Ol Toksave

◼ Samting bilong tilim long Disemba: Buk Nambawan Man Tru, buk Baibel Stori, o buk Stap Oltaim. Janueri: Ol olpela buk i gat 192 pes o buk Stap Oltaim. Februeri: Ol olpela buk i gat 192 pes o buk Stap Oltaim. Mas: Buk Save i Bringim Man Long Laip Oltaim. Epril: Tilim nius Wastaua na Kirap!

◼ Ol kongrigesen i ken kirap nau long putim oda bilong kisim yiabuk bilong yia 2000 wantaim oda bilong litresa bilong Disemba. Yu inap kisim tu yiabuk long ol narapela tok ples. Olsem: Tok Frans, Japan, Jemani, Saina, na Spen. Inap long mipela i kisim yiabuk na salim i kam long yupela, mipela bai raitim long pepa i kam wantaim oda olsem “Mipela bai salim bihain.” Ol yiabuk em samting ol pablisa yet i mas putim oda long en bilong kisim.

◼ Ol kongrigesen i ken kirap nau long putim oda bilong kisim ol volyum bilong Wastaua na Kirap! bilong 1999 wantaim oda bilong litresa bilong Disemba. Yu inap kisim tu ol volyum bilong ol narapela tok ples. Olsem: Tok Frans, Japan, Jemani, Saina, na Spen. Inap long mipela i kisim ol volyum na salim long yupela, mipela bai raitim long pepa i kam wantaim oda olsem “Mipela bai salim bihain.” Ol dispela volyum em samting ol pablisa yet i mas putim oda long en bilong kisim.

◼ Wasman siaman o brata em wasman i bin makim, em i mas skelim ol akaun bilong kongrigesen long Disemba 1 o mekim kwiktaim bihain long en. Taim em i mekim pinis, orait toksave long kongrigesen taim yupela i kamapim ripot bilong ol akaun.

◼ Memorial bilong yia 2001 bai kamap long Sande, Epril 8, taim san i go daun pinis. Mipela i mekim dispela toksave hariap, long wanem, sapos tupela kongrigesen i save yusim Haus Kingdom na wanpela i mas painim narapela hap bilong mekim Memorial, orait ol brata inap putim nem o wokim kontrak wantaim ol bos bilong ol dispela ples. Ol elda i mas stretim tok wantaim ol bos bilong dispela ples​—⁠nogut ol narapela samting i kamap long dispela ples na ol pairap samting i pulim tingting bilong yumi taim yumi mekim Memorial. Memorial em i bikpela samting, olsem na taim ol elda i makim brata bilong mekim tok, ol i mas makim wanpela brata em inap tru long mekim dispela tok​—⁠ol i no ken senis senis long mekim tok o makim wanpela brata tasol long mekim tok long olgeta yia.

◼ Buk Yu Inap Kisim Gen:

Wok Strong Long Lain Long Rit na Rait​—⁠Tok Pisin