Ol Toksave

◼ Ol samting bilong tilim long Epril na Me: Sabskripsen bilong Wastaua bilong wanpela yia long K12.00 na Kirap! long K6.00. (Wastaua bilong 6-pela mun em K6.00). Tilim buklet God i Laik Yumi Mas Mekim Wanem? long ol man i laik harim tok, na wok strong long kirapim ol nupela Baibel-stadi. Jun: Buk Save i Bringim Man Long Laip Oltaim. Julai na Ogas: Wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman.

◼ Na no ken lusim tingting olsem: Kirap long Wastaua bilong Mas 1, 1999, na Kirap! bilong Mas 8, 1999, pe bilong wanpela nius em 50 toea. Pe bilong sabskripsen i kam 2-pela taim long wanpela mun nau em K12.00 bilong wanpela yia, na bilong 6-pela mun na sabskripsen i kam wanpela taim long mun inap wanpela yia em K6.00. (I no gat sabskripsen bilong 6-pela mun long ol nius i kam wanpela taim long mun.) Bilong kisim save long pe bilong sabskripsen i kam long rot bilong balus, na pe bilong ol painia, plis lukim Lista Bilong Ol Buk Samting bilong 1999. Na tu, pe bilong klostu olgeta buk samting i senis olsem yu ken lukim long Lista Bilong Ol Buk Samting bilong 1999.

◼ Long olgeta taim kongrigesen i mas i gat sampela buk Stap Oltaim long buk-rum bambai ol pablisa inap kisim taim Wok Kingdom i makim dispela buk bilong tilim. I gat planti bilong dispela buk long tok Hiri Motu na tok Pisin i stap yet. Yumi laik bai ol man i olsem sipsip i stap long teritori bilong yumi ol i ken kisim gutpela samting long ol tok bilong spirit i stap long ol dispela buk, na yumi no laik ol i stap tasol long brens-ofis. Olsem na yumi olgeta i ken wok strong long tilim dispela buk long olgeta taim rot i op long mekim.

◼ Long olgeta taim kuskus bilong kongrigesen i mas holim i stap sampela bilong ol dispela pepa bilong ol painia: Pepa Bilong Mekim Wok Painia Oltaim (S-205-MP), Aplikesen Bilong Wok Painia Haptaim (S-205b-MP), na Bilong Toksave Olsem Painia Oltaim i Pinis Long Wok Painia (S-206-MP). Em i ken raitim oda long Literature Order Form (S-14). Em i mas kisim ol pepa bilong wanpela yia. Skelim aplikesen bilong ol painia oltaim bilong save gut ol i raitim olgeta tok long en, o nogat. Sapos pablisa i laik kamap painia na em i no inap tingim det stret em i kisim baptais, orait em i ken makim wanpela det i klostu long de em i ting em i kisim baptais​—⁠na tu, em i mas raitim long wanpela hap na lukautim gut.

◼ Sosaiti i wokim wanpela nupela liklik nius, nem bilong en Jehovah​—⁠Who Is He? (Liklik Nius Namba 23) Yupela i ken kisim long tok Inglis. Liklik nius bai helpim planti man long teritori bilong yumi, long wanem, ol i wokim bilong helpim ol man long save gut long Jehova na laikim em. Nau yupela i ken putim oda long dispela liklik nius. Pe bilong en, em K1.00 long 50; na K20.00 long 1,000.

◼ Nupela Kaset Yu Inap Kisim:

Yupela Ol Famili​—⁠Kaunim Baibel Long Olgeta De! (Pilai, wanpela kaset)​—⁠Tok Inglis