Ol Miting Bilong Wok Bilong Me
Wik i Kirap Long Me 3
Singsing 7
8 min: Ol toksave bilong kongrigesen. Sampela Toksave bilong Wok Kingdom. Tiokratik Nius.
17 min: “Skulim Ol Narapela Long Helpim Ol Yet.” Kirap bilong tok i no ken abrusim wan minit, na bihain kamapim ol tok bilong dispela hap long rot bilong ol askim na bekim. Mekim wok long ol tok bilong sapta 13 bilong buk Save, na kamapim klia olsem taim ol man i stadi, na save, na bihainim ol lo bilong Baibel, dispela i save helpim ol olsem wanem.
20 min: “Rot Bilong Mekim Wok Bilong Yu i Go Bikpela.” Tupela elda i stori long ol tok bilong dispela hap bilong bekim ol askim bilong sampela pablisa. Wanpela yangpela pablisa, tupela marit, wanpela brata i lapun liklik, ol i sindaun namel long ol brata sista long Haus Kingdom na ol i askim tupela elda ol i ken mekim wanem ol samting bilong mekim bikpela wok moa long autim tok. Tupela elda i kamapim ol tok long Wok Kingdom na bilong buk Lo, sapta 9, p. 116-118, aninit long het-tok “Wanem Wok Bilong Spirit Yu Laik Mekim Long Bihain?” Ol pablisa i tok amamas long ol gutpela tok Sosaiti i save kamapim bilong helpim yumi long skelim ol samting bambai yumi ken mekim bikpela wok moa long bihain.
Singsing 11 na beten.
Wik i Kirap Long Me 10
Singsing 15
8 min: Ol toksave bilong kongrigesen. Ripot bilong ol akaun.
12 min: Wanpela elda o wanpela wokman i gat save em i stori olsem long olgeta wik olgeta wan wan pablisa i mas raitim gut olgeta samting bilong wok autim tok long ripot, na long pinis bilong mun ol i mas putim hariap ripot bilong ol. Mekim wok long buk Lo, p. 108-109 bilong kamapim klia bilong wanem em i bikpela samting long yumi mas putim ripot. Sapos ol pablisa i save putim ripot bihaintaim, orait stori long sampela rot bilong stretim dispela hevi. Olsem: Yumi mas i gat planti pepa bilong raitim ripot na yumi mas tingim wok bilong putim ripot i olsem hap wok bilong spirit yumi mas mekim long olgeta taim. Long ol kongrigesen i save mekim ol miting bilong ol long wanpela de tasol long wik, kirapim ol pablisa long raitim ripot hariap bambai ol i ken putim long laspela miting bilong mun, o paslain long namba 6 de bilong narapela mun. Sapos i gat taim, mekim wok long blakbot bilong helpim ol brata sista long save long pasin bilong raitim stret ol samting long pepa Ripot Bilong Wok Autim Tok na Ripot Bilong Stadi, sapos sampela i no save gut long raitim ol dispela ripot.
25 min: Wanpela brata i save gut long mekim tok em i ken kamapim ol bikpela tok bilong stori “Bihainim Gutpela Tingting Taim Yu Laik Stretim Pe Bilong Baim Meri,” long Wastaua, Septemba 15, 1998, p. 24-27. Stori gut long ol gutpela lo bilong Baibel long pasin mangal, wok bilong ol papamama, na pasin bilong tingim man na meri i laik marit na i stap bilong tupela long ol samting bilong spirit.
Singsing 19 na beten.
Wik i Kirap Long Me 17
Singsing 27
8 min: Ol toksave bilong kongrigesen.
15 min: “Tingim Ol Samting Yu Bai Mekim Bihain!” Wanpela tok i stori long olgeta wok bilong spirit kongrigesen i stretim bilong mekim long ol mun bihain. Kirapim olgeta long makim ol dispela det long kalenda bilong ol na no ken larim sampela samting i pasim ol.
22 min: Kisim Stretpela Tingting Long Ol Pasin Bilong Ples na Ol Lo Kristen. Wanpela brata i gat save em i ken mekim wanpela tok na stori olsem yumi mas save long wanem ol pasin bilong ples i no stret wantaim ol lo bilong God. Kisim sampela tok long Wastaua, Oktoba 1, 1998, p. 19-22. Tokaut olsem long teritori bilong yumi i gat kain kain pasin bilong ples. Kamapim klia wanem ol lo bilong Baibel inap helpim yumi long save yumi mas sakim wanem ol pasin bilong ples o yumi ken orait long ol. Kamapim insait bilong 2 Korin 6:3 na stori olsem yumi mas was gut long sampela pasin bilong ples, nogut ol i kamapim pasin o tingting nogut bilong dispela graun.
Singsing 29 na beten.
Wik i Kirap Long Me 24
Singsing 41
5 min: Ol toksave bilong kongrigesen.
15 min: Askim. Wanpela elda i kamapim olsem wanpela tok.
25 min: Olsem Wanem? Yu Insait Long Wok Bilong Tilim Ol Man? Wasman bilong wok autim tok i kisim ol tok bilong Wastaua, Julai 1, 1997, p. 30, 31, na mekim wanpela tok i kirapim ol brata sista.
Singsing 32 na beten.
Wik i Kirap Long Me 31
Singsing 43
15 min: Ol toksave bilong kongrigesen. Kirapim olgeta long putim ripot bilong wok autim tok bilong Me. Stori long ol samting bilong tilim long Jun. Taim yumi tilim buk Save, yumi ken tilim tu wanpela olpela buk i gat 192 pes long en na i gat sampela i stap yet long kongrigesen. Mekim wanpela soim long dispela.
15 min: Sampela tok bilong helpim kongrigesen. O yu ken kamapim tok bilong stori “Olsem Wanem Yu Inap Mekim Pasin Daun Tru?” long Wastaua, Februeri 1, 1999.
15 min: Wanem Samting i No Stret Long Lotu Bilong Mi? Tupela wokman bilong kongrigesen i stori. Yumi save bungim planti man em ol i amamas long tok i tru na ol i laikim tru ol Witnes Bilong Jehova. Tasol ol i bung yet wantaim lotu bilong ol, olsem na dispela i save pasim ol. Ol i hatwok long bilip olsem lotu bilong yumi tasol i lotu tru na lotu bilong ol i giaman. Dispela i wanpela bikpela samting i save pasim ol long kamap strong long ol samting bilong spirit. Tupela brata i stori long 6-pela samting i stap long buk Toktok Gut, p. 333-334, em i kamapim klia olsem ol narapela lotu i no bihainim ol tok bilong Baibel. Kirapim ol brata sista long mekim wok long ol dispela tok bilong helpim ol man i gat gutpela bel long skelim ol bilip bilong lotu bilong ol.
Singsing 50 na beten.