Ol Toksave

◼ Samting bilong tilim long Jun: Buk Save i Bringim Man Long Laip Oltaim long K2.00. Julai na Ogas: Wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem?, Taim Wanpela Long Famili i Dai, Tewel Bilong Ol Daiman. Septemba: Buk Save i Bringim Man Long Laip Oltaim. Oktoba: Sabskripsen bilong Wastaua na Kirap!

◼ Wasman siaman o brata em wasman i bin makim, em i mas skelim ol akaun bilong kongrigesen long Jun 1 o mekim kwiktaim bihain long en. Taim em i mekim pinis, orait toksave long kongrigesen taim yupela i kamapim ripot bilong akaun.

◼ Wok Bilong Skruim Haus Brens Long Papua Niugini! Mipela i amamas tru long tokaut olsem Komiti Bilong Wokim Ol Buk Samting bilong Lain Bilong Bosim Ol Witnes i givim tok orait long wok bilong skruim Haus Brens bilong Papua Niugini. Ofis Bilong Wokim Ol Haus Samting i stap long brens-ofis long Ostrelia bai kirap nau long wokim ol piksa, na sapos Jehova i blesim dispela wok, wok bai kirap long yia 2000. Bai ol i wokim wanpela bikpela haus i gat ol nupela rum slip, na bikpela ples kaikai na ples bilong wasim ol klos samting. Ol bai wokim sampela ofis moa bilong dipatmen bilong tanim tok antap tasol long haus nau yumi mekim wok long en bilong salim ol buk samting i go. Mipela i tingting tu long wokim nupela Haus Kingdom long hap graun i stap klostu long brens-ofis, bambai tupela kongrigesen i ken mekim wok long en. Mipela i tok tenkyu long Jehova long dispela gutpela samting. Na dispela bai helpim gut wok bilong lukautim wok autim tok na skulim ol man long teritori bilong yumi.

◼ Nupela Kaset Yu Inap Kisim:

Marked for Survival (Pilai, wanpela kaset)​—⁠Tok Inglis