Yu Save Putim Ripot?

Ripot bilong wanem samting? Ripot bilong yu long wok autim tok. Sapos yumi save tingting olsem yumi mas insait long wok autim tok long olgeta wan wan mun, orait yumi mas wok strong tu long putim kwik ripot long pinis bilong mun. Kuskus o brata i save lukautim ripot bilong kongrigesen, em tu i mas tingting long bungim olgeta ripot na salim long brens-ofis long namba 6 de bilong narapela mun. Sori tru, i gat hevi yet long kisim ol ripot bilong sampela ples long dispela kantri. Dispela em as na sampela taim ripot bilong wok autim tok long Wok Kingdom Bilong Yumi i kamapim bikpela senis long namba bilong ol pablisa i go antap long wanpela mun na long narapela mun namba i go daun. Olsem wanem? Bai yu insait long wok bilong stretim dispela hevi na mekim gut wok bilong yu long putim ripot long olgeta wan wan mun? Mipela i laik bai yu mekim olsem.

This article is unique to PNG.