Ol Miting Bilong Wok Bilong Janueri

Wik i Kirap Long Janueri 4

Singsing 36

10 min: Ol toksave bilong kongrigesen. Sampela Toksave bilong Wok Kingdom. Sapos taim bilong miting bilong yupela i senis long Janueri 1, orait toksave long ol brata sista long mekim wok long nupela pepa bilong singautim ol man i kam long ol miting. Nupela pepa i mas i gat ol nupela taim bilong miting long en.

15 min: “Mekim Gutpela Wok Long Ol Olpela Buk.” Ol askim na bekim. Kolim nem bilong sampela olpela buk i stap long buk-rum bilong yupela. Stori long sampela gutpela tok ol dispela buk i kamapim, na stori long olsem wanem yumi ken tilim long ol man. Kirapim olgeta long tilim ol buk bilong 25 toea o 50 toea long taim yumi autim tok long ol haus na long kain kain taim na ples. Yumi ken tilim tu buk Stap Oltaim. Mekim sotpela soim long pasin bilong tilim ol dispela buk.

20 min: Yu Save Skelim Tok Bilong Baibel Long Olgeta De? Mekim olsem wanpela tok na givim sampela askim long ol brata sista. Long olgeta yia Sosaiti i save redim buklet Skelim Sampela Tok Bilong Baibel Long Olgeta De. Olsem wanem? Yu yet o famili, yupela i save mekim gutpela wok long dispela buklet? Stori olsem, i gat wanem as na yumi mas skelim teks long olgeta wan wan de. Stori long ol tok i stap long tok i go pas long buklet Skelim Sampela Tok Bilong Baibel Long Olgeta De​—⁠1999, p. 3, 4. Askim ol pablisa long stori long olsem wanem ol yet o olsem wanpela famili ol i save wok strong long skelim teks na stori bilong en long olgeta de.

Singsing 61 na beten.

Wik i Kirap Long Janueri 11

Singsing 88

10 min: Ol toksave bilong kongrigesen. Ripot bilong ol akaun.

20 min: “Yumi Bin Pasim Tok Long Bihainim Rot Jehova i Makim.” Mekim olsem wanpela tok. Kirapim ol brata sista long kam long olgeta 5-pela miting bilong kongrigesen long olgeta taim.

15 min: “No Ken Les Kwik.” Wanpela famili i ken stori wantaim. Ol i stori long sampela rot bilong bihainim moa yet pasin bilong isi na no ken les kwik long taim bilong autim tok. Ol i ken kamapim tu sampela tok i stap long Wastaua, Jun 15, 1995, p. 12.

Singsing 135 na beten.

Wik i Kirap Long Janueri 18

Singsing 169

5 min: Ol toksave bilong kongrigesen.

10 min: “Ol Papamama​—⁠Lainim Pikinini Bilong Yupela Long Autim Tok.” Ol askim na bekim.

15 min: “Ol Wasman i Go Pas Long Wok​—⁠Ol Wasman Bilong Buk-Stadi.” Wanpela wasman bilong Buk-Stadi i stap olsem gutpela piksa i stori long ol wok em i mas mekim. Em i mekim olsem wanpela tok. Em i stori gut long olsem wanem kain wok olsem i save helpim kongrigesen long stap strong long ol samting bilong spirit. Kamapim tu ol bikpela tok long buk Lo, p. 43-45, 74-76.

15 min: “Kirapim Stadi Long Buklet Yumi Mas Mekim Wanem?” Mekim olsem ol askim na bekim.

Singsing 197 na beten.

Wik i Kirap Long Janueri 25

Singsing 201

15 min: Ol toksave bilong kongrigesen. Wasman bilong Skul i ken mekim ol askim na bekim long “Askim” i stap long pes 4.

15 min: “Sampela Senis Long Ol Aua Bilong Ol Painia.” Wanpela elda i ken mekim olsem wanpela tok. Tok amamas long ol painia long kongrigesen long gutpela wok ol i mekim, na kirapim ol pablisa long mekim wok painia haptaim na wok painia oltaim, na ol i ken tingting long mekim moa yet long mun Mas, Epril, na Me. Kamapim tu sampela tok i stap long pepa yumi kisim wantaim Wok Kingdom bilong Februeri 1997 na Julai 1998.

15 min: Redi Nau Long Holimpas Lo Bilong God Long Blut. Wanpela elda i gat save em i ken stori olsem em i bikpela samting long wokim kat Advance Medical Directive/Release. Tok bilong God i stap long Song 19:7 i soim yumi olsem, tok bilong Aposel 15:​28, 29 i kamapim stretpela lo bilong God long blut. Ol man i stap gut long God, ol i wok strong long holimpas dispela lo. Dispela kat i save kamapim klia dispela laik bilong yu na inap kamapim tingting bilong yu taim yu yet i no inap toktok. (Skelim wantaim Sindaun 22:⁠3.) Wanpela nupela kat olsem inap kamapim tingting bilong yu nau long dispela taim olsem yu no laik kisim blut. Bihain long dispela miting, ol Witnes i baptais pinis i ken kisim wanpela nupela kat, na ol brata sista i gat ol liklik pikinini i no baptais yet ol i ken kisim wanpela kat Identity bilong olgeta wan wan pikinini bilong ol. Ol brata sista i mas raitim gut olgeta tok long tupela kat na wasman bilong Buk-Stadi i ken lukautim dispela wok. Long dispela rot em bai helpim gut olgeta long grup bilong em, em ol i laik wokim kat. Sapos inap, mekim bihain long miting. Bikpela samting em olsem: Ol brata i sainim nem olsem witnes ol i mas lukim brata o sista i sainim nem bilong em na raitim det. Ating long dispela miting ol elda i no inap helpim olgeta long raitim stret ol tok long kat na stretim ol samting bambai ol witnes i sainim nem bilong ol, long wanem, planti tru i laik bai ol i mas helpim ol o sampela i no kam long ol miting. Inap sampela de moa elda o wasman bilong Buk-Stadi i ken helpim ol dispela brata sista inap long olgeta pablisa i baptais pinis ol i raitim gut ol tok long kat bilong ol. Em i bikpela samting long ol wasman bilong Buk-Stadi i mas wokim lista bambai ol inap save olgeta long Buk-Stadi bilong ol i kisim helpim long wokim kat bilong ol. Ol pablisa i no baptais yet, ol i ken kisim sampela tok i stap long dispela kat na wokim kat i stret long tingting na bilip bilong ol yet na bilong pikinini bilong ol.

Singsing 225 na beten.