Ol Miting Bilong Wok
Wik i Kirap Long Februeri 14
Singsing 113
10 min: Ol toksave bilong kongrigesen. Sampela Toksave bilong Wok Kingdom.
15 min: “Wok Strong Long Autim Tok.” Kirap bilong tok i no ken abrusim wanpela minit, na bihain mekim ol askim na bekim. Kamapim tu sampela tok bilong buk Lo, p. 170.
20 min: “Rot Bilong Kisim Pasin Bilong Skelim Gut Ol Tok.” Wanpela tok na wanpela soim. Kamapim klia bilong wanem pasin bilong toktok gut wantaim ol man long taim bilong wok autim tok em i bikpela samting, na olsem wanem yumi ken kisim dispela pasin. Tupela pablisa i gat save long mekim wok autim tok, ol i toktok long pasin bilong redi long wok autim tok olsem paragraf 3 i kolim, na bihain ol i ken mekim wanpela soim long dispela.
Singsing 182 na beten.
Wik i Kirap Long Februeri 21
Singsing 17
10 min: Ol toksave bilong kongrigesen. Ripot bilong ol akaun.
15 min: “Ol i Save Wok Strong Long Mekim Wok Bilong Bikpela.” Kirap bilong tok i no ken abrusim wanpela minit, na bihain mekim ol askim na bekim. Kamapim tu sampela tok bilong Wastaua, Septemba 15, 1996, p. 14-15, par. 18-19. Long gutpela pasin tok amamas long ol sista long ol gutpela wok ol i save mekim bilong helpim kongrigesen, na ol gutpela wok ol i save mekim bilong helpim ol narapela, na long pasin bilong ol long givim bel long wok autim tok.
20 min: “Wanem Samting i Ken Helpim Yumi Long Sanap Strong Long Bilip?” Wanpela elda i ken mekim dispela tok. Yumi stap long taim bilong hevi, olsem na yumi olgeta i mas kisim sampela helpim. Stori long ol samting ol elda na ol wokman inap mekim bilong strongim bel bilong ol brata, em ol hevi i daunim ol. (Lukim liklik het-tok “Wasman Mas Strongim Ol Brata Sista,” long Wastaua, Septemba 15, 1993, p. 21-23.) Stori long ol samting yumi ken mekim bambai narapela i ken strongim narapela long pasin em inap helpim yumi long ol samting bilong spirit.—Ro 1:11, 12.
Singsing 82 na beten.
Wik i Kirap Long Februeri 28
Singsing 46
10 min: Ol toksave bilong kongrigesen. Kirapim olgeta long putim ripot bilong wok autim tok bilong Februeri. Stori liklik long “Fopela Rot i No Hatwok,” long pasin bilong mekim wok long ol liklik nius bilong kirapim toktok wantaim ol man, olsem Wok Kingdom bilong mun i go pinis i bin kamapim long pes 4. Mekim soim long pasin bilong mekim wok long liklik nius, “Gutpela Sindaun Long Nupela Taim” bilong opim rot bilong tilim buk Save. Taim yu kamapim pinis askim i stap long namba wan paragraf bilong nius, ritim namba wan paragraf long pes 3, na ritim tu Song 37:29. Sapos man i amamas long harim tok, opim buk Save long pes 5, na ritim ol tok bilong blok, na tokim em yu laik stadi wantaim em. Long dispela mun, olgeta i mas wok strong long kirapim wanpela nupela Baibel-stadi.
5 min: Askim. Wanpela elda i mekim olsem wanpela tok.
12 min: Was Gut Nogut Yu Belhat! Wanpela tok na stori long ol dispela samting: (1) “Belhat na kros” em wanpela pasin bilong “olpela bel” na em inap bagarapim sindaun bilong man na kirapim man long pait na bagarapim ol samting. Sapos wanpela Kristen i no bosim gut belhat na em i belhat nogut tru, em i no stap olsem gutpela piksa. Kain pasin olsem inap mekim na ol elda inap mekim kot, na tu, long dispela as ol inap rausim em long kongrigesen. God bai skelim ol pasin yumi mekim. (Ga 5:19, 20; Ef 4:31; Je 1:19, 20; Snd 22:24, 25; Mt 5:21, 22) (2) Bilong brata i ken kisim wok wokman o elda o bilong em i ken mekim yet dispela wok, em i no ken “belhat kwik,” paitim meri bilong em, kros nogut tru long ol narapela o paitim ol. (1 Ti 3:2-4, 12; Ta 1:7; 1 Ko 13:1-3) (3) Pasin bilong bilip tru na spirit bilong God inap helpim yumi long bosim gut bel. (Ga 5:22, 23; Sng 4:4; Ro 12:18; 1 Ko 13:4-8; 1 Jo 5:4) Lukim tu Kirap!, Jun 8, 1997, p. 14-16.
18 min: “Bilip Strong na Autim Gutnius.” Inap 2-pela o 3-pela minit mekim kirap bilong tok ol brata inap pilim tru, kisim ol tok bilong en long paragraf 1 na 2, na kamapim tu ol skripsa i stap long dispela tupela paragraf. Nau yu ken kamapim ol tok bilong paragraf 3-12 long rot bilong ol askim na bekim.
Singsing 61 na beten.
Wik i Kirap Long Mas 6
Singsing 116
5 min: Ol toksave bilong kongrigesen. Ol pablisa i ken stori liklik long sampela ekspiriens ol i bin kisim long wok autim tok.
10 min: Sampela tok bilong helpim kongrigesen. O wanpela elda i mekim tok, “Yu Save Givim Biknem Long Ol?” bilong Wastaua, Epril 1, 1998, p. 28-31.
10 min: “Was Gut Long Pasin Bilong Yu Long Harim Tok.” Wanpela papa i stori wantaim meri na ol pikinini bilong em long ol samting ol i ken mekim bambai ol miting bilong kongrigesen, ol kibung sekit, na kibung distrik i ken helpim ol moa yet. Papa i ting olsem olgeta long famili inap wok strong moa yet long putim gut yau long ol tok. Ol i stori long ol tok Wok Kingdom i kamapim na olsem wanem ol i ken bihainim olgeta wan wan tok, na tu, ol i stori olsem ol i gat wok long stori moa yet long ol samting ol i lainim. Ol i stori long ol samting ol i ken mekim bilong bihainim dispela tok ol i pasim pinis olsem ol i no ken lusim wanpela miting o wanpela de bilong kibung distrik o kibung sekit.
20 min: “Bilip Strong na Autim Gutnius.” Inap sotpela taim stori gen long ol bikpela tok bilong paragraf 1-12, na bihain kamapim ol tok bilong paragraf 13-24 long rot bilong ol askim na bekim. Stori gut long ol skripsa em ol i raitim tasol ol ves bilong en o ol i bin kamapim ol tok bilong en long paragraf.
Singsing 186 na beten.