Ol Miting Bilong Wok

Wik i Kirap Long Epril 10

Singsing 122

10 min: Ol toksave bilong kongrigesen. Sampela Toksave bilong Wok Kingdom. No ken lusim tingting long bikpela pablik-tok em bai kamap long Epril 16, nem bilong en “Bilong Wanem Yumi Mas i Gat Wanpela Man Bilong Baim Bek Yumi.” Kirapim olgeta long bihainim sedyul bilong ritim Baibel long wik bilong Memorial kirap long Epril 14-19, olsem i stap long buklet Skelim Sampela Tok Bilong Baibel Long Olgeta De​—⁠2000. Stori long hap “Ol Samting Bilong Tingim Long Memorial” i stap long pes 4 bilong pepa i kam wantaim dispela Wok Kingdom.

15 min: “Yu Pilim Gutpela Pasin Sori Bilong Krais?” Kirap bilong tok i no ken abrusim wanpela minit, na bihain mekim ol askim na bekim. Kamapim tu sampela tok bilong Wastaua, bilong Me 1, 1998, p. 16, 17, par. 12, 13. Kirapim olgeta long wok strong long singautim ol man long kam long Memorial.

20 min: “Epril​—⁠Taim Bilong Wok Strong Long Mekim Gutpela Wok!” Ol askim na bekim. Givim bel tru long toktok wantaim ol brata long ol samting yumi laik mekim long Epril. Insait long laspela 3-pela o 4-pela minit bilong tok, stori long hap “Pasin Bilong Givim Bel i Save Kirapim Planti Brata.”

Singsing 199 na beten.

Wik i Kirap Long Epril 17

Singsing 25

13 min: Ol toksave bilong kongrigesen. Ripot bilong ol akaun. I gat tupela Sarere Sande tasol i stap yet long Epril, olsem na kirapim olgeta long insait long wok autim tok paslain long mun i pinis. Mekim wanpela sotpela soim long ol nupela magasin. Ating bai yumi gat wok long bekim tok long ol man i laik bai yumi insait long ol pasin bilong tingim Ista, olsem na yu ken kamapim sampela tok i stap long buk Toktok Gut, p. 288.

16 min: “Yu Save Daunim Laik Bilong Yu Yet?” Ol askim na bekim. Yumi mas tingim ol bikpela samting na putim ol i stap olsem namba wan samting long laip bilong yumi. Yumi yet i mas mekim ol samting na yumi mas bosim gut laik bilong yumi bambai yumi ken wok yet long mekim ol samting bilong helpim yumi long ol samting bilong spirit. Stori long ol samting yumi ken kisim save long en long pasin bilong Jisas.​—⁠Lukim buk Insight (tok Inglis), Volyum 2, p. 68, par. 3-5.

16 min: Tilim Ol Magasin Long Hap Planti Man Inap Kisim Helpim Long En. Wanpela tok, na mekim sampela askim. Kamapim sampela tok bilong Kirap!, (tok Inglis) bilong Janueri 8, 1995, p. 22-24. Stori long as na i gutpela long painim ol manmeri i laik ritim ol stori i skelim samting bilong wok bilong ol. Kamapim sampela stori bilong ol olpela magasin em sampela man, o bisnis, o oganaisesen long teritori i bin laikim. Askim ol brata sista long stori long ol ekspiriens i soim olsem wanem dispela pasin i bin kamapim gutpela samting.

Singsing 71 na beten.

Wik i Kirap Long Epril 24

Singsing 137

10 min: Ol toksave bilong kongrigesen. Toksave long hamas manmeri i bin kam long Memorial bilong kongrigesen bilong yupela. Askim ol brata sista long stori long sampela tok ol manmeri i bin kam long Memorial long namba wan taim ol i bin mekim.

17 min: Helpim Ol Nupela Long Kam Long Ol Miting. Kisim ol tok long buk Save, p. 161-163, par. 5-8 na mekim olsem wanpela tok. Taim ol nupela i bin stadi inap sampela taim pinis, em i bikpela samting long ol i kirap long kam long ol miting. Ating i hatwok long kirapim ol long kam long ol miting. Yu ken mekim wanem bilong kirapim ol? Ol man i lukautim ol stadi, ol i mas lusim sampela hap taim bilong stori long ol dispela tok bilong buk Save wantaim ol sumatin bilong ol, na stretim rot bilong helpim ol long bung wantaim yumi long lotu i tru.

18 min: “Yu Save Autim Tok Bilong Kingdom Long Olgeta Mun?” Kuskus i mekim dispela olsem wanpela tok na em i kamapim sampela askim. Kamapim klia bilong wanem yumi save putim ripot bilong wok autim tok. (Lukim buk Lo, p. 106-108.) Stori long sampela hevi i save kamap taim yumi no putim hariap ripot bilong yumi. Askim ol brata sista long stori long ol samting ol i save mekim bambai ol i no ken lusim tingting long putim ripot bilong ol long taim stret. Stori long ol samting ol wasman bilong Buk-Stadi ol i ken mekim bilong helpim dispela wok. Tokim ol brata sista olsem em i bikpela samting long olgeta i ken autim tok na putim ripot long pinis bilong mun.

Singsing 200 na beten.

Wik i Kirap Long Me 1

Singsing 213

12 min: Ol toksave bilong kongrigesen. Kirapim olgeta long putim ripot bilong wok autim tok bilong Epril. Ol wasman bilong Buk-Stadi i mas askim olgeta long grup bilong ol long putim ripot bambai ol i ken bungim ol ripot paslain long Me 6. Stori long Askim.

15 min: Sampela tok bilong helpim kongrigesen. O wanpela elda i ken mekim tok “Lukautim Famili,” olsem i stap long Wastaua, Oktoba 1, 1996, p. 29-31.

18 min: “Yu Mas Go Bek Lukim Ol!” Kamapim sampela askim long ol brata sista. Stori long sampela as na yumi no save mekim ol gobek. Stori long as na i bikpela samting long raitim stret olgeta samting long notbuk, na bilong wanem yumi mas i gat laik long mekim ol gobek. Tokim ol brata long makim wanpela hap taim long olgeta wik bilong mekim ol gobek. Kamapim ol tok bilong buk Lo, p. 88, 89. Stori long sampela ekspiriens i stap long yiabuk bilong 1995, (tok Inglis), p. 45.​—⁠1 Ko 3:​6, 7.

Singsing 68 na beten.