Ol Toksave

◼ Ol samting bilong tilim long Janueri: Wanpela bilong ol liklik buk em ol i daunim pe bilong en sapos i gat sampela i stap yet long kongrigesen long 25 toea o 50 toea, o buk Yu Inap i Stap Oltaim Long Paradais Long Graun long K2.00. Februeri: Buk Yu Inap i Stap Oltaim Long Paradais Long Graun. Mas: Buk Save i Bringim Man Long Laip Oltaim. Bai yumi wok strong long kirapim ol nupela Baibel-stadi. Epril na Me: Sabskripsen bilong Wastaua na Kirap! Tilim buklet God i Laik Yumi Mas Mekim Wanem? long ol man i gat laik long harim tok, na wok strong long kirapim ol nupela Baibel-stadi.

◼ Long Miting Bilong Wok bilong wik i kirap long Janueri 25, olgeta pablisa i baptais pinis ol bai kisim kat Advance Medical Directive/Release na kat Identity bilong ol pikinini bilong ol.

◼ Namel long Februeri 1 na Mas 1, ol wasman sekit bai kirap long mekim nupela pablik-tok, nem bilong en “Yu Ting God i Stap Tru?”

◼ Ol kongrigesen i mas redim ol samting bilong mekim Memorial bilong dispela yia long Fonde, Epril 1, taim san i go daun pinis. Tok bilong Memorial i ken kirap paslain long taim san i go daun, tasol yupela i mas tilim bret na wain long taim san i go daun pinis. Sapos inap, gutpela olgeta wan wan kongrigesen i ken mekim Memorial bilong ol yet. Sapos 2-pela o 3-pela kongrigesen i bung long wanpela Haus Kingdom, orait mipela i laik namel long 2-pela miting yupela i mas i gat hap taim inap 40 minit bilong sekanim ol nupela man, na strongim bel bilong ol nupela man, na bai Memorial i ken helpim tru yumi. Ol elda i mas tingim tu hevi bilong ples bilong putim ol ka, na tu rot bilong kisim ol man i kam harim tok na kisim ol i go bek gen long haus. Ol lain elda i mas pasim tok long wanem rot i gutpela long bihainim long hap bilong ol.

◼ Bikpela pablik-tok yumi mekim long taim bilong Memorial bilong 1999, em bai kamap long Sande, Epril 18. Nem bilong dispela tok em: “Pasin Bilong Stap Pren Tru Bilong God na Ol Narapela Man.” Bihain mipela bai salim autlain long yupela. Ol kongrigesen i gat raun bilong wasman sekit o kibung sekit o bikpela de kibung long dispela wik, ol bai mekim dispela bikpela pablik-tok long wik bihain. No ken mekim bikpela pablik-tok paslain long Epril 18, 1999.

◼ Ol Nupela Buk Samting Yu Inap Kisim:

Kalenda bilong 1999​—⁠Tok Inglis

kelim Sampela Tok Bilong Baibel Long Olgeta De​—⁠1999​—⁠Tok Inglis