Ol Miting Bilong Wok Bilong Mas
Wik i Kirap Long Mas 1
Singsing 33
8 min: Ol toksave bilong kongrigesen. Sampela Toksave bilong Wok Kingdom.
17 min: “Long Olgeta Hap Bilong Graun Ol Man i Bung Bilong Tingim Indai Bilong Krais.” Ol askim na bekim. Stori tu long ol tok bilong Wastaua, Februeri 1, 1997, p. 11, 12, par. 10-14. Kamapim klia olsem wanem bikpela pasin sori bilong Jehova i kirapim em long givim pe bilong baim bek yumi.
20 min: I Gat As Tru Bilong Mekim Wok Painia Haptaim Long Epril na Me. Wasman bilong wok autim tok i mekim dispela tok na stori wantaim ol brata sista. Em i kirapim ol brata sista long tingting strong long mekim wok painia haptaim. Stori gen long ol senis i kamap long ol aua bilong ol painia oltaim na painia haptaim, olsem Wok Kingdom bilong Janueri 1999, pes 5, i stori long en. Dispela senis bai helpim planti moa long insait long dispela gutpela wok bilong autim tok long olgeta de. Stori olsem yumi pilim tru ofa bilong Krais na dispela i kirapim yumi long wok strong long autim tok long ol narapela. (2 Ko 5:14, 15) Long dispela yia Memorial bai kamap long namba wan de bilong Epril. Em gutpela samting bilong kirapim olgeta pablisa bilong Kingdom long mekim bikpela wok moa long dispela mun! Kamapim gen sampela bikpela tok long pepa yumi kisim wantaim Wok Kingdom bilong Februeri 1997 na Mas 1998 i stori long wok painia haptaim. Skelim sampela rot bilong bihainim ol sedyul olsem i stap long tupela pepa. Stori gen long ol bung bilong wok autim tok, ol dispela bung i opim rot bilong yumi ken autim tok wantaim ol narapela. Strongim ol pablisa long kisim pepa aplikesen bilong wok painia haptaim bihain long miting.
Singsing 44 na beten.
Wik i Kirap Long Mas 8
Singsing 52
10 min: Ol toksave bilong kongrigesen. Ripot bilong ol akaun. Kirapim olgeta wan wan long wok strong long helpim ol Baibel-stadi na ol narapela man i laik harim tok long kam long Memorial long Epril 1. Soim pepa bilong singautim man i kam long Memorial, na stori long olsem wanem yumi ken mekim gutpela wok long en. Olgeta i mas kirap nau long dispela wik bilong tilim ol pepa bilong singautim ol man i kam long Memorial.
17 min: “Olgeta Man i Mas Bilip Long Tok Bilong God!” Ol askim na bekim. Kamapim sampela tok moa long pepa yumi kisim wantaim Wok Kingdom, bilong Jun 1996, par. 21.
18 min: “Olsem Wanem Olgeta Long Famili i Ken Wok Wantaim—Long Insait Tru Long Ol Miting.” Wanpela famili i toktok wantaim. Taim ol i kamapim ol bikpela tok bilong dispela stori, ol i toktok long olsem wanem famili olgeta i ken redim ol samting bilong miting wantaim. Ol i stori long ol rot ol i ken mekim wok long en bilong narapela i ken helpim narapela long insait long miting, na famili i mas mekim wanem bambai ol i kamap long miting long taim stret.
Singsing 62 na beten.
Wik i Kirap Long Mas 15
Singsing 56
10 min: Ol toksave bilong kongrigesen. Stori long “Yu Save Putim Ripot?”
20 min: “Ol Wokman Bilong Kongrigesen i Mekim Bikpela Wok.” Wanpela wokman i save gut long kamapim ol tok bai mekim dispela tok. Kamapim ol bikpela tok long buk Lo, p. 57-59. Stori long wok ol wokman i save mekim bilong helpim kongrigesen.
15 min: Bihainim Stretpela Lo Bilong Jehova. Ol askim na bekim long buk Lo, p. 127 i go inap long liklik het-tok long p. 130. Kaunim olgeta paragraf.
Singsing 68 na beten.
Wik i Kirap Long Mas 22
Singsing 162
10 min: Ol toksave bilong kongrigesen. Toksave long nem bilong ol brata sista bai mekim wok painia haptaim long mun Epril. Stori olsem, sapos sampela i laik mekim wok painia haptaim long Epril, ol i ken putim yet aplikesen. Toksave long ol narapela bung bilong autim tok em kongrigesen i makim long mun Epril. Kirapim olgeta long bihainim sedyul bilong kaunim Baibel long taim bilong Memorial kirap long Mas 27 i go inap Epril 1, olsem i stap long buklet Skelim Sampela Tok Bilong Baibel Long Olgeta De bilong 1999 na long kalenda bilong 1999.
15 min: Redi Long Memorial. Wanpela tok. Yumi olgeta i mas stretim rot bilong helpim ol Baibel-stadi na ol man i laik harim tok long kam long Memorial. Ol nupela man i kam long Memorial ol i no klia husat i mas kisim bret na wain, o dispela bung i bikpela samting. Stori long tok i stap long Wastaua, Epril 1, 1996, p. 6-8, na kamapim klia olsem wanem yumi inap helpim ol nupela man long save long insait bilong dispela bung na as bilong en. Bilong pinisim tok, stori long “Ol Samting Bilong Tingim Long Memorial” na toksave long ol samting bilong Memorial bilong kongrigesen.
20 min: Wanpela tok long stori “Taim Ol Raskol i Holim Gan na i Kam” long Wastaua bilong Disemba 15, 1998, p. 21-25.
Singsing 92 na beten.
Wik i Kirap Long Mas 29
Singsing 111
12 min: Ol toksave bilong kongrigesen. Kirapim olgeta long putim ripot bilong wok autim tok bilong Mas. Bai yumi tilim Wastaua na Kirap! long Epril. Soim ol nupela magasin; stori long sampela tok ol pablisa inap kamapim, na kolim sampela gutpela tok bilong toktok wantaim man long en. Olgeta i mas kisim buklet Yumi Mas Mekim Wanem? i go wantaim ol na mekim wok long en bilong kirapim Baibel-stadi wantaim ol man i laik harim tok.
15 min: Sampela tok bilong helpim kongrigesen. O stori long tok “Inap Mi Ken Singaut Long Kisim Dinau Long Brata Bilong Mi?” long Wastaua, Novemba 15, 1998, p. 24-27.
18 min: Yumi Mas Ting Olsem Wanem Long Tok Bilong Stretim Yumi? Wanpela elda i mekim dispela tok. Yumi olgeta i save kisim tok bilong stretim tingting na pasin bilong yumi, na long ol poroman bilong yumi, o long ol samting yumi mekim taim yumi insait long ol wok bilong kongrigesen. Sampela taim yumi sakim tok bilong stretim yumi, o yumi kros. Sapos yumi redi long kisim tok bilong stretim yumi na bihainim, dispela i bikpela samting na yumi stap gut long samting bilong spirit. Stori gen long ol bikpela samting i kamapim klia as na yumi mas amamas long kisim tok bilong stretim yumi.—Lukim Wastaua (tok Inglis), Epril 1, 1987, p. 27-30.
Singsing 118 na beten.