Ol Toksave

◼ Ol samting bilong tilim long Disemba: Wanpela bilong dispela tupela buk: Nambawan Man Tru i Winim Olgeta Narapela Man, o Baibel Stori Buk Bilong Mi long K4.00; sapos i stret yu ken tilim Baibel New World Translation long K5.50. Janueri: Wanpela bilong ol liklik buk em ol i daunim pe bilong en sapos i gat sampela i stap yet long kongrigesen, o buk Yu Inap i Stap Oltaim Long Paradais Long Graun. Februeri: Wanpela bilong ol buk em ol i daunim pe bilong en sapos i gat sampela i stap long kongrigesen, o buk Yu Inap i Stap Oltaim Long Paradais Long Graun. Mas: Buk Save i Bringim Man Long Laip Oltaim. Bai yumi wok strong long kirapim ol nupela Baibel-stadi. Epril: Sabskripsen bilong Wastaua na Kirap!

◼ Kirap long Janueri 1, 1999, olgeta kongrigesen i mas putim nupela yia-teks long Haus Kingdom bilong ol. Yia-teks bilong 1999 em: ‘Harim! Nau em taim bilong God i kisim bek yumi.’​—⁠2 Korin 6:⁠2.

◼ Wasman siaman o brata em wasman i bin makim, em i mas skelim ol akaun bilong kongrigesen long Disemba 1 o mekim kwiktaim bihain long en. Taim em i mekim pinis, orait toksave long kongrigesen taim yupela i kamapim ripot bilong ol akaun.

◼ Memorial long yia 2000 bai kamap long Trinde, Epril 19, bihain long taim san i go daun pinis. Mipela i mekim dispela toksave hariap, long wanem, sapos tupela kongrigesen i yusim Haus Kingdom na wanpela i mas painim narapela hap bilong mekim Memorial, orait ol brata inap putim nem o wokim kontrak wantaim ol bos bilong ol dispela ples. Ol elda i mas stretim tok wantaim ol bos bilong dispela ples, nogut ol narapela samting i kamap long dispela ples na ol pairap samting i pulim tingting bilong yumi taim yumi mekim Memorial. Memorial em i bikpela samting, olsem na taim ol lain elda i makim brata bilong mekim tok, ol i mas makim wanpela brata em inap tru long mekim dispela tok, ol i no ken senis senis long mekim tok o makim wanpela brata tasol long mekim tok long olgeta yia.

◼ I gat 5-pela Sarere Sande long mun Janueri, olsem na em i gutpela mun tru bilong planti brata sista i ken mekim wok painia haptaim.