Ol Miting Bilong Wok Bilong Julai
Wik i Kirap Long Julai 5
Singsing 6
10 min: Ol toksave bilong kongrigesen. Sampela Toksave bilong Wok Kingdom. Stori long laspela ripot bilong wok autim tok bilong kantri na bilong kongrigesen. Tiokratik Nius.
20 min: “Beten Askim Jehova Long Helpim Yumi.” Kirap bilong tok i no ken abrusim 1 minit, na bihain kamapim ol tok long rot bilong ol askim na bekim. Stori long olsem wanem olgeta kain gutpela beten i save helpim yumi long mekim wok autim tok i kamap gutpela moa. Askim ol brata sista long stori long ol ekspiriens i kamapim olsem wanem beten ol i mekim long taim stret i bin helpim ol long wok autim tok.—Lukim Wastaua, Oktoba 15, 1996, p. 32.
15 min: Mekim Gutpela Wok Long Ol Buklet. Wanpela tok na sampela soim. Kamapim klia bilong wanem ol buklet i gutpela tul tru bilong helpim yumi long wok autim tok. Ol buklet i save kamapim gut ol stori em planti manmeri i laikim, ol buklet i gat ol sotpela stori i kamapim gut wanpela bikpela tok bilong Baibel, na i save kamapim gut ol tok bilong Baibel long pasin i no hatwok long save long en. Kolim nem bilong ol buklet yumi tilim long dispela mun, na soim ol buklet em planti bilong ol i stap long kongrigesen. Kisim ol tok bilong Wok Kingdom, Julai 1997 na Julai 1998 na mekim tupela o tripela sotpela soim.
Singsing 181 na beten.
Wik i Kirap Long Julai 12
Singsing 103
10 min: Ol toksave bilong kongrigesen. Ripot bilong akaun.
15 min: “Redi Gut Pastaim—Dispela Bai Kamapim Amamas.” Wanpela tok na toktok wantaim sampela. Kamapim gut bilong wanem em i bikpela samting long redi gut pastaim taim yumi laik insait long wok autim tok na olsem wanem dispela inap helpim yumi long kisim bikpela amamas long wok yumi mekim. (Lukim Buk Bilong Skul, p. 11, par. 1-3.) Toktok wantaim tupela o tripela pablisa na ol i ken stori long olsem wanem ol i save redim tok paslain long ol i go autim tok na olsem wanem dispela i save helpim ol. Kamapim ekspiriens i stap long Wastaua, Epril 15, 1993, p. 30, em i stori long pasin bilong mekim gut wok long buk Toktok Gut bilong redi gut long autim tok.
20 min: “Yumi Mas ‘Tokaut Stret!’ ” Toktok wantaim ol brata sista na mekim sampela askim. Mekim sampela soim tu. Stori long olgeta wan wan tok yumi ken mekim na bai man bilong haus i ken harim tok bilong yumi. Sampela pablisa i save gut long autim tok, ol i ken mekim soim long sampela gutpela kirap bilong tok i save kirapim ol man long harim tok bilong yumi. Askim ol brata sista long kamapim sampela tingting moa long pasin bilong kirapim tok, na stori long sampela ekspiriens i kamapim wanem ol pasin bilong kirapim tok i wok gut long hap bilong yupela.
Singsing 183 na beten.
Wik i Kirap Long Julai 19
Singsing 31
10 min: Ol toksave bilong kongrigesen.
15 min: Sampela tok bilong helpim kongrigesen. O stori long ol samting yumi ken mekim long man em kongrigesen i kisim bek em, olsem i stap long Wastaua, Oktoba 1, 1998, p. 16-18.
20 min: Olsem Wanem? Mi Mas Insait Long Wanpela Oganaisesen? Toktok wantaim ol brata sista long ol tok bilong buk Toktok Gut, p. 280-284 na mekim sampela askim. Planti taim yumi save bungim ol man i amamas long harim tok bilong Kingdom, tasol ol i no laik insait long wanpela oganaisesen bilong lotu. Stori long insait bilong dispela tok “oganaisesen” na sevenpela samting i olsem mak bilong oganaisesen bilong Jehova long graun. Kamapim klia bilong wanem dispela oganaisesen i narakain long ol narapela lotu, na taim yumi bung wantaim dispela oganaisesen, olsem wanem dispela inap helpim yumi long kisim ol blesing tru.
Singsing 189 na beten.
Wik i Kirap Long Julai 26
Singsing 184
13 min: Ol toksave bilong kongrigesen. Kirapim olgeta long putim ripot bilong wok autim tok bilong Julai. Askim.
15 min: “Olsem Wanem? Yu Inap Helpim Ol?” Wanpela elda i stori wantaim ol brata sista long dispela tok na em i mekim sampela askim. Kamapim tu ol tok bilong Kirap! (tok Inglis), Oktoba 8, 1995, p. 8-9, i gat stori bilong ol samting yumi ken mekim bilong helpim ol papa o mama wanpis. Askim sampela long stori olsem ol i pilim tru ol gutpela samting ol narapela long kongrigesen i bin mekim bilong helpim ol.
17 min: Olsem Wanem? Yumi Kamapim Ol Disaipel? Wasman bilong wok autim tok i toktok wantaim wanpela o tupela wokman long ol tok bilong Wastaua, Februeri 15, 1996, p. 19-22. Kamapim sampela tok bilong Baibel i makim bilong wanem yumi mas painim ol gutpela man long teritori bilong yumi na helpim ol long kamap disaipel. (Mt 10:11) Ol dispela manmeri i bel hevi na wari, long wanem, ol i lukim ol pasin nogut na ol man i givim baksait long God, na ol i gat laik long kam long Jehova paslain long de bilong em bilong kamapim belhat bilong em. (Ese 9:4; Sef 2:2, 3) Namel long ol i gat ol manmeri em ‘bel bilong ol i gutpela tru bilong kisim laip i stap gut oltaim.’ (Aposel 13:48) Yumi kisim wok bilong kamapim ol disaipel na skulim ol man long olgeta tok Jisas i bin lainim yumi long en. (Mt 24:14; 28:19, 20) Ating yumi inap kirapim tingting bilong ol man taim yumi autim tok long ol haus, o long kain kain taim na ples, o long rot, tasol yumi kamapim ol disaipel taim yumi mekim ol gobek na Baibel-stadi. Stori long sampela gutpela rot bilong mekim olsem.
Singsing 14 na beten.