Ol Toksave

◼ Ol samting bilong tilim long Mas: Buk Save i Bringim Man Long Laip Oltaim long K2.00. Bai yumi wok strong long kirapim ol nupela Baibel-stadi. Epril na Me: Sabskripsen bilong Wastaua na Kirap! Tilim buklet God i Laik Yumi Mas Mekim Wanem? long ol man i gat laik long harim tok, na wok strong long kirapim ol nupela Baibel-stadi. Jun: Buk Save i Bringim Man Long Laip Oltaim. Julai: Wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman.

◼ Ol pablisa i tingting long mekim wok painia haptaim long mun Epril na Me, ol i ken stretim ol samting nau na putim hariap aplikesen bilong ol. Dispela bai helpim ol elda long stretim gut ol bung bilong autim tok na redim inap magasin na buk bilong mekim wok long en. Toksave long kongrigesen long nem bilong ol brata sista em ol elda i tok orait long ol i ken mekim wok painia haptaim.

◼ Wasman siaman o brata em wasman i makim, em i mas skelim ol akaun bilong kongrigesen long Mas 1 o mekim kwiktaim bihain long en. Taim em i mekim pinis, orait toksave long kongrigesen taim yupela i kamapim ripot bilong ol akaun.

◼ Memorial bai kamap long Fonde, Epril 1, 1999. Sapos kongrigesen bilong yupela i save mekim miting long Fonde, orait yupela i ken senisim miting i go long narapela de bilong wik, sapos i no gat narapela miting long Haus Kingdom. Sapos yupela i no inap mekim olsem na i no gat rot long mekim Miting Bilong Wok bilong yupela, orait ol hap bilong dispela miting i stret long kongrigesen bilong yupela, bungim dispela wantaim narapela Miting Bilong Wok.

◼ Mipela i toksave long yupela olsem yumi no inap kisim sabskripsen bilong nius Kirap! long 6-pela mun. Mipela i tok sori, long wanem, mipela i popaia na putim dispela toksave long Wok Kingdom bilong Oktoba 1998.

◼ TINGIM GUT: Kirap long Mas 1, 1999, yupela i mas mekim wok long nupela Lista Bilong Ol Buk Samting bilong Sosaiti, i gat senis long pe bilong klostu olgeta buk samting. Plis yupela i mas brukim olpela lista na tromoi. Bilong helpim brens-ofis long senisim pe bilong ol litresa i stap long kongrigesen, olgeta kongrigesen bai kisim 3-pela pepa Bilong Kaunim Ol Buk Samting Long Mas 1. Long kirap bilong mun Februeri, kuskus bilong kongrigesen i mas bung wantaim brata i lukautim ol buk samting na makim wanpela de, olsem long Februeri 28, 1999, bilong kaunim ol buk samting i stap long kongrigesen (no ken kaunim ol buk i gat lo bilong baim kwik). Ol i mas kaunim olgeta buk samting na raitim long pepa Sosaiti i salim bilong mekim dispela wok, na salim i go bek long bres-ofis paslain long Mas 15, 1999. Putim wanpela kopi bilong en long fail bilong kongrigesen. Yupela i ken rait long namba 3 pepa taim yupela i kaunim ol buk samting. Kuskus i mas bosim dispela wok bilong kaunim ol buk samting na raitim namba bilong ol long dispela pepa. Taim ol i wokim pinis, wasman siaman i mas sekim bilong save em i stret o nogat. Kuskus na siaman i mas sainim pepa taim em i redi pinis.

◼ HARIM: Kirap long Wastaua bilong Mas 1, 1999, na Kirap! bilong Mas 8, 1999, pe bilong wanpela nius em 50 toea. Pe bilong sabskripsen i kam 2-pela taim long wanpela mun bai go antap long K12.00 bilong wanpela yia, na bilong 6-pela mun em K6.00. Bilong save long pe bilong sabskripsen i kam long rot bilong balus, na pe bilong ol painia, plis lukim Lista Bilong Ol Buk Samting bilong 1999.

◼ Mipela i toksave long olgeta kongrigesen olsem i no gat moa Papua New Guinea Building Committee bilong helpim wok bilong sanapim ol nupela Haus Kingdom. Olsem na long nau, ol kongrigesen i mas raitim pas i go stret long Kingdom Hall Desk long brens-ofis bilong kisim helpim long ol samting bilong wokim o stretim Haus Kingdom.