Ol Toksave

◼ Samting bilong tilim long Janueri na Februeri: Ol olpela buk i gat 192 pes o buk Stap Oltaim. Mas: Buk Save i Bringim Man Long Laip Oltaim. Bai yumi wok strong long kirapim ol Baibel-stadi. Epril na Me: Tilim nius Wastaua na Kirap! Holim sampela buklet Yumi Mas Mekim Wanem? bilong tilim long ol man i laik harim tok, na traim long kirapim Baibel-stadi.

◼ Namel long Februeri 1 na Mas 5, ol wasman sekit bai kirap long mekim nupela pablik-tok, nem bilong en “Armagedon Tru​—⁠Bilong Wanem? Na Long Wanem Taim?”

◼ Ol kongrigesen i mas redim ol samting bilong mekim Memorial bilong dispela yia long Trinde, Epril 19, taim san i go daun pinis. Tok bilong Memorial i ken kirap paslain long taim san i go daun, tasol yupela i mas tilim bret na wain long taim san i go daun pinis. Tru ating olgeta wan wan kongrigesen i laik mekim Memorial bilong ol yet, tasol sampela taim ol i no inap mekim olsem. Sapos tupela o tripela kongrigesen i save mekim wok long wanpela Haus Kingdom, ating wanpela o sampela kongrigesen i ken mekim wok long narapela haus bung bilong mekim Memorial long dispela nait. Sapos inap, namel long tupela kongrigesen i bung, mipela i laik bai yupela i mas i gat hap taim inap olsem 40 minit bambai Memorial i ken helpim tru olgeta manmeri i kam bung, na bai i gat taim bilong sekanim ol nupela na strongim bel bilong ol. Mas tingim tu hevi bilong putim ol ka, na tu sampela ka bai kam tasol bilong lusim o kisim sampela lain. Ol lain elda i mas pasim tok long wanem rot i gutpela long bihainim long hap bilong ol.

◼ Ating nau olgeta Haus Kingdom i putim pinis yia-teks bilong yia 2000. Em i olsem: “Yumi no man bilong surik . . . yumi ol manmeri bilong bilip.”​—⁠Hibru 10:⁠39.

◼ Ol brata i lukautim litresa, taim ol i lukim dispela tok “Bai mipela i salim bihain,” long pepa i kam wantaim oda ol i no ken putim oda gen long ol dispela samting.

◼ Bikpela pablik-tok long taim bilong Memorial long yia 2000 em bai kamap long Sande, Epril 16. Nem bilong tok em “Bilong Wanem Yumi Mas i Gat Wanpela Man Bilong Baim Bek Yumi.” Bihain bai mipela i salim autlain long yupela. Ol kongrigesen i gat raun bilong wasman sekit o kibung sekit o bikpela de kibung long dispela wik, ol bai mekim dispela bikpela pablik-tok long wik bihain. No ken mekim bikpela pablik-tok paslain long Epril 16, 2000.

◼ I no longtaim na bai mipela i salim ol pepa bilong kongrigesen bilong yia 2000 long olgeta kongrigesen na grup. Bai mipela i putim ol dispela pepa long wanpela karamap na i gat toksave long en olsem kuskus i ken opim dispela karamap. Lista bilong ol pepa na sampela toksave bai stap insait long olgeta wan wan karamap. Kuskus i mas stretim gut olgeta samting bambai ol brata i mekim wok long ol dispela pepa ol i mekim wok long en olsem Sosaiti i makim.

◼ Yupela i no inap kisim moa Buk Baibel i gat blakpela skin na sipa long en long Sosaiti.

◼ Ol Nupela Buk Samting Yu Inap Kisim:

Kalenda bilong yia 2000​—⁠Tok Inglis

◼ Liklik Nius Yu Inap Kisim Gen:

T-23 Jehova​—⁠Em i Husat?​—⁠Tok Inglis