Ol Miting Bilong Wok Bilong Jun
Wik i Kirap Long Jun 7
Singsing 45
10 min: Ol toksave bilong kongrigesen. Sampela Toksave bilong Wok Kingdom. Tiokratik Nius.
15 min: “Jehova i Skulim Yumi.” Kirap bilong tok i no ken abrusim 1 minit, na bihain kamapim ol tok long rot bilong ol askim na bekim. Askim ol brata sista long stori long sampela gutpela samting ol i bin kisim long rot bilong Skul Bilong Wok Autim Tok, Skul Bilong Wok Painia, Skul Bilong Wok Kingdom na sampela narapela skul. Stori olsem wanem ol dispela skul i bin helpim lain bilong Jehova long kamap gutpela moa long wok autim tok.
20 min: “Mekim Gutpela Wok Long Taim Bilong Yu.” Wanpela wasman bilong Buk-Stadi i toktok wantaim wanpela o tupela pablisa i gat save, na ol pablisa i stori long olsem wanem ol i save skelim gut taim bilong ol bambai ol i ken mekim wok autim tok, inap tru long skel bilong ol. Ol i stori bilong wanem gutpela sedyul em bikpela samting na ol i kamapim klia olsem yumi olgeta i mas wokim gutpela sedyul. Ol i stori long olsem wanem ol i save abrusim ol samting em inap westim taim bilong ol, olsem: kirap mekim wok bihaintaim, i no stretim na skelim gut ol samting paslain yet, o bung bung na stori planti wantaim ol brata sista long taim bilong autim tok. Stori long sampela samting i save kamap long kongrigesen na kamapim sampela gutpela tok bilong helpim ol brata sista long olsem wanem ol i ken mekim gutpela wok long taim bilong ol.
Singsing 48 na beten.
Wik i Kirap Long Jun 14
Singsing 63
10 min: Ol toksave bilong kongrigesen. Ripot bilong ol akaun.
17 min: Sampela tok bilong helpim kongrigesen. O kamapim ol tok bilong stori “Ol Bikpela Famili i Stap Wanbel Long Mekim Wok Bilong God” long Wastaua, Februeri 15, 1999, p. 9-12.
18 min: “Autim Tok Long Ol Teritori i Stap Longwe Long Julai i Go Inap Septemba.” Wanpela tok na mekim sampela askim. Kirapim olgeta long wok strong. Kamapim olsem yumi mas i gat planti buk na magasin samting bilong mekim wok long en. Ol pablisa i mas redi long givim mani bilong baim PMV samting, nogut ol i putim hevi long sampela brata tasol.
Singsing 53 na beten.
Wik i Kirap Long Jun 21
Singsing 72
10 min: Ol toksave bilong kongrigesen.
17 min: Mekim Gutpela Wok Long Ol Video na Ol Pilai Long Kaset. I gat 10-pela video-kaset na 11-pela pilai em Sosaiti i putim long kaset long tok Inglis. Olsem wanem? Yu na famili bilong yu i bin lukim ol dispela video o harim ol dispela kaset? Kolim nem bilong sampela, na stori long olsem wanem ol inap helpim yumi long ritim gut Baibel, na strongim yumi long ol samting bilong spirit, na helpim ol manmeri long save long tok i tru. Pilaim sampela hap bilong tupela o 3-pela pilai long kaset. Askim ol brata sista long stori long wanem video o pilai long kaset i bin strongim famili bilong ol yet o i bin stiaim ol nupela long kam long oganaisesen. Stori long sampela ekspiriens long ol gutpela samting i bin kamap. (Lukim yiabuk bilong 1999, p. 51, 52.) Askim ol brata sista long stori long wanem video-kaset o pilai i stap long kaset i bin helpim tru famili bilong ol o stiaim ol nupela long kam long oganaisesen. Kirapim olgeta long mekim gutpela wok long ol video na ol pilai long kaset taim rot i op.
18 min: “Yu Save Lukluk Long Skin Tasol?” Wanpela tok na mekim sampela askim. Kamapim klia i gat wanem as na yumi no ken skelim hariap ol man yumi bungim ol. Stori liklik long samting Jehova i bin skulim Jona long en, taim Jona i skelim kranki ol manmeri na em i bin ting ol i no gutpela. (Lukim Wastaua, Ogas 15, 1997, p. 22, par. 17-19.) Askim ol brata sista long stori ol i save bungim wanem kain man long teritori, na ol i stori long olsem wanem ol i save amamas long ol na larim Jehova i skelim ol.
Singsing 77 na beten.
Wik i Kirap Long Jun 28
Singsing 85
12 min: Ol toksave bilong kongrigesen. Kirapim olgeta long putim ripot bilong wok autim tok bilong Jun. Stori long ol samting bilong tilim long Julai. Soim ol buklet em planti i stap long kongrigesen, na stori long wanpela o tupela tok insait long en em yumi ken kamapim taim yumi toktok wantaim ol man. Mekim wanpela soim em ol i redim gut.
13 min: Bilong Wanem Jehova i Larim Ol Man i Mekim Nogut Long Ol Manmeri Bilong Em? Wanpela elda i kisim ol tok bilong Wastaua, Novemba 1, 1986, p. 16-18, par. 1-7, na mekim olsem wanpela tok. Olsem Jisas i bin tok, ‘olgeta lain manmeri bai bel nogut tru long yumi.’ (Mt 24:9) Ol man inap birua long yumi taim yumi autim tok o bung wantaim ol wanblut i no bilip, o taim yumi stap wantaim ol man i no Witnes long ples wok o long skul. Long pasin bilong strongim ol brata sista, brata i mekim tok em i kamapim bilong wanem Jehova i larim ol man i mekim nogut o birua long yumi na em i stori olsem, taim yumi sanap strong na karim ol dispela hevi, bihain ol gutpela samting bai i kamap.
20 min: Autim Tok Long Ol Hap i Gat Ol Man Long En! Wanpela tok. Kisim ol tok long Wok Kingdom bilong Julai 1997, p. 1, na Wastaua, Jun 15, 1998, p. 19-21, par. 10-19. Long olgeta taim yumi mas wok yet long autim tok long ol haus bilong ol man, tasol yumi ken wok strong long painim rot bilong autim tok long kain kain taim na ples. Stori long sampela ekspiriens bilong yiabuk i kamapim olsem wanem ol narapela i mekim olsem taim ol i raun long bas, wokabaut long rot o nambis, toktok wantaim ol man i sindaun long ka, autim tok long ol ples ol trak i save malolo long en, autim tok long rot bilong telefon, na raitim pas, na ol gutpela samting i bin kamap long en. Sapos i gat taim, askim ol brata sista long stori long sampela ekspiriens bilong ol yet. Kirapim olgeta long autim tok long olgeta hap i gat ol man long en taim rot i op long mekim olsem.
Singsing 75 na beten.