Ol Miting Bilong Wok Bilong Oktoba
Wik i Kirap Long Oktoba 4
Singsing 147
10 min: Ol toksave bilong kongrigesen. Sampela Toksave bilong Wok Kingdom.
17 min: “Singautim Ol Long Kam.” Ol askim na bekim. Kamapim klia olsem long olgeta taim yumi mas stiaim ol nupela manmeri long kam long ol miting bilong kongrigesen. Mekim wanpela soim olsem: Wanpela pablisa i toktok wantaim wanpela man long ol tok bilong buk Save, p. 159, par. 20, na p. 161-162, par. 5-8. Brata i mekim tok em i ken holim pepa bilong singautim ol man long kam long ol miting long han bilong em na bai ol brata i ken lukim, na em i ken stori gut long pasin bilong mekim gut wok long dispela pepa.
18 min: Tingim Gut Wok Magasin! Tokaut long hamas magasin ol brata na sista long kongrigesen i bin tilim long mun i go pinis. Skelim wantaim hamas magasin kongrigesen i bin kisim long Sosaiti. Sapos yumi no bin tilim planti, orait yumi mas mekim wanem? Askim ol brata sista long stori long ol dispela samting: (1) Olgeta wan wan pablisa i mas putim oda bilong magasin inap tasol long skel bilong ol. (2) Tingim olgeta Sarere i olsem De Magasin. (3) Long sedyul bilong yu long mekim wok autim tok long olgeta mun, makim sampela taim bilong mekim wok magasin. (4) Taim yu autim tok long kain kain taim na ples, traim long mekim wok long ol magasin bilong kirapim toktok. (5) Ol nius i gat ol stori i stret long ol bisnisman o dokta o tisa samting, kisim i go long ol na ating ol bai amamas long ritim. (6) Raitim gut nem bilong ol man long notbuk na wanem nius ol i kisim na ol samting olsem, bambai yu ken i go bek oltaim bilong tilim ol nupela magasin long ol. (7) Mekim gut wok long ol olpela magasin—nogut ol i stap nating long haus. Holim ol nupela magasin long han bilong yu na bai ol brata i ken lukim, na kamapim ol stori em ol man inap amamas long en. Mekim tupela sotpela soim. Wanpela pablisa i bikpela pinis na wanpela yangpela i ken mekim soim long pasin bilong tilim magasin.—Lukim Wok Kingdom, Oktoba 1996, p. 4.
Singsing 105 na beten.
Wik i Kirap Long Oktoba 11
Singsing 194
10 min: Ol toksave bilong kongrigesen. Ripot bilong ol akaun.
15 min: “Planim Planti Kaikai, Tasol Bihainim Gutpela Tingting.” Ol askim na bekim. Stori long ol pasin bilong toktok wantaim ol man olsem stori i kamapim, em ol i stret long teritori bilong yupela. Stori gen long ol dispela pasin bilong toktok wantaim ol man long taim bilong bung bilong autim tok long dispela Sarere Sande.
20 min: “Rot Bilong Kisim Amamas Long Ol Miting.” Ol askim na bekim. Stori long ol samting yumi ken mekim bilong tingim na strongim ol narapela long taim bilong ol miting. Askim ol brata sista long kamapim stori bilong ol yet long olsem wanem ol i bin kisim amamas long i go long ol miting.
Singsing 152 na beten.
Wik i Kirap Long Oktoba 18
Singsing 196
10 min: Ol toksave bilong kongrigesen. Stori long hap “Bai Yu Go?”
22 min: : “ ‘Tok Profet Bilong God’ Kibung Distrik Bilong 1999.” (Paragraf 1-16) Ol askim na bekim. Ritim paragraf 6, 8, 11, na 16. Stori long i gat wanem ol as na yumi mas kam long olgeta de bilong kibung—Fraide i go inap long Sande. Kamapim klia bilong wanem em i bikpela samting long bihainim tok bilong Sosaiti long bringim kaikai bilong yumi yet i kam long kibung long olgeta wan wan de.
13 min: “Bai Yu Go Long Narapela Kongrigesen?” Kuskus i ken mekim dispela tok na strongim ol brata sista. Taim ol pablisa i mas i go long narapela kongrigesen, em i bikpela samting long ol i mas stretim gut ol samting long sindaun bilong ol long nupela ples bambai dispela i no ken givim hevi long ol long ol samting bilong spirit. Sapos ol pablisa i tingting long i go long nupela kongrigesen, ol i mas askim ol elda long helpim ol long save gut long nupela kongrigesen.
Singsing 142 na beten.
Wik i Kirap Long Oktoba 25
Singsing 179
15 min: Ol toksave bilong kongrigesen. Helpim olgeta long redi long tilim buklet Yumi Mas Mekim Wanem? o buk Save long mun Novemba. Stori long rot bilong redim wanpela soim i bekim dispela askim, “Olsem wanem? God i save harim ol beten?” Mekim wok long ol tok bilong Stadi 7 long buklet o sapta 16, paragraf 12-14 bilong buk. Mekim wanpela sotpela soim i kamapim wanpela skripsa bilong Baibel.
15 min: Sampela tok bilong helpim kongrigesen. O stori long hap “Yia 2000 i Bikpela Samting?” long Kirap!, Me 8, 1998, p. 12-13.
15 min: Rot Bilong Painim Bekim Bilong Ol Askim Bilong Baibel. Wanpela man i gat laik long harim tok em i mekim wanpela askim bilong Baibel long wanpela pablisa na nau pablisa i go lukim wanpela wokman bilong kongrigesen long painim bekim bilong dispela askim. Tasol wokman i no givim bekim bilong dispela askim; em i helpim pablisa long rot bilong painim bekim bilong dispela askim. Pastaim em i kamapim ol tok i stap long Buk Bilong Skul, Stadi 4, par. 6-7. Bihain long dispela, tupela wantaim i painim bekim bilong wanpela askim em planti man long teritori i save kamapim. Ol i lukluk long Indeks Bilong Ol Tok Bilong Wastaua bilong Disemba 15, na Kirap! bilong Disemba 8. Bilong painim bekim bilong dispela askim bilong Baibel, tupela i skelim sampela Indeks, na nau ol i painim wanpela stori i stret. Ol i painim tu sampela tok moa long buk Toktok Gut. Kirapim olgeta long mekim kain gutpela stadi olsem bilong painim bekim bilong ol askim bilong Baibel.
Singsing 151 na beten.