Ol Miting Bilong Wok

Wik i Kirap Long Janueri 10

Singsing 107

10 min: Ol toksave bilong kongrigesen. Sampela Toksave bilong Wok Kingdom.

15 min: “Autim Nem Bilong Jehova Long Olgeta Hap Bilong Graun.” Ol askim na bekim. Kamapim tu sampela tok bilong buk Lo, p. 93, 94, em i stori long pasin bilong autim tok long kain kain taim na ples.

20 min: Redi Nau Long Holimpas Lo Bilong God Long Blut. Wanpela elda i gat save em i ken stori olsem em i bikpela samting long wokim kat Advance Medical Directive/Release. Tok i stap long Song 19:7 i soim yumi olsem, tok bilong Aposel 15:​28, 29 i kamapim stretpela lo bilong God long blut. Ol man i stap gut long God, ol i wok strong long holimpas dispela lo. Dispela kat i save kamapim klia dispela laik bilong yu na em inap kamapim tingting bilong yu taim yu yet i no inap toktok. (Skelim wantaim Sindaun 22:⁠3.) Wanpela nupela kat inap kamapim tingting bilong yu olsem nau long dispela taim yu no laik kisim blut. Bihain long dispela miting ol Witnes i baptais pinis ol i ken kisim wanpela nupela kat, na ol brata sista i gat ol liklik pikinini i no baptais yet ol i ken kisim wanpela kat Identity bilong olgeta wan wan pikinini bilong ol. Ol brata sista i mas raitim gut olgeta tok long tupela kat na wasman bilong Buk-Stadi i ken lukautim dispela wok. Long dispela rot em inap helpim gut olgeta long grup bilong em, em ol i laik wokim kat. Sapos inap, mekim bihain long miting. Bikpela samting em olsem: Ol brata i sainim nem olsem witnes ol i mas lukim brata o sista i sainim nem bilong em na raitim det. Ating long dispela miting ol elda i no inap helpim olgeta long raitim stret ol tok long kat na stretim ol samting bambai ol witnes i sainim nem bilong ol, long wanem, planti tru i laik bai ol i mas kisim helpim, o sampela i no kam long miting. Inap sampela de moa ol elda o wasman bilong Buk-Stadi i ken helpim ol brata sista inap long olgeta pablisa i baptais pinis ol i raitim gut ol tok long kat bilong ol. Ol wasman bilong Buk-Stadi i mas wokim lista bambai ol inap save, olgeta long Buk-Stadi bilong ol i kisim helpim long wokim kat bilong ol. Ol pablisa i no baptais yet, ol i ken kisim sampela tok i stap long dispela kat na wokim kat i stret long tingting na bilip bilong ol yet na bilong pikinini bilong ol.

Singsing 155 na beten.

Wik i Kirap Long Janueri 17

Singsing 12

8 min: Ol toksave bilong kongrigesen. Ripot bilong ol akaun.

17 min: “Olgeta Tok Profet Bilong God Bai Kamap Tru!” Mekim kirap bilong tok insait long wanpela minit, na bihain mekim ol askim na bekim.

20 min: “Mekim Wok Long Ol Liklik Nius Bilong Kirapim Tok.” Stori long 4-pela liklik nius em yupela i save mekim wok long en long teritori. Kamapim wanpela askim em bekim bilong en i stap long ol dispela liklik nius. Askim ol brata sista long kamapim sampela tingting long olsem wanem yumi ken mekim wok long dispela askim bilong kirapim toktok wantaim ol man na ating bihain yumi inap kirapim Baibel-stadi wantaim ol. Mekim wok long tupela bilong ol dispela liklik nius na mekim soim long dispela samting.

Singsing 57 na beten.

Wik i Kirap Long Janueri 24

Singsing 110

10 min: Ol toksave bilong kongrigesen na sampela ekspiriens bilong wok autim tok.

15 min: “Skelim Tok Bilong Jehova Long Olgeta De!” Wanpela tok na kamapim sampela askim. Kirapim olgeta long mekim gut wok long buklet Skelim Sampela Tok Bilong Baibel Long Olgeta De​—⁠2000. Kamapim tu sampela tok bilong tok i go pas long pes 3 na 4. Askim ol pablisa long stori long ol samting ol i save mekim bilong skelim teks na stori bilong Wastaua long olgeta wan wan de.

20 min: Sampela tok bilong helpim kongrigesen. O mekim wanpela tok “Yumi Mas Givim Biknem Long Man i Dai Pinis?” olsem i stap long Kirap!, Februeri 8, 1999, p. 10, 11. Kamapim olsem wanem dispela tok i ken helpim ol brata long sakim ol pasin bilong ples em planti man long hap bilong yupela i save bihainim.

Singsing 157 na beten.

Wik i Kirap Long Janueri 31

Singsing 16

10 min: Ol toksave bilong kongrigesen. Kirapim olgeta long putim ripot bilong wok autim tok bilong Janueri. Toksave long samting bilong tilim long Februeri: Em buk Stap Oltaim. Mekim wanpela soim long olsem wanem yumi ken mekim wok long paragraf 1-3 long pes 238 bilong dispela buk bilong toktok wantaim man.

17 min: Bekim Bilong Askim Long Pasin Bilong “Makim” Man. Wanpela elda i mekim olsem wanpela tok. Em i kisim ol tok long Wastaua, Julai 15, 1999, p. 29-31.

18 min: Rot Bilong Helpim Ol Narapela Long Save Long Lotu i Tru. Wanpela wokman i save gut long mekim tok, em i toktok wantaim tupela o tripela pablisa i gat gutpela save. Ol i stori olsem, ol man i save amamas tru long ol Witnes Bilong Jehova, tasol ol i no save gut olsem wanem ol narapela lotu i narakain long lotu bilong yumi. Stori long 7-pela samting i stap long buk Toktok Gut, p. 236, 237. Stori olsem, taim man i gat gutpela bel em i save long ol dispela samting, dispela bai helpim em long luksave wanem lotu i tru na wanem lotu i giaman, na bai em i ken save em i mas lainim ol samting wantaim lain bilong Jehova na bung wantaim yumi.

Singsing 60 na beten.

Wik i Kirap Long Februeri 7

Singsing 113

8 min: Ol toksave bilong kongrigesen.

17  min: Mekim tok “Yu Helpim Pikinini Bilong Yu Bai Em Yet i Laik Lotuim Jehova?” olsem i stap long Wastaua, Oktoba 1, 1994, p. 26-​30.

20  min: Ol i Makim Gutpela Rot. Wanpela tok. Kisim ol tok long Wastaua, Oktoba 15, 1997, p. 19-21, par. 3-16. Kamapim sampela tok ol painia i bin mekim bilong soim olsem wok painia ol i mekim em i wanpela gutpela wok tru na em i bin helpim gut ol long i stap bilong ol. Kirapim olgeta long skelim sindaun bilong ol yet, ol inap mekim wok painia o nogat.

Singsing 182 na beten.