim tok na em i kirapim olgeta long tingting long mekim wok painia oltaim. Nau em i stori long askim namba 1, na sapos inap, em i ken kamapim sampela tok bilong yiabuk bilong 1998, p. 104, 105, aninit long het-tok “Enthusiastic Pioneer Spirit.” Tupela o 3-pela painia long kongrigesen i ken go antap long pletfom na ol i ken stori wantaim elda hia long ol tok bilong askim namba 2. Ol i stori long ol samting ol painia i ken mekim bilong lukautim ol yet long ol samting bilong skin. Bihain tupela papamama i go antap long pletfom na stap wantaim ol narapela bilong stori long askim namba 3. Ol i kamapim ol gutpela as na ol yangpela i mas tingting strong long insait long wok painia. Kirapim olgeta long kam long Miting Bilong Wok long wik antap, taim yumi stori long ol narapela askim bilong dispela pepa.
Singsing 80 na beten.
Wik i Kirap Long Julai 27
Singsing 155
15 min: Ol toksave bilong kongrigesen. Kirapim olgeta long putim ripot bilong wok autim tok bilong Julai. Toksave long bung bilong autim tok long namba wan Sarere na Sande long Ogas, na kirapim olgeta long insait long wok autim tok long dispela taim. Kamapim ol tok bilong “Autim Tok Long Olgeta Haus Long Teritori Bilong Yumi.”
30 min: “Wok Painia—Yu Inap Mekim?” (Paragraf 15-25) Wanpela elda i mekim dispela tok na kamapim sampela askim. Wanpela wik paslain, stretim rot wantaim sampela painia na sampela em bipo ol i bin mekim wok painia bambai ol i ken kamapim sampela gutpela tok bilong bekim askim 4 na 5. Ol i kamapim olsem ol painia i mas i gat gutpela sedyul na ol i mas wok strong long bihainim sedyul. Na ol i stori long sampela gutpela sedyul bilong wok autim tok ol painia i ken bihainim long olgeta wik, em ol sedyul i bin wok gut. Bilong pinisim tok, elda i mekim ol gutpela tok i bekim askim namba 6. Long Septemba 1 nupela yia bilong wok i kirap, na dispela em i gutpela taim tru long ol nupela painia i ken kirap mekim wok painia bilong ol. Ol i ken kisim pepa aplikesen long wanpela elda bilong Komiti Bilong Lukautim Wok Bilong Kongrigesen.
Singsing 51 na beten.