Nupela Program Bilong Ol Kibung
1 Taim yu bihainim ol tok bilong Jehova long nau, dispela i helpim yu olsem wanem? Olsem wanem yu ken sakim ol samting bilong graun i kamap na i laik pulim yu na yu no putim ol samting bilong Kingdom i stap olsem namba wan samting long laip bilong yu? (Mt 6:33) Yumi stap namel long ol man i tingim ol pasin i no stret i olsem stretpela pasin tasol, olsem na yu hatwok long skelim wanem pasin i stret na wanem pasin i no stret? (Hi 5:14) Kirap long Februeri 2000, kibung sekit “Wokabaut Long Rot God i Makim na Dispela Bai Helpim Yu Long Nau,” em bai stori long ol dispela samting.—Sng 128:1.
2 Wanpela nupela samting long program long Sarere long dispela kibung sekit, em ol bai mekim Miting Bilong Wok Autim Tok. Wasman sekit bai toksave long ol kongrigesen long ol samting bai kamap bambai olgeta i ken redi long kisim gut ol tok i kamap.
3 Wanpela tok nem bilong en, “Yupela Ol Painia—Was Gut Long Wokabaut Bilong Yupela,” em bai helpim yumi long bihainim gutpela tingting bambai yumi gat taim bilong mekim wok painia. (Ef 5:15-17) Pablik-tok nem bilong en, “Rot God i Makim—i Helpim Yumi Olsem Wanem?” em bai kamapim klia olsem wanem pasin bilong bihainim ol stretpela lo bilong Jehova inap helpim yumi long nau.
4 Nem bilong bikpela de kibung bilong yumi long yia 2000 em, “Wok Long Painim Olgeta Tingting Bilong God i Stap Hait.” (1 Ko 2:10) Bai yumi kisim save long wanem ol gutpela samting?
5 Long nau, bilong wanem em i bikpela samting long yumi mas wok strong long kisim save long ol gutpela gutpela kaikai bilong spirit i stap hait? Jehova em Man bilong kamapim as bilong ol tok hait. Wanpela brata bilong brens bai mekim tok, “Jehova i Wok Long Kamapim Ol Samting i Stap Hait,” em bai stori long ol tok hait Jehova i bin kamapim as bilong en long bipo na long taim bilong yumi. Dispela tok bai helpim yumi long pasim tok long bel long wok yet long “painim olgeta tingting hait bilong God.”
6 Stretim ol samting nau bambai yu ken go long dispela tupela kibung. Ol manmeri i laik kisim baptais bilong kamapim dediket bilong ol long Jehova, nau ol i ken toksave long wasman siaman.
This article is unique to PNG.